കാടത്തംകൊണ്ട്​ കർഷകസമരം തടയാനാകില്ലെന്ന്​ ഇടതു പാർട്ടികൾ

ന്യൂഡൽഹി: യു.പിയിൽ കർഷകർക്കിടയിലേക്ക്​ വാഹനങ്ങൾ പാഞ്ഞുകയറി കർഷകർ കൊല്ലപ്പെട്ട സംഭവത്തിൽ ബി.ജെ.പിക്കെതിരെ ആഞ്ഞടിച്ച്​ ഇടതു പാർട്ടികൾ. ഇത്തരം കാടത്തംകൊണ്ട്​ കർഷകസമരത്തെ തടയാനാകി​െല്ലന്ന്​ അവർ പറഞ്ഞു.

യു.പിയിൽനിന്ന്​ ഞെട്ടിക്കുന്ന വാർത്തകളാണ്​ വരുന്നതെന്ന്​ സി.പി.എം ട്വീറ്റ്​ ചെയ്​തു. ഇതാണ്​ ബി.ജെ.പി, നമ്മുടെ അന്നദാതാക്കളോട്​ അവർ ഇങ്ങനെയാണ്​ പെരുമാറുന്നതെന്നും സി.പി.എം പറഞ്ഞു. സി.പി.എം സംഘം സംഭവസ്ഥലം സന്ദർശിക്കുമെന്ന്​ പി.ബി അംഗം വൃന്ദ കാരാട്ട്​ പറഞ്ഞു. കർഷകർക്കുനേരെയുള്ള ബി.ജെ.പി നേതാക്കളുടെ വെറുപ്പി​​‍െൻറയും ധാർഷ്​ട്യത്തി​‍െൻറയും​ ഞെട്ടിക്കുന്ന ഉദാഹരണമാണിത്​. നാലു​ കർഷകരെ കൊന്നത്​ ബി.ജെ.പി സർക്കാർ ചെയ്​ത മാപ്പർഹിക്കാത്ത കുറ്റമാണെന്നും അവർ പറഞ്ഞു.

ഈ കൊലക്ക്​ 'ബുള്ളറ്റി'നു​ പകരം 'ബാലറ്റി'ലൂടെ ജനം പ്രതികാരംചെയ്യുമെന്ന്​ സി.പി.ഐ എം.പി ബിനോയ്​ വിശ്വം പറഞ്ഞു. കർഷകർക്ക്​ വെടിയുണ്ടയും കൊലപാതകികൾക്ക്​ പൂമാലയും. മോദി-യോഗി ഭരണം രക്തദാഹികളുടേതാണ്​. ചില സമയങ്ങളിൽ വെടിയുണ്ടയേക്കാർ ശക്തമാണ്​ ബാലറ്റ്​. ഇതുകൊണ്ടൊന്നും കർഷക​െര തടയാൻ കഴിയില്ല. അവർ പൊരുതുകയും വിജയിക്കുകയും ചെയ്യുമെന്ന്​ അദ്ദേഹം ട്വിറ്ററിൽ കുറിച്ചു.