ജെ.ഡി.എസിനെ പ്രശംസിച്ച്​ ബി.ജെ.പി നേതാവി​െൻറ മകളുടെ ട്വീറ്റ്​

ബംഗളൂരു: കർണാടക ബി.ജെ.പിയിൽ മുഖ്യമന്ത്രിമാറ്റം അടക്കമുള്ള നിർണായക രാഷ്​ട്രീയ നീക്കം നടക്കുന്നതിനിടെ പ്രതിപക്ഷ പാർട്ടിയെ പുകഴ്​ത്തി ബി.ജെ.പി നേതാവി​െൻറ മകളുടെ ട്വീറ്റ്​​. അന്തരിച്ച കേന്ദ്രമന്ത്രിയും ബി.ജെ.പി നേതാവുമായിരുന്ന എച്ച്​.എൻ. അനന്ത്​കുമാറി​െൻറയും ബി.ജെപി കർണാടക ഉപാധ്യക്ഷ തേജസ്വിനി അനന്ത്​കുമാറി​െൻറയും മകൾ വിജേതയാണ്​ ജെ.ഡി^എസിനെ പ്രശംസിച്ച്​ ട്വീറ്റ്​ ചെയ്​തത്​.

'എന്തുകൊണ്ടാണ്​ കർണാടക രാഷ്​ട്രീയം ഇത്ര ശ്രദ്ധേയമാവുന്നത്​? ജെ.ഡി^എസ്​ ഇപ്പോഴും വളരെ ശക്തമായ രാഷ്​ട്രീയകക്ഷിയാണ്​..' എന്നായിരുന്നു ട്വീറ്റ്​. അനന്ത്​കുമാറി​െൻറ മരണശേഷം അദ്ദേഹത്തി​െൻറ കുടുംബത്തെ ബി.ജെ.പി ദേശീയ നേതൃത്വം തഴഞ്ഞെന്ന ആരോപണം നിലനിൽക്കുന്നതിനിടെയാണ്​ പ്രതിപക്ഷ പാർട്ടിയെ പ്രശംസിച്ച്​ മകൾ വിജേതയുടെ ട്വീറ്റ്​ വരുന്നത്​. വിജേതയുടെ ട്വീറ്റിനെ സ്വാഗതം ചെയ്​ത്​ ജെ.ഡി^എസ്​ നേതാവ്​ എച്ച്​.ഡി. കുമാരസ്വാമി രംഗത്തെത്തി. രാഷ്​ട്രീയത്തിൽ എന്തും സംഭവിക്കാമെന്നും തേജസ്വിനി അനന്ത്​​കുമാർ ജെ.ഡി^എസിൽ ചേരാൻ ആഗ്രഹിക്കുന്നെങ്കിൽ അവരെ സ്വാഗതം ചെയ്യുന്നതായും കുമാരസ്വാമി പറഞ്ഞു.

കഴിഞ്ഞ ലോക്​സഭ തെര​െഞ്ഞടുപ്പിൽ തേജസ്വിനി അനന്ത്​കുമാറി​െൻറ സ്​ഥാനാർഥിത്വ നിഷേധവും വിജേതയുടെ ട്വീറ്റിനെ തുടർന്ന്​ ചർച്ചയായിട്ടുണ്ട്​. അനന്ത്​കുമാറി​െൻറ മരണശേഷം ബംഗളൂരു സൗത്ത്​ ലോക്​സഭ മണ്ഡലത്തിൽ തേജസ്വിനിയെ മത്സരിപ്പിക്കാനായിരുന്നു സംസ്​ഥാന നേതൃത്വം തീരുമാനിച്ചതെങ്കിലും നരേന്ദ്രമോദിയുടെ താൽപര്യപ്രകാരം യുവമോർച്ച നേതാവ്​ തേജസ്വി സൂര്യയെ ബി.ജെ.പി നിർത്തുകയായിരുന്നു.

എന്നാൽ, കർണാടകയിൽനിന്നുള്ള മറ്റൊരു കേന്ദ്രമന്ത്രിയായിരുന്ന സുരേഷ്​ അംഗദി കോവിഡ്​ ബാധിച്ച്​ കഴിഞ്ഞവർഷം മരിച്ചപ്പോൾ അദ്ദേഹത്തി​െൻറ ബെളഗാവി സീറ്റിൽ ഭാര്യ മംഗള അംഗദിയെയാണ്​ മത്സരിപ്പിച്ചത്​.