സ്പീക്കറെ ഇന്നറിയാം; സഭയിൽ കരുത്തുകാട്ടാനുള്ള അവസരത്തിന് ഇൻഡ്യ സഖ്യം

ന്യൂ​ഡ​ൽ​ഹി: ലോക്സഭ സ്പീക്കർ ആരാണെന്ന് ഇന്നറിയാം. എൻ.ഡി.എ സ്ഥാനാർഥി ഓം ബിർളയുടെ വിജയം ഉറപ്പാണെങ്കിലും പൊരുതി കരുത്തുകാട്ടാനാണ് ഇൻഡ്യ സഖ്യത്തിന്‍റെ തീരുമാനം. സഭയിലെ സംഖ്യകളുടെ കളിയിൽ തങ്ങൾ ഒട്ടും പിന്നിലല്ലെന്ന് കാണിക്കാൻ പ്രതിപക്ഷത്തിന് ലഭിക്കുന്ന അവസരമാകും സ്പീക്കർ തെരഞ്ഞെടുപ്പ്. ഒപ്പം, ജനാധിപത്യ മര്യാദകൾ പാലിക്കാത്ത ഭരണപക്ഷത്തിന്‍റെ നിലപാടുകളിൽ തങ്ങൾ നിശ്ശബ്ദരായിരിക്കില്ല എന്ന സന്ദേശവും നൽകാനാവും. 1998ന് ശേഷം ആദ്യമായാണ് സ്പീക്കർ സ്ഥാനത്തേക്ക് ഒന്നിലേറെ സ്ഥാനാർഥികൾ രംഗത്തെത്തുന്നത്.

ഡെ​പ്യൂ​ട്ടി സ്പീ​ക്ക​ർ പ​ദ​വി ​പ്ര​തി​പ​ക്ഷ​ത്തി​ന് ന​ൽ​കു​മെ​ന്ന് ഉ​റ​പ്പ് ന​ൽ​കാ​ൻ സ​ർ​ക്കാ​ർ ത​യാ​റാ​കാ​തി​രു​ന്ന​തോ​ടെയാണ് സ്പീ​ക്ക​ർ പ​ദ​വി​യി​ൽ സ​മ​വാ​യ നീ​ക്കം പൊ​ളി​ഞ്ഞതും തെരഞ്ഞെടുപ്പ് ആവശ്യമായി വന്നതും. എ​ൻ.​ഡി.​എ​യു​ടെ സ്പീ​ക്ക​ർ സ്ഥാ​നാ​ർ​ഥിയായ ബി.​ജെ.​പി​ എം.പി ഓം ​ബി​ർ​ള​ക്കെ​തി​രെ മുതിർന്ന കോൺഗ്രസ് നേതാവ് കൊ​ടി​ക്കു​ന്നി​ൽ സു​രേ​ഷി​നെയാണ് ഇ​ൻ​ഡ്യ സ​ഖ്യം മത്സരിപ്പിക്കുന്നത്.

ഡെ​പ്യൂ​ട്ടി സ്പീ​ക്ക​ർ പ​ദ​വി പ്ര​തി​പ​ക്ഷ​ത്തി​ന് ന​ൽ​കുകയെന്ന കീഴ്വഴക്കം അംഗീകരിക്കാൻ ത​യാ​റാ​യാ​ൽ സ്പീക്കറുടെ കാര്യത്തിൽ സമവായമാകാമെന്ന നി​ല​പാ​ടാ​ണ് ഇ​ൻ​ഡ്യ സ​ഖ്യം സ്വീ​ക​രി​ച്ച​ത്. എന്നാൽ ഇക്കാര്യത്തിൽ ഉറപ്പ് നൽകാൻ സർക്കാർ തയാറായില്ല. ഇതോടെയാണ് അവസാന നിമിഷം സ്പീക്കർ സ്ഥാനത്തേക്ക് സ്ഥാനാർഥിയെ നിർത്താൻ ഇൻഡ്യ സഖ്യം തയാറായത്.

542 അം​ഗ സ​ഭ​യി​ൽ 271 വോ​ട്ടാ​ണ് സ്പീ​ക്ക​ർ തെ​ര​ഞ്ഞെ​ടു​പ്പി​ൽ ജ​യി​ക്കാ​ൻ വേ​ണ്ട​ത്. നി​ല​വി​ൽ 293 അം​ഗ​ങ്ങ​ളു​ള്ള എ​ൻ.​ഡി.​എ​ക്ക് ജ​യം ഉ​റ​പ്പാ​ണെ​ങ്കി​ലും ഏ​ക​പ​ക്ഷീ​യ​മാ​യ നി​ല​പാ​ടു​മാ​യി മു​ന്നോ​ട്ടു​പോ​കാ​ൻ സ​ർ​ക്കാ​റി​നെ അ​നു​വ​ദി​ക്കേ​ണ്ടെ​ന്ന നി​ല​പാ​ടി​ലാ​ണ് സ്ഥാ​നാ​ർ​ഥി​യെ നി​ർ​ത്താ​ൻ സ​ഖ്യം തീ​രു​മാ​നി​ച്ച​ത്. ആ​​​ന്ധ്ര​പ്ര​ദേ​ശി​ലെ വൈ.​എ​സ്.​ആ​ർ.​സി.​പി​യു​ടെ നാ​ല് എം.​പി​മാ​രും എ​ൻ.​ഡി.​എ സ്ഥാ​നാ​ർ​ഥി​ക്ക് വോ​ട്ടു​ചെ​യ്യാ​ൻ തീ​രു​മാ​നി​ച്ചി​ട്ടു​ണ്ട്.