കോവിഡ്​ ചികിത്സ; ലഫ്​. ഗവർണറുടെ നിർദേശങ്ങൾ പാലിക്കും -കെജ്​രിവാൾ

ന്യൂഡൽഹി: കോവിഡ്​ പ്രതിരോധ പ്രവർത്തനങ്ങളിൽ ലഫ്​റ്റനൻറ്​ ഗവർണറുടെ നി​ർദേശങ്ങൾ പാലിക്കുമെന്ന്​ ഡൽഹി മുഖ്യമന്ത്രി അരവിന്ദ്​ കെജ്​രിവാൾ. ഇത്​ അഭിപ്രായ വ്യത്യാസങ്ങളു​ണ്ടാകേണ്ട സമയമല്ലെന്നും ​അദ്ദേഹം പറഞ്ഞു. 

ഡൽഹി സർക്കാരിന്​ കീഴിലെ ആശുപത്രികളിലും സ്വകാര്യ ആശുപത്രിയിലും ചികിത്സ ഡൽഹി നിവാസികൾക്ക്​ മാത്രമായിരിക്കുമെന്ന കെജ്​രിവാളി​​െൻറ ഉത്തരവ്​ കഴിഞ്ഞ ദിവസം ഗവർണർ അനിൽ ബൈജാൽ റദ്ദാക്കിയിരുന്നു. ആശുപത്രികളിൽ എല്ലാവർക്കും ചികിത്സ ലഭിക്കുമെന്നും ‍ഡൽഹി നിവാസി അല്ലാത്തതുകൊണ്ട് ആർക്കും ചികിത്സ നിഷേധിക്കപ്പെടുകയില്ലെന്നും ഗവർണർ ഉത്തരവിൽ അറിയിച്ചിരുന്നു. 

‘ഞങ്ങൾ ഡൽഹി തെരഞ്ഞെടുപ്പിൽ 62 സീറ്റിൽ​ വിജയിച്ചു. കേന്ദ്രസർക്കാർ ഇത്​ അംഗീകരിക്കുകയും ചെയ്​തു. ഇത്​ വേർതിരിവ്​ കാണിക്കാനുള്ള സമയമല്ല. കേന്ദ്രസർക്കാരി​​െൻറ തീരു​മാനം എന്തണോ, ഗവർണറുടെ നിർദേശം എന്താണോ അവ നടപ്പാക്കും. ഇതി​​െൻറ പേരിൽ വിവാദമുണ്ടാക്കാനോ കൂടുതൽ ചർച്ച നടത്താനോ ഇല്ല’ -കെജ്​രിവാൾ മാധ്യമങ്ങളോട്​ പ്രതികരിച്ചു.