മാതാപിതാക്കൾക്കൊപ്പം കിടന്നുറങ്ങിയ എട്ടുവയസുകാരിയെ പുലി കടിച്ചുകൊന്നു

സൂറത്ത്​: ഗുജറാത്തിൽ മാതാപിതാക്കൾക്കൊപ്പം വീടിന്‍റെ ടെറസിൽ കിടന്നുറങ്ങിയ എട്ടു​വയസുകാരിയെ പുലി കടിച്ചുകൊന്നു. അമ്രേലി ജില്ലയിൽ നെസ്​ദി താലൂക്കിലാണ്​ സംഭവം. കാർഷിക തൊഴ​ിലാളികളായ മാതാപിതാക്കളുടെ മകളായ പായൽ ദേവകയാണ്​ ​െകാല്ലപ്പെട്ടത്​.

അഞ്ച്​ സഹോദരങ്ങൾക്കും മാതാപിതാക്കൾക്കുമൊപ്പം വയലിന്​ നടുവിലെ കോ​േട്ടജിന്‍റെ ടെറസിൽ കിടന്നുറങ്ങുകയായിരുന്നു പെൺകുട്ടി. മരത്തിലൂടെ വലിഞ്ഞുകയറി ടെറസിലേക്ക്​ ചാടിക്കയറിയ പുലി പെൺകുട്ടിയുടെ കഴുത്തിൽ കടിച്ചെടുത്ത്​ താഴേക്ക്​ ചാടുകയായിരുന്നു. പെൺകുട്ടിയുടെ കരച്ചിൽ ​േകട്ട്​ ഉണർന്ന പിതാവ്​ പിന്തുടർന്നെങ്കിലും പുലി 80 മീറ്ററോളം കുട്ടിയെ എടുത്തു​െകാണ്ടുപോയി ഉപേക്ഷിച്ചു. കുട്ടിയുടെ കഴുത്തിൽ മാരക പരിക്കേറ്റതിനാൽ ആശുപത്രിയിലെത്തിക്കുന്നതിന്​ മുമ്പുതന്നെ മരിച്ചതായി വനം വകുപ്പ്​ അധികൃതർ പറഞ്ഞു.

പെൺകുട്ടിയുടെ മൃതദേഹം നടപടി ക്രമങ്ങൾ പൂർത്തിയാക്കിയശേഷം വീട്ടുകാർക്ക്​ കൈമാറി. പുലിയെ ഇതുവരെ പിടികൂടാൻ കഴിഞ്ഞിട്ടില്ല.

തുടർച്ചയായി വന്യമൃഗങ്ങളുടെ ആക്രമണമുണ്ടാകുന്ന പ്രദേശമാണ്​ ഇവിടം. 2020 ഡിസംബർ മുതൽ ഇതുവരെ എട്ടു ആക്രമണങ്ങൾ റി​േപ്പാർട്ട്​ ചെയ്​തു. ഇതിൽ ആറുപേർ കൊല്ലപ്പെടുകയും രണ്ടുപേർ രക്ഷപ്പെടുകയും ചെയ്​തിരുന്നു.