ലുധിയാനയിലെ ഉദാഹരണം രജനി ബാല

ലുധിയാന: മകനൊപ്പം പത്താംക്ലാസ്​ ബോർഡ്​ പരീക്ഷയെഴുതി റിസൽട്ടിന്​ കാത്തിരിക്കയാണ്​ പഞ്ചാബ്​ ലുധിയാനയിലെ വീട്ടമ്മ രജനി ബാല. ലജ്​വന്തി സീനിയർ സെക്കൻററി സ്​കൂളിലാണ്​ 44 കാരിയായ രജനി പത്താംക്ലാസ്​ പരീക്ഷയെഴുതിയത്​. മകനൊപ്പം സ്​കൂളിലെത്തിയിരുന്ന ഇൗ അമ്മക്ക്​ മറ്റ്​ സഹപാഠികളും അധ്യപാകരും നല്ല പിന്തുണയാണ്​ നൽകിയത്​.

1989 ൽ ഒമ്പതാംക്ലാസ്​ പാസായ ശേഷം രജനി പഠനം നിർത്തുകയായിരുന്നു. പിന്നീട്​ വിവാഹവും കുടുംബജീവിതവുമായി മുന്നോട്ടു പോയ രജനിയെ​ ഭർത്താവ്​ രാജ്​ കുമാർ സേത്തിയാണ്​ തുടർപഠനത്തിന്​ ​​പ്രേരിപ്പിച്ചത്​. മക​ൻ പത്താംക്ലാസിലേക്ക്​ ജയിച്ചപ്പോൾ രജനിയെയും അതേ സ്​കൂളിൽ വിടാൻ തീരുമാനിക്കുകയായിരുന്നു. മകളും മകനും ചേർന്ന്​ അമ്മക്ക്​ പത്താംക്ലാസ്​ പരീക്ഷക്കുള്ള പരിശീലനം നൽകിയിരുന്നു. കൂടാതെ രജനി മകനൊപ്പം ട്യൂഷനും പോയി. 

17 വർഷങ്ങൾക്കു ശേഷം സ്​കൂളിൽ പഠിക്കാനെത്തിയതി​​​െൻറ പരിഭ്രമം ഉണ്ടായിരുന്നുവെങ്കിലും ഭർതൃമാതാവ്​ ഉൾപ്പെടെയുള്ളവർ നല്ല പിന്തുണ നൽകിയെന്ന്​ രജനി പറയുന്നു. പരീക്ഷ നന്നായി എഴുതാൻ കഴിഞ്ഞെന്നും ജയിക്കുമെന്ന ആത്മവിശ്വാസത്തിലാണെന്നും രജനി പറയുന്നു.