ദേശീയ ശ്രദ്ധ ഗ്വാളിയോർ-ചമ്പൽ മേഖലയിലേക്ക്

ചു​രു​ങ്ങി​യ കാ​ല​യ​ള​വു കൊ​ണ്ട് മ​ധ്യ​പ്ര​ദേ​ശി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ഏ​റ്റ​വും വി​ശ്വ​സ്ത​നാ​യി മാ​റി​യ കേ​ന്ദ്ര വ്യേ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ​യു​ടെ രാ​ഷ്ട്രീ​യ​ഭാ​വി ഗ്വാ​ളി​യോ​ർ- ച​മ്പ​ൽ മേ​ഖ​ല​യി​ലെ 34 മ​ണ്ഡ​ല​ങ്ങ​ൾ നി​ർ​ണ​യി​ക്കും.

അ​ഞ്ച് സം​സ്ഥാ​ന​ങ്ങ​ളി​ലേ​ക്കു​ള്ള നി​യ​മ​സ​ഭ തെ​ര​​ഞ്ഞെ​ടു​പ്പു​ക​ളി​ൽ ദേ​ശീ​യ ശ്ര​ദ്ധ പ​തി​ഞ്ഞി​രി​ക്കു​ന്ന​ത് ഈ ​മ​ണ്ഡ​ല​ങ്ങ​ളി​ലാ​ണ്. 2018ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് അ​ധി​കാ​ര​ത്തി​ലേ​റി​യാ​ൽ മു​ഖ്യ​മ​ന്ത്രി​യാ​കു​മെ​ന്ന് ക​രു​തി​യ ജ്യോ​തി​രാ​ദി​ത്യ സി​ന്ധ്യ പ​ദ​വി കി​ട്ടാ​തെ വ​ന്ന​പ്പോ​ൾ സം​സ്ഥാ​ന സ​ർ​ക്കാ​റി​നെ വീ​ഴ്ത്തി കൂ​ട്ടാ​ളി​ക​ൾ​ക്കൊ​പ്പം ബി.​ജെ.​പി​യി​ൽ ചേ​ർ​ന്ന ശേ​ഷം ആ​ദ്യ​മാ​യി ന​ട​ക്കു​ന്ന തെ​ര​ഞ്ഞെ​ടു​പ്പാ​ണി​ത്.

സം​സ്ഥാ​ന​ത്ത് കോ​ൺ​ഗ്ര​സു​മാ​യു​ള്ള ജീ​വ​ന്മ​ര​ണ പോ​രാ​ട്ട​ത്തി​ന് മൂ​ന്ന് കേ​​ന്ദ്ര​മ​ന്ത്രി​മാ​ര​ട​ക്കം ഏ​ഴ് എം.​പി​മാ​രെ​യാ​ണ് ബി.​ജെ.​പി മ​ൽ​സ​ര​രം​ഗ​ത്തി​റ​ക്കി​യ​ത്. ജ്യോ​തി​രാ​ദി​ത്യ സി​ന്ധ്യ​യെ ഇ​ത്ത​വ​ണ ബി.​ജെ.​പി മ​ത്സ​രി​പ്പി​ക്കാ​തെ മു​ഖ്യ​മ​ന്ത്രി​യാ​ക്കാ​നി​ട​യു​ണ്ട് എ​ന്ന് മേ​ഖ​ല​യി​ൽ പ്ര​ചാ​ര​ണം ന​ട​ക്കു​ന്ന​തും മോ​ദി​ക്ക് സി​ന്ധ്യ​യി​ലു​ള്ള വി​ശ്വാ​സം ​കൊ​ണ്ടാ​ണ്. കേ​ന്ദ്ര കൃ​ഷി​മ​ന്ത്രി ന​രേ​ന്ദ്ര സി​ങ് തോ​മ​റ​ട​ക്കം ബി.​ജെ.​പി​ക്ക് അ​ര ഡ​സ​നോ​ളം മു​ഖ്യ​മ​ന്ത്രി സ്ഥാ​നാ​ർ​ഥി​ക​ളു​ള്ള​തൊ​ന്നും ഈ ​പ്ര​ചാ​ര​ണ​ത്തി​ന് ത​ട​സ്സ​മ​ല്ല.

