പൊതുസ്ഥലത്തെ മാലിന്യം തള്ളൽ; തടവുശിക്ഷക്ക്​ നിയമഭേദഗതി സാധ്യമോയെന്ന്​ ഹൈകോടതി

കൊ​ച്ചി: പൊ​തു​സ്ഥ​ല​ത്ത് നി​ര​ന്ത​രം മാ​ലി​ന്യം വ​ലി​ച്ചെ​റി​യു​ന്ന​വ​രെ ത​ട​വി​ന്​ ശി​ക്ഷി​ക്കാ​നാ​കും വി​ധം നി​യ​മ​ഭേ​ദ​ഗ​തി സാ​ധ്യ​ത ആ​രാ​ഞ്ഞ്​ ഹൈ​കോ​ട​തി. ഇ​ത്ത​ര​ക്കാ​രെ പി​ടി​കൂ​ടാ​നു​ള്ള ചു​മ​ത​ല പൊ​ലീ​സി​ന്​ ന​ൽ​കാ​നാ​കു​മോ​യെ​ന്ന​ത് പ​രി​ശോ​ധി​ക്ക​ണം. പ്ലാ​സ്റ്റി​ക് കു​പ്പി​ക​ൾ ശേ​ഖ​രി​ക്കാ​ൻ സം​സ്ഥാ​ന വ്യാ​പ​ക​മാ​യി ബൂ​ത്തു​ക​ൾ സ്ഥാ​പി​ക്ക​ണ​മെ​ന്നും ജ​സ്റ്റി​സ് ബെ​ച്ചു കു​ര്യ​ൻ തോ​മ​സ്, ജ​സ്റ്റി​സ് പി. ​ഗോ​പി​നാ​ഥ്​ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ നി​ർ​ദേ​ശി​ച്ചു. കൊ​ച്ചി​യി​ലെ മാ​ലി​ന്യ സം​സ്ക​ര​ണ​വു​മാ​യി ബ​ന്ധ​പ്പെ​ട്ട ഹ​ര​ജി​യാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്.

മാ​ലി​ന്യ സം​സ്ക​ര​ണ​വു​മാ​യി ബ​ന്ധ​പ്പെ​ട്ട നി​യ​മ​ഭേ​ദ​ഗ​തി പ​രി​ഗ​ണ​ന​യി​ലാ​ണെ​ന്നും ഈ ​നി​യ​മ​സ​ഭ സ​മ്മേ​ള​ന​ത്തി​ൽ പാ​സാ​ക്കാ​നാ​യി​ല്ലെ​ങ്കി​ൽ ഓ​ർ​ഡി​ന​ൻ​സ് വ​ഴി ഭേ​ദ​ഗ​തി കൊ​ണ്ടു​വ​രു​മെ​ന്നും അ​ഡീ​ഷ​ന​ൽ ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​ൻ അ​റി​യി​ച്ചു. ഇ​തേ​തു​ട​ർ​ന്നാ​ണ് ത​ട​വു​ശി​ക്ഷ കൂ​ടി ഉ​ൾ​പ്പെ​ടു​ത്തേ​ണ്ട​ത്​ സം​ബ​ന്ധി​ച്ച്​ കോ​ട​തി ആ​രാ​ഞ്ഞ​ത്.

മാ​ലി​ന്യം വ​ലി​ച്ചെ​റി​യു​ന്ന​ത് ത​ട​യാ​ൻ വി​നോ​ദ​സ​ഞ്ചാ​ര മേ​ഖ​ല​യി​ലെ നി​രീ​ക്ഷ​ണ ചു​മ​ത​ല പൊ​ലീ​സി​നെ ഏ​ൽ​പി​ച്ച ശ്രീ​ല​ങ്ക​ൻ മാ​തൃ​ക ചൂ​ണ്ടി​ക്കാ​ട്ടി​യാ​ണ് പൊ​ലീ​സി​നും കൂ​ടി ചു​മ​ത​ല ന​ൽ​കാ​നാ​കു​മോ എ​ന്ന​ത് ആ​രാ​ഞ്ഞ​ത്. ഇ​ക്കാ​ര്യ​ത്തി​ൽ സം​സ്ഥാ​ന പൊ​ലീ​സ് മേ​ധാ​വി സ​ർ​ക്കു​ല​ർ പു​റ​പ്പെ​ടു​വി​ച്ചി​രു​ന്നെ​ങ്കി​ലും കാ​ര്യ​മാ​യ തു​ട​ർ​ന​ട​പ​ടി ഉ​ണ്ടാ​യി​ല്ലെ​ന്നും പൊ​ലീ​സു​മാ​യി ച​ർ​ച്ച ചെ​യ്യു​മെ​ന്നും അ​ഡീ. ചീ​ഫ് സെ​ക്ര​ട്ട​റി അ​റി​യി​ച്ചു.

