ഗുജറാത്ത്​ രണ്ടാംഘട്ട തെരഞ്ഞെടുപ്പ്​: പ്രചാരണം അവസാനിച്ചു

ന്യൂഡൽഹി: ഗുജറാത്തിൽ പ്രധാനമ​ന്ത്രിയുടെ ജലവിമാന യാത്രയിലൂടെ ബി.ജെ.പിയും പുതിയ അധ്യക്ഷ​​​​െൻറ ആദ്യ വാർത്താസമ്മേളനത്തിലൂടെ കോൺഗ്രസും രണ്ടാംഘട്ട തെരഞ്ഞെടുപ്പ്​ പ്രചരണത്തിന്​ തിരശീലയതയിട്ടു. 49 ദിവസത്തെ ശക്തമായ പ്രചരണ പരിപാടികളാണ്​ ഇന്ന്​ അവസാനിപ്പിച്ചത്​​. വ്യാഴാഴ്​ചയാണ്​ രണ്ടാംഘട്ട വോ​െട്ടടുപ്പ്​ നടക്കുക. 

പ്രചരണത്തി​​​​െൻറ അവസാനദിനത്തിൽ കോൺഗ്രസ്​ അധ്യക്ഷൻ രാഹുൽ ഗാന്ധിക്കും പ്രധാനമന്ത്രി നരേന്ദ്രമോദിക്കും റോഡ്​ ഷോക്ക്​ അനുമതി നിഷേധിച്ചിരുന്നു. എന്നാൽ അഹ്മദാബാദിലെ സബർമതി നദിയിൽ നിന്ന് ദരോയി ഡാമിലേക്ക്​ ജലവിമാനത്തിൽ എത്തിയാണ്​ മോദി അവസാനദിന പ്രചരണപരിപാടികൾ നടത്തിയത്​. അവിടെ നിന്നും റോഡുമാർഗം  അംബാജി ജില്ലയിലെത്തിയ അദ്ദേഹം ഇവിടു​ത്തെ ക്ഷേത്രത്തിൽ സന്ദർശനം നടത്തി. ഒരുമണിക്കൂർ അംബാജി ക്ഷേ​ത്രത്തിൽ ചെലവഴിച്ച ശേഷമാണ്​ അദ്ദേഹം അഹമ്മദാബാദിലേക്ക്​ തിരിച്ചത്​. 

രാഹുൽ ഗാന്ധി അഹ്മദാബാദ് വാർത്താസമ്മേളനം നടത്തിയാണ്​ ഒന്നരമാസം പിന്നിട്ട പ്രചരണം അവസാനിപ്പിച്ചത്​. കോൺഗ്രസ്​ അധ്യക്ഷനായി ചുമതലയേറ്റശേഷമുള്ള രാഹുലി​​​​െൻറ ആദ്യ വാർത്തസമ്മേളനമാണ്​ ഇന്ന്​ നടന്നത്​. ​ഗുജറാത്തിലെ വികസനം,  മോദിയും പാക്​ പരാമർശം, കർഷക പ്രശ്​നങ്ങൾ തുടങ്ങിയ വിഷയങ്ങളിൽ ബി.ജെ.പിക്കെതിരെ ആഞ്ഞടിച്ചുകൊണ്ടാണ്​ രാഹുൽ പരസ്യപ്രചരണം അവസാനിപ്പിച്ചത്​. 
ഗുജറാത്തിലെ 93 സീറ്റുകളിലേക്കുള്ള വോ​െട്ടടുപ്പാണ്​ വ്യാഴാഴ്​ച നടക്കുക. ഡിസംബർ ഒമ്പതിന്​ 89 സീറ്റുകളിലേക്കുള്ള വോ​െട്ടടുപ്പ്​ നടന്നിരുന്നു.