ലാലുവിന്​ സെല്ലിൽ ടി.വി, കൊതുകുവല, വീട്ടിലെ ഭക്ഷണം

പട്​ന: കാലിത്തീറ്റ അഴിമതിയിൽ സി.ബി.​െഎ കോടതി കുറ്റക്കാരനെന്ന്​ കണ്ടെത്തിയ ആർ.ജെ.ഡി നേതാവ്​ ലാലുപ്രസാദ്​ യാദവിന്​​ ജയിലിൽ പ്രത്യേക സൗകര്യങ്ങൾ. 2013ൽ ശിക്ഷക്കപ്പെട്ടപ്പോൾ കഴിഞ്ഞ അപ്പർ ഡിവിഷൻ സെല്ലിലാണ്​ ലാലുവിനെ ഇത്തവണയും പാർപ്പിച്ചിരിക്കുന്നത്​.

ജയിലിൽ ലാലുവിനായി പ്രത്യേക സൗകര്യങ്ങളും അധികൃതർ നൽകിയിട്ടുണ്ട്​. കൊതുകുവല, ദിനപത്രം, ടെലിവിഷൻ, വീട്ടിൽ നിന്നുണ്ടാക്കിയ ഭക്ഷണം എന്നീ സൗകര്യങ്ങളാണ്​ നൽകിയിട്ടുള്ളത്​. ശസ്​​ത്രക്രിയയെ തുടർന്ന്​ ലാലുവി​​െൻറ ഭക്ഷണക്രമങ്ങൾ നിയന്ത്രണങ്ങളുണ്ട്​. ഇതാണ്​ വീട്ടിലെ ഭക്ഷണം അനുവദിക്കാൻ കാരണമെന്നാണ്​ ജയിൽ അധികാരികൾ നൽകുന്ന വിശദീകരണം. ജയിലിൽ മറ്റ്​ തടവുകാർക്ക്​ ലാലുവിനെ കാണാൻ സാധിക്കില്ല.

ശനിയാഴ്​ച സി.ബി.​െഎ കുറ്റക്കാരനാണെന്ന്​ കണ്ടെത്തിയതിനെ തുടർന്നാണ്​ ലാലു റാഞ്ചിയിലെ ബിർസ മുണ്ട ജയിലിലേക്ക്​ മാറ്റിയത്​​.