ലോക്​പാൽ: ആറാഴ്​ചക്കകം പേര്​ സമർപ്പിക്കാൻ നിർദേശിച്ച്​ സുപ്രീംകോടതി

ന്യൂഡൽഹി: ലോക്​പാൽ നിയമനത്തിനുള്ള പേരുകൾ ഫെബ്രുവരി അവസാനത്തോടെ സമർപ്പിക്കണമെന്ന്​ സുപ്രീംകോടതി. പേരുകൾ നിർദേശിക്കാനായി രൂപീകരിച്ച സമിതിയോടാണ് സുപ്രീംകോടതി ഇക്കാര്യം ആവശ്യപ്പെട്ടത്​. കഴിഞ്ഞ സെപ്​തംബറിലാണ്​ പേ രുകൾ നിർദേശിക്കുന്നതിനായി സമിതിയെ നിയോഗിച്ചത്​. കേസ്​ മാർച്ച്​ ഏഴിന്​ സുപ്രീംകോടതി വീണ്ടും പരിഗണിക്കും.

സുപ്രീംകോടതി മുൻ ജസ്​റ്റിസ്​​ രൻജന പ്രകാശ്​ ദേശായിയാണ്​ സമിതിയുടെ തലവൻ. ലോക്​പാലിനെ തെരഞ്ഞെടുക്കുന്ന പ്രധാനമന്ത്രി ഉൾപ്പെടുന്ന സമിതിക്ക്​ പേരുകൾ നിർദേശിക്കുകയെന്നതാണ്​ രൻജന പ്രകാശ്​ ദേശായിയുടെ നേതൃത്വത്തിലുള്ള എട്ടംഗ സംഘത്തി​​​െൻറ കർത്തവ്യം.

ലോക്​പാൽ നിയമനത്തിനുള്ള പേരുകൾ നിർദേശിക്കാനുള്ള സമിതിയുടെ പ്രവർത്തനത്തിൽ അഭിഭാഷകൻ പ്രശാന്ത്​ ഭൂഷൺ ആശങ്ക പ്രകടിപ്പിച്ചു. എന്നാൽ, കാര്യങ്ങളെ പോസിറ്റീവായി കാണണമെന്ന്​ സുപ്രീംകോടതി ചീഫ്​ ജസ്​റ്റിസ്​ പ്രശാന്ത്​ ഭൂഷനോട്​ നിർദേശിച്ചു.