രാമക്ഷേത്ര നിർമാണത്തിന്​ ഒാർഡിനൻസ്​ ഇല്ല –മോദി

ന്യൂഡൽഹി: കോടതിയിലെ കേസ്​ തീരാതെ രാമ​ക്ഷേത്ര നിർമാണത്തിന്​ ഒാർഡിനൻസ്​ ഇറക്കുന്നതുമായി ബന്ധപ്പെട്ട്​ തീരുമാനമെടുക്കാനാവില്ലെന്ന്​ പ്രധാനമന്ത്രി നരേന്ദ്ര മോദി. നീതിന്യായ പ്രക്രിയ അവസാനിക്ക​െട്ട. അതിനുശേഷം സർക്കാർ എന്നനിലയിൽ എന്താണോ ഉത്തരവാദിത്തം, അതിന്​ എല്ലാ ശ്രമവും നടത്താൻ തയാറാണ് ​^ചാനൽ വാർത്ത ഏജൻസി അഭിമുഖത്തിൽ മോദി പറഞ്ഞു.
ഭരണഘടനയുടെ പരിധിക്കുള്ളിൽനിന്ന്​ ഇൗ വിഷയത്തിന്​ ഒരു പരിഹാരം കാണുമെന്ന്​ പ്രകടനപത്രികയിൽ ബി.ജെ.പി പറഞ്ഞിട്ടുണ്ട്​.
നീതിന്യായ പ്രക്രിയ വൈകിപ്പിച്ചത്​ കോൺഗ്രസാണ്​. കോടതിയിൽ കോൺഗ്രസ്​ അഭിഭാഷകർ തടസ്സമുണ്ടാക്കുന്നത്​ അവസാനിപ്പിക്കണം. നീതിന്യായ പ്രക്രിയ അതി​​​െൻറ വഴിക്ക്​ നടക്ക​െട്ട. രാഷ്​ട്രീയമായി ഇതിനെ കാണരുത്​. ദേശീയ സമാധാനത്തി​​​െൻറയും സൗഹാർദത്തി​​​െൻറയും വിഷയമായി കാണണം.

സഖ്യകക്ഷികളായ ജനതാദൾ^യു, ലോക്​ ജനശക്​തി പാർട്ടി തുടങ്ങിയവ രാമക്ഷത്ര നിർമാണ വിഷയത്തിൽ ബി.ജെ.പിയുടെ ആഗ്രഹങ്ങൾക്ക്​ വിരുദ്ധമായി നിൽക്കുന്ന പശ്ചാത്തലത്തിലാണ്​ മോദിയുടെ പ്രതികരണം. മറ്റു വിഷയങ്ങളിലുള്ള പ്രതികരണം ഇങ്ങനെ:

ആൾക്കൂട്ട കൊല
ഒരൊറ്റ ആൾക്കൂട്ടക്കൊല പോലും തെറ്റാണ്​. പരിഷ്​കൃത സമൂഹത്തിന്​ ചേർന്നതല്ല അത്തരം സംഭവങ്ങൾ. അത്​ പ്രോത്സാഹിപ്പിക്കുന്ന ഒറ്റ ശബ്​ദവും ഉയർന്നുകൂടാ. 2014ൽ താൻ അധികാരത്തിൽ വന്നശേഷം ആദ്യമായി സംഭവിക്കുന്നതല്ല ആൾക്കൂട്ട കൊലപാതകം.

നോട്ട്​ നിരോധനം
2016 നവംബറിൽ നോട്ട്​ അസാധുവാക്കിയത്​ ഞെട്ടലായെന്നു കാണേണ്ടതില്ല. കള്ളപ്പണക്കാർക്ക്​ ഒരുവർഷം മു​േമ്പ തന്നെ മുന്നറിയിപ്പു നൽകിയിരുന്നു. വൻതോതിൽ പണമുള്ളവർ അത്​ ബാങ്കിൽ നിക്ഷേപിക്കാൻ പറഞ്ഞിരുന്നു. പിഴകൊടുക്കാൻ തയാറായാൽ സഹായിക്കുമെന്ന്​ വ്യക്തമാക്കിയിരുന്നു. മറ്റുള്ളവരെപ്പോലെ തന്നെ മോദിയും പെരുമാറുമെന്ന്​ അവർ കരുതി. വളരെ കുറച്ചുപേർ മാത്രമാണ്​ സ്വമേധയാ മുന്നോട്ടുവന്നത്​. നോട്ട്​ അസാധുവാക്കൽ രാജ്യത്തി​​​െൻറ സാമ്പത്തിക ആരോഗ്യത്തിന്​ അനിവാര്യമായിരുന്നു. ശരിയാണ്​, ട്രെയിൻ പാളം മാറു​േമ്പാൾ കുറച്ചു പതുക്കെയാവും. സമാന്തര സമ്പദ്​വ്യവസ്​ഥ നോട്ട്​ നിരോധനത്തിനു മുമ്പ്​ നിലവിലുണ്ടായിരുന്നു. അത്​ രാജ്യത്തെ ദരിദ്രമാക്കി. ചാക്കിൽ കെട്ടിവെച്ച പണമൊക്കെ ബാങ്കുകളിലേക്ക്​ എത്തി. നോട്ട്​ നിരോധനത്തിനുശേഷം നികുതി അടക്കുന്നവരുടെ എണ്ണം കൂടി.

