കർണാടകയിൽ ലോക്ക്​ഡൗൺ ജൂൺ 14 വരെ നീട്ടി

ബംഗളൂരു: കോവിഡ്​ വ്യാപനം നിയന്ത്രണ വിധയമല്ലാത്തതിനാൽ കർണാടകയിൽ ലോക്ക്​ഡൗൺ ജൂൺ 14ന്​ രാവിലെ ആറു വരെ നീട്ടി. സാ​േങ്കതിക ഉപദേശക സമിതിയുടെ നിർദേശപ്രകാരമാണ്​ തീരുമാനമെന്ന്​ മുഖ്യമന്ത്രി ബി.എസ്​. യെദിയൂരപ്പ പറഞ്ഞു. ഇതോടൊപ്പം കോവിഡ്​ 19 ദുരിതാശ്വാസത്തിനായി 500 കോടിയുടെ പാക്കേജും മുഖ്യമന്ത്രി പ്രഖ്യാപിച്ചു.

ബുധനാഴ്​ച മന്ത്രിമാരും ഉന്നത ഉദ്യോഗസ്​ഥരും പ​െങ്കടുത്ത കോവിഡ്​ അവലോകന യോഗത്തിന്​ പിന്നാലെയാണ്​ ലോക്ക്​ഡൗൺ ഒരാഴ്​ച കൂടി നീട്ടിയത്​. ആദ്യഘട്ടത്തിൽ മേയ്​ 10 മുതൽ 24 വരെയും തുടർന്ന്​ ജൂൺ ഏഴുവരെയുമായിരുന്നു ലോക്ക്​ഡൗൺ പ്രഖ്യാപിച്ചിരുന്നത്​. ടെസ്​റ്റ്​ പോസിറ്റിവിറ്റി റേറ്റ്​ ഉയർന്നുതന്നെ തുടരുന്നതാണ്​ ലോക്ക്​ഡൗൺ നീട്ടാൻ കാരണം.

കഴിഞ്ഞദിവസം 11.22 ശതമാനമാണ്​ കർണാടകയിലെ ടെസ്​റ്റ്​ പൊസിറ്റിവിറ്റി റേറ്റ്​. ഇത്​ അഞ്ചു ശതമാനത്തിലേക്ക്​ താഴുന്ന സാഹചര്യത്തിൽ മാ​ത്രം ലോക്ക്​ഡൗൺ ഇളവുകൾ അനുവദിച്ചാൽ മതിയെന്ന നിലപാടിലാണ്​ സർക്കാർ. 15,000 ത്തിന്​ മുകളിലാണ്​ കർണാടകയി​െല പ്രതിദിന കോവിഡ്​ രോഗികളു​െട എണ്ണം.