രാ​ഹു​ൽ ഗാ​ന്ധി​യു​ടെ വി​ശ്വ​സ്ത​നാ​യും കോ​ൺ​ഗ്ര​സി​ന്റെ മു​ഖ്യ​മ​ന്ത്രി സ്ഥാ​നാ​ർ​ഥി​യാ​യും മേ​ഖ​ല​യി​ൽ പ്ര​ചാ​ര​ണം ന​യി​ച്ച് 2018ൽ ​ബി.​ജെ.​പി​യെ തൂ​ത്തു​വാ​രി​യ സി​ന്ധ്യ​ക്ക് അ​ത് പോ​ലൊ​രു വി​ജ​യം ബി.​ജെ.​പി​ക്ക് തി​രി​കെ സ​മ്മാ​നി​ക്കാ​വു​ന്ന രാ​ഷ്ട്രീ​യ സാ​ഹ​ച​ര്യ​മ​ല്ല ഈ ​മേ​ഖ​ല​യി​ൽ ഇ​പ്പോ​ഴു​ള്ള​ത്.

ഗ്വാ​ളി​യോ​ർ- ച​മ്പ​ൽ മേ​ഖ​ല സി​ന്ധ്യ​യു​ടേ​തോ കോ​ൺ​ഗ്ര​സി​ന്റേ​​തോ എ​ന്ന് ഇ​ത്ത​വ​ണ നി​ശ്ച​യി​ക്കു​ക ഇ​രു കൂ​ട്ട​രു​ടെ​യും രാ​ഷ്ട്രീ​യ​മ​ല്ലെ​ന്നും സ്ഥാ​നാ​ർ​ഥി​ക​ളു​ടെ ജാ​തി​യാ​ണെ​ന്നും മാ​ധ്യ​മ പ്ര​വ​ർ​ത്ത​ക​ൻ പ്ര​തീ​ക് ഗോ​യ​ൽ പ​റ​ഞ്ഞു.

ശിവരാജ് ഭാജപ... മഹാരാജ് ഭാജപ... നാരാസ് ഭാജപ...

ജ്യോ​തി​രാ​ദി​ത്യ സി​ന്ധ്യ​യു​ടെ​യും കൂ​ട്ടാ​ളി​ക​ളു​ടെ​യും പ്ര​വേ​ശ​ന​ത്തോ​ടെ ഗ്വാ​ളി​യോ​ർ -ച​മ്പ​ൽ മേ​ഖ​ല​യി​ൽ മൂ​ന്ന് ത​ര​മാ​ണ് ബി.​ജെ.​പി. ശി​വ​രാ​ജ് ഭാ​ജ​പ, മ​ഹാ​രാ​ജ് ഭാ​ജ​പ, നാ​രാ​സ് ഭാ​ജ​പ എ​ന്നി​ങ്ങ​നെ​യാ​ണ​ത്. ഗ്വാ​ളി​യോ​റി​ലെ വോ​ട്ട​ർ ബ്രി​ജേ​ഷ് പ​ഠ​ക് ഈ ​ത​രം തി​രി​വ് വ്യ​ക്ത​മാ​ക്കി.

