കേരളത്തിലേക്കുള്ള പോത്തുലോറി തമിഴ്നാട്ടിൽ ബി.ജെ.പിക്കാർ തടഞ്ഞു

ചെന്നൈ: ആന്ധ്രയിൽനിന്ന് കേരളത്തിലേക്ക് പോത്തുകളെ കൊണ്ടുവരുകയായിരുന്ന ലോറി തമിഴ്നാട്ടിലെ ബി.ജെ.പി പ്രവർത്തകർ തടഞ്ഞു. വെള്ളിയാഴ്ച രാവിലെ കള്ളക്കുറിച്ചി ജില്ലയിലെ ഉളുന്തൂർപേട്ടയിലാണ് ലോറി തടഞ്ഞുനിർത്തിയത്. ലോറി ഡ്രൈവറെയും മറ്റും ഇവർ ഭീഷണിപ്പെടുത്തി.

തുടർന്ന് ഉളുന്തൂർപേട്ട പൊലീസ് സ്ഥലത്തെത്തി ലോറി കസ്റ്റഡിയിലെടുത്തു. ലോറിയിൽ മൊത്തം 55 പോത്തുകളെയാണ് കയറ്റിയിരുന്നത്. നിയമവിരുദ്ധമായി അറവുമാടുകളെ കയറ്റിയതിനാണ് കേസെടുത്തതെന്ന് പൊലീസ് അറിയിച്ചു.