എം.ജെ അക്​ബർനെതിരായ പരാതി രാജ്യസഭ സമിതി പരിഗണിച്ചേക്കും

ന്യൂഡൽഹി: ‘മീ ടൂ’ വിവാദത്തി​​​െൻറ അകമ്പടിയോടെ കടുത്ത ലൈംഗിക ആരോപണങ്ങൾ നേരിടുന്ന മുൻകാല പത്രാധിപരും മുൻ കേന്ദ്രമന്ത്രിയുമായ എം.ജെ. അക്​ബർനെതിരെ രാജ്യസഭയുടെ സദാചാര സമിതി നടപടിയെടുത്തേക്കും. നിലവിൽ രാജ്യസഭാംഗമാണ്​ അക്​ബർ. അംഗങ്ങളുടെ സദാചാര, ധാർമിക വിരുദ്ധ പെരുമാറ്റങ്ങൾ പരിശോധിക്കാൻ എത്തിക്​സ്​ കമ്മിറ്റിക്ക്​ അധികാരമുണ്ട്​. അക്​ബറി​​​െൻറ പീഡനം നേരിട്ട ചിലർ അനൗപചാരികമായി സമിതിയെ സമീപിച്ചിട്ടുണ്ട്​. രേഖാമൂലമുള്ള പരാതി കിട്ടിയാൽ നടപടിക്രമങ്ങൾ അനുസരിച്ച്​ മുന്നോട്ടു നീങ്ങുമെന്ന്​ ബി.ജെ.പിയിലെ നാരായൺ ലാൽ പഞ്ചാരിയ പറഞ്ഞു.

എന്നാൽ, എം.പിയാകുന്നതിനു മുമ്പ്​, പത്രാധിപരായിരിക്കേയുള്ള അക്​ബറി​​​െൻറ ചെയ്​തികളെക്കുറിച്ച്​ സദാചാര സമിതിക്ക്​ അന്വേഷിക്കാൻ അധികാരമില്ലെന്ന്​ ലോക്​സഭ മുൻ സെക്രട്ടറി ജനറൽ പി.ഡി.ടി. ആചാരി ചൂണ്ടിക്കാട്ടി. എം.പിയായിരിക്കുന്ന കാലത്തെ പെരുമാറ്റങ്ങളാണ്​ എത്തിക്​സ്​ കമ്മിറ്റി പരിശോധിക്കുക. ​ൈലംഗികാരോപണങ്ങളെ തുടർന്ന്​ കഴിഞ്ഞ മാസമാണ്​ അക്​ബർ വിദേശകാര്യ സഹമന്ത്രിസ്​ഥാനം രാജിവെച്ചത്​. ഡസനിലേറെ യുവതികളാണ്​ അക്​ബറിനെതിരായ ആരോപണമുയർത്തിയത്​. ഇക്കഴിഞ്ഞ ദിവസം ന്യൂയോർക്കിലെ മാധ്യമപ്രവർത്തക പല്ലവി ഗൊഗോയിയും മാനഭംഗ പരാതി പരസ്യമായി ഉന്നയിച്ചു.

അതേസമയം, കുടുംബത്തിൽ അസ്വസ്​ഥതയും അകൽച്ചയും ഉണ്ടാക്കാനാണ്​ ​പല്ലവി ശ്രമിക്കുന്നതെന്ന്​ അക്​ബറി​​​െൻറ ഭാര്യ മല്ലിക പ്രസ്​താവനയിൽ കുറ്റപ്പെടുത്തി. ത​​​െൻറ സാന്നിധ്യത്തിൽ പോലും ഭർത്താവിനോടുള്ള പ്രത്യേക താൽപര്യം പല്ലവി കാണിച്ചിരുന്നുവെന്നും മല്ലിക ആരോപിച്ചു.