ദേ​ശീ​യ പാ​ത നി​ർ​മാ​ണ​ത്തി​ന്​ മു​നി​സി​പ്പ​ൽ മാ​ലി​ന്യം ഉ​പ​യോ​ഗി​ക്കു​ന്ന കാ​ര്യ​ത്തി​ൽ ദേ​ശീ​യ​പാ​ത അ​തോ​റി​റ്റി നി​ല​പാ​ട് അ​റി​യി​ച്ചി​ല്ല. ഇ​ക്കാ​ര്യ​ത്തി​ൽ അ​തൃ​പ്തി രേ​ഖ​പ്പെ​ടു​ത്തി​യ കോ​ട​തി കോ​ൺ​ക്രീ​റ്റ് അ​വ​ശി​ഷ്ട​ങ്ങ​ൾ ഉ​പ​യോ​ഗി​ക്കു​ന്ന കാ​ര്യ​ത്തി​ലും വി​ശ​ദീ​ക​ര​ണം തേ​ടി. നേ​ര​ത്തേ ഹ​ര​ജി​യി​ൽ ദേ​ശീ​യ പാ​ത അ​തോ​റി​റ്റി​യെ ക​ക്ഷി ചേ​ർ​ത്തി​രു​ന്നു. ഇ​ക്കാ​ര്യ​ത്തി​ൽ വി​ശ​ദീ​ക​ര​ണം ന​ൽ​കാ​ൻ ദേ​ശീ​യ പാ​ത അ​തോ​റി റീ​ജ​ന​ൽ മാ​നേ​ജ​ർ അ​ടു​ത്ത ത​വ​ണ ഹ​ര​ജി പ​രി​ഗ​ണി​ക്കു​മ്പോ​ൾ ഓ​ൺ​ലൈ​നി​ൽ ഹാ​ജ​രാ​കാ​നും നി​ർ​ദേ​ശി​ച്ചു.

എ​ൻ.​എ​സ്.​എ​സ്, സ്റ്റു​ഡ​ന്‍റ്​ പൊ​ലീ​സ് കാ​ഡ​റ്റ്​ തു​ട​ങ്ങി​യ​വ​യി​ൽ പ്ര​വ​ർ​ത്തി​ക്കു​ന്ന വി​ദ്യാ​ർ​ഥി​ക​ളെ​യും ഉ​ൾ​പ്പെ​ടു​ത്തി മാ​ലി​ന്യം ഫ​ല​പ്ര​ദ​മാ​യി സം​സ്ക​രി​ക്കു​ന്ന കാ​ര്യ​ത്തി​ൽ ബോ​ധ​വ​ത്ക​ര​ണം ന​ട​ത്ത​ണ​മെ​ന്ന നി​ർ​ദേ​ശ​വും മു​ന്നോ​ട്ടു​വെ​ച്ചു. ഓ​ൺ​ലൈ​ൻ ഭ​ക്ഷ​ണ വി​ത​ര​ണ​ത്തി​ന് പ്ലാ​സ്റ്റി​ക് ഉ​പ​യോ​ഗം കു​റ​ക്കു​ന്ന​ത്​ സം​ബ​ന്ധി​ച്ച്​ നി​ർ​ദേ​ശം ന​ൽ​ക​ണ​മെ​ന്നും കോ​ട​തി പ​റ​ഞ്ഞു.

15 ശ​ത​മാ​നം ത​ദ്ദേ​ശ സ്ഥാ​പ​ന​ങ്ങ​ൾ മാ​ത്ര​മാ​ണ്​ മാ​ലി​ന്യ ശേ​ഖ​ര​ണ​ത്തി​ൽ വീ​ഴ്ച വ​രു​ത്തു​ന്ന​തെ​ന്നും പ​രി​ഹ​രി​ക്കാ​ൻ ശ്ര​മി​ക്കു​ന്നു​ണ്ടെ​ന്നും സ​ർ​ക്കാ​ർ അ​റി​യി​ച്ചു. സി.​സി ടി.​വി കാ​മ​റ​യ​ട​ക്കം സ്ഥാ​പി​ക്ക​ൽ, മാ​ലി​ന്യം ത​ള്ളു​ന്ന സ്ഥ​ല​ങ്ങ​ൾ ചെ​റി​യ പാ​ർ​ക്കു​ക​ളാ​ക്കി മാ​റ്റ​ൽ തു​ട​ങ്ങി​യ നി​ർ​ദേ​ശ​ങ്ങ​ളും പ​രി​ഗ​ണ​ന​യി​ലു​ണ്ടെ​ന്നും വ്യ​ക്ത​മാ​ക്കി.

പ്ലാ​സ്റ്റി​ക് കു​പ്പി​ക​ളു​ടെ ശേ​ഖ​ര​ണ​ത്തി​ന്​ ബൂ​ത്തു​ക​ൾ സ്ഥാ​പി​ക്കാ​ൻ അ​നു​യോ​ജ്യ​മാ​യ സ്ഥ​ല​ങ്ങ​ൾ ത​ദ്ദേ​ശ സ്ഥാ​പ​ന​ങ്ങ​ൾ ക​ണ്ടെ​ത്ത​ണ​മെ​ന്ന്​ നി​ർ​ദേ​ശി​ച്ച കോ​ട​തി, ഹ​ര​ജി ഒ​ക്ടോ​ബ​ർ ആ​റി​ന് വീ​ണ്ടും പ​രി​ഗ​ണി​ക്കാ​ൻ മാ​റ്റി.