ബംഗാളിനെ ഇളക്കിമറിച്ച്​ ഇടത്​-കോൺഗ്രസ്​ സഖ്യത്തി​‍െൻറ മഹാറാലി

കൊൽക്കത്ത: ഭരണപക്ഷമായ തൃണമൂൽ കോൺഗ്രസിനും മുഖ്യ പ്രതിപക്ഷമായ ബി.ജെ.പിക്കും ശക്തമായ വെല്ലുവിളി ഉയർത്തി പശ്ചിമ ബംഗാളിൽ​ ഇടത്​-കോൺഗ്രസ്​ സഖ്യത്തി​‍െൻറ മഹാറാലി. കൊൽക്കത്തയിലെ ബ്രിഗേഡ്​ പരേഡ്​ ഗ്രൗണ്ടിൽ നടന്ന റാലിയിൽ പതിനായിരങ്ങളാണ്​ പ​ങ്കെടുത്തത്​. ജനക്ഷേമ ഭരണത്തിന്​ മൂന്നാം ബദൽ അനിവാര്യമാണെന്ന്​ റാലിയിൽ ഇരുപക്ഷത്തി​‍െൻറയും നേതാക്കൾ വ്യക്​തമാക്കി. സംസ്ഥാനത്തെ തെരഞ്ഞെടുപ്പ്​ രണ്ട്​ കോണുകളിൽ മാത്രം ഒതുക്കിനിർത്താൻ തൃണമൂലിനെയും ബി.ജെ.പിയേയും അനുവദിക്കില്ലെന്ന്​ കോൺഗ്രസ്​ സംസ്​ഥാന പ്രസിഡൻറ്​ അധീർ ചൗധരി വ്യക്തമാക്കി.

ബി.ജെ.പിയും ടി.എം.സിയും ഒരു നാണയത്തി​‍െൻറ രണ്ടു വശങ്ങളാണെന്നും സംസ്ഥാനത്തെ ജനങ്ങളെ സമുദായത്തി​‍െൻറ പേരിൽ ഭിന്നിപ്പിച്ച്​ ഭരിക്കാനാണ്​ ഇരുവരും ശ്രമിക്കുന്നതെന്നും സി.പി.എം സെക്രട്ടറി സൂര്യ കാന്ത്​ മിശ്രയും ആരോപിച്ചു. കോപികാറ്റിന്​ പകരം സംസ്ഥാനത്തിന്​ വേണ്ടത്​ വികസനത്തിനുവേണ്ടി പ്രവർത്തിക്കുന്ന സർക്കാറാണെന്നും അ​ദ്ദേഹം പറഞ്ഞു.

അതേസമയം, തെരഞ്ഞെടുപ്പ്​ സീറ്റ്​ വിഭജനത്തിൽ അതൃപ്​തി പ്രകടിപ്പിച്ച്​ സഖ്യത്തിലെ പ്രധാന കക്ഷിയായ ഐ.എസ്​.എഫ്​ നേതാവ്​ അബ്ബാസ്​ സിദ്ദിഖി നടത്തിയ പ്രസ്​താവന ആദ്യ ദിനം തന്നെ കല്ലുകടിയായി. തൃണമൂലിനെ പരാജയപ്പെടുത്താൻ തങ്ങളുടെ പാർട്ടിക്ക്​ കെൽപ്പുണ്ടെന്നും യഥാസമയം അവകാശവാദം സഖ്യത്തിൽ ഉന്നയിക്കുമെന്നുമാണ്​ സിദ്ദിഖി വ്യക്തമാക്കിയിരിക്കുന്നത്​. സാമുദായിക കക്ഷികൾക്ക് മുന്നിൽ​ കോൺഗ്രസും ഇടതുപക്ഷവും മുട്ടുമടക്കിയിരിക്കുകയാണെന്ന്​ ബി.ജെ.പിയും ടി.എം.സിയും കുറ്റപ്പെടുത്തി.