ഉർജിത്​ പ​േട്ടലി​​​െൻറ രാജി
റിസർവ്​ ബാങ്ക്​ ഗവർണർ സ്​ഥാനത്തുനിന്ന്​ വ്യക്തിപരമായ കാരണങ്ങളാൽ രാജി വെക്കുന്നതിന്​ ഉർജിത്​ പ​േട്ടൽ സ്വമേധയാ അഭ്യർഥിക്കുകയായിരുന്നു.
രാജിക്ക്​ ആറേഴു മാസം മു​േമ്പ ഇക്കാര്യം തന്നോട്​ പറഞ്ഞിരുന്നു. അത് എഴുതി നൽകുകയും ചെയ്​തിരുന്നു. രാഷ്​ട്രീയ സമ്മർദത്തി​​​െൻറ പ്രശ്​നമില്ല. റിസർവ്​ ബാങ്ക്​ ഗവർണർ എന്ന നിലയിൽ അദ്ദേഹം നന്നായി പ്രവർത്തിച്ചു.

രാജ്യത്തെ ഭരണഘടന സ്​ഥാപനങ്ങൾ ദുർബലമാക്കിയെന്നു പറയാൻ കോൺഗ്രസിന്​ ഒരവകാശവുമില്ല. നാലു തലമുറ രാജ്യംഭരിച്ച്​ പ്രഥമ കുടുംബമായി കണക്കാക്കപ്പെട്ടവർ ജാമ്യത്തിലാണ്​ നടക്കുന്നത്​; അതും സാമ്പത്തിക ക്രമക്കേടിന്​. റിസർവ്​ ബാങ്കിൽ കാലാവധി കഴിയുന്നതിനു മുമ്പ്​ നിർബന്ധപൂർവം പല ഗവർണർമാർക്ക്​ ഒഴിഞ്ഞുപോകേണ്ടി വന്നിട്ടുണ്ട്​. ആസൂത്രണ കമീഷനിലുള്ളവരെ ജോക്കർമാരായി ജനം കണ്ടിട്ടുണ്ട്​.

സെമിഫൈനൽ ഫലങ്ങൾ
തെലങ്കാനയിലും മിസോറമിലും ബി.ജെ.പിക്ക്​ ആരും അവസരം നൽകിയില്ല. ഛത്തിസ്​ഗഢിൽ വ്യക്തമാണ്​ വിധി; ബി.ജെ.പി തോറ്റു. എന്നാൽ, മറ്റു രണ്ടിടങ്ങളിൽ തൂക്കു സഭയായിരുന്നു. 15 വർഷത്തെ ഭരണവിരുദ്ധ വികാരത്തോടാണ്​ തങ്ങൾ ഏറ്റുമുട്ടിയത്​. എന്തായിരുന്നു പോരായ്​മയെന്ന്​ ചർച്ച ചെയ്​തു വരുകയാണ്​.

കർഷക വായ്​പ എഴുതിത്തള്ളൽ
കോൺഗ്രസ്​ അധികാരത്തിൽവന്ന സംസ്​ഥാനങ്ങളിൽ കാർഷിക കടം എഴുതിത്തള്ളിയെന്നത്​ മോഹന വാഗ്​ദാനമാണ്​; തട്ടിപ്പാണ്​. ഇൗ പ്രഖ്യാപനത്തി​​​െൻറ ഗുണം മിക്ക കർഷകർക്കും കിട്ടില്ല. വളരെക്കുറച്ചു പേർ മാത്രമാണ്​ ബാങ്കുകളിൽനിന്ന്​ വായ്​പ എടുത്തിട്ടുള്ളത്​. ഉത്തരവാദപ്പെട്ട രാഷ്​ട്രീയ പാർട്ടികൾ ഇങ്ങനെ ജനങ്ങളെ തെറ്റിദ്ധരിപ്പിക്കരുത്​.

റഫാൽ ഇടപാട്​
ആരോപണങ്ങൾ വകവെക്കാതെ റഫാൽ പോർവിമാന ഇടപാടുമായി മുന്നോട്ടു​േപാകും. സൈന്യത്തെ ദുർബലമാക്കാൻ ആഗ്രഹിക്കുന്നവരാണ്​ ആ​േരാപണം ഉന്നയിക്കുന്നത്​.
എന്തൊക്കെ ആരോപണം ചൊരിഞ്ഞാലും സത്യസന്ധതയു​െട വഴിയിൽ മുന്നോട്ടുപോകാനും രാജ്യസുരക്ഷക്ക്​ പ്രഥമ പരിഗണന കൊടുക്കാനുമാണ്​ തീരുമാനം.

മിന്നലാക്രമണം
ഉറി ഭീകരാ​ക്രമണത്തിൽ സൈനികർ ജീവനോടെ ചു​െട്ടരിക്കപ്പെട്ട ശേഷം തിരിച്ചടിക്കണമെന്ന വികാരം സൈന്യത്തിനും തനിക്കും ഉണ്ടായിരുന്നു.
അങ്ങനെയാണ്​ മിന്നലാക്രമണം ആസൂത്രണം ചെയ്​തത്​. ദൗത്യം ജയിച്ചാലും ഇല്ലെങ്കിലും സൂ​ര്യൻ ഉദിക്കുന്നതിനു മുമ്പ്​ തിരി​ച്ചെത്തണമെന്നാണ്​ താൻ സൈനികരോട്​ ആവശ്യപ്പെട്ടിരുന്നത്​. സൈനിക നടപടി നീട്ടിക്കൊണ്ടു പോകരുതെന്ന്​ വ്യക്തമാക്കിയിരുന്നു.