സി​ന്ധ്യ കൂ​റു​മാ​റി എ​ത്തു​ന്ന​തി​ന് മു​മ്പെ ബി.​ജെ.​പി​യി​ലു​ള്ള​വ​രും ഇ​പ്പോ​ഴും പാ​ർ​ട്ടി നി​ർ​ദേ​ശ​ങ്ങ​ൾ അ​നു​സ​രി​ക്കു​ന്ന​വ​രു​മാ​ണ് ‘ശി​വ​രാ​ജ് ഭാ​ജ​പാ’. ഗ്വാ​ളി​യോ​ർ രാ​ജ​വം​ശ​ത്തി​ലെ മ​ഹാ​രാ​ജാ​വ് ആ​യ ജ്യോ​തി​രാ​ദി​ത്യ സി​ന്ധ്യ​ക്കൊ​പ്പം ബി.​ജെ.​പി​യി​ലേ​ക്ക് വ​ന്ന​വ​രാ​ണ് ‘മ​ഹാ​രാ​ജ് ഭാ​ജ​പാ’. സി​ന്ധ്യ​യും കൂ​ട്ട​ർ​ക്കും ബി.​ജെ.​പി​യി​ലു​ള്ള മേ​ധാ​വി​ത്ത​ത്തി​ൽ ക​ടു​ത്ത അ​മ​ർ​ഷ​മു​ള്ള​വ​രാ​ണ് ‘നാ​രാ​സ് ഭാ​ജ​പ’(​രോ​ഷ​മു​ള്ള ബി.​ജെ.​പി​ക്കാ​ർ). ‘നാ​രാ​സ് ഭാ​ജ​പ​’​ക്കാ​രു​ടെ വോ​ട്ട് കൂ​റു​മാ​റി വ​ന്ന സി​ന്ധ്യ​യു​ടെ സ്ഥാ​നാ​ർ​ഥി​ക​ൾ​ക്ക് കി​ട്ടു​മോ എ​ന്ന​ത് സം​ശ​യ​മാ​ണ്.

മേ​ഖ​ല​യി​ൽ ബി.​ജെ.​പി​യെ വ​ള​ർ​ത്താ​ൻ സി​ന്ധ്യ​യോ​ടും കോ​ൺ​ഗ്ര​സി​നോ​ടും എ​തി​രി​ട്ട നേ​താ​ക്ക​ളെ​യും പ്ര​വ​ർ​ത്ത​ക​രെ​യും പ​രി​ഗ​ണി​ക്കാ​തെ കൂ​റു​മാ​റി​യെ​ത്തി​യ​വ​ർ വി​ല​സു​ന്ന​ത് കാ​ണാ​നു​ള്ള മ​ന​ക്ക​രു​ത്ത് വ​ലി​യൊ​രു വി​ഭാ​ഗം പ്ര​വ​ർ​ത്ത​ക​ർ​ക്കു​മി​ല്ല. 2018ൽ ​കോ​ണ്‍ഗ്ര​സ് സ്ഥാ​നാ​ർ​ഥി​യാ​യി മൊ​റേ​ന​യി​ല്‍നി​ന്ന് ജ​യി​ച്ച ര​ഘു​രാ​ജ് ക​ന്‍സാ​ന, സി​ന്ധ്യ ബി.​ജെ.​പി​യി​ലേ​ക്ക് കൂ​റു​മാ​റി​യ​തി​നെ തു​ട​ർ​ന്നു​ണ്ടാ​യ ഉ​പ​തെ​ര​ഞ്ഞെ​ടു​പ്പി​ല്‍ ബി.​ജെ.​പി ടി​ക്ക​റ്റി​ല്‍ മ​ത്സ​രി​ച്ച​പ്പോ​ൾ തോ​റ്റ​ത് ഉ​ദാ​ഹ​ര​ണം.

ഗു​ജ്ജ​ർ സ​മു​ദാ​യ​ക്കാ​ര​നാ​യ ക​ന്‍സാ​ന​യെ സി​ന്ധ്യ​യു​ടെ സ​മ്മ​ർ​ദ​ത്തി​ന് വ​ഴ​ങ്ങി മൊ​റേ​ന​യി​ൽ പാ​ർ​ട്ടി വീ​ണ്ടും സ്ഥാ​നാ​ർ​ഥി​യാ​ക്കി​യ​തോ​ടെ മു​ന്‍ ഐ.​പി.​എ​സ് ഉ​ദ്യോ​ഗ​സ്ഥ​നാ​യ ബി.​ജെ.​പി നേ​താ​വ് റു​സ്തം സി​ങ് രാ​ജി​വെ​ച്ച് ബി.​എ​സ്.​പി​യി​ൽ ചേ​ർ​ന്നു.

ചൗഹാൻ മികച്ച നടനെന്ന് കമൽനാഥ്

ഭോ​പാ​ൽ: നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ​രാ​ജ് സി​ങ് ചൗ​ഹാ​ന് ജ​നം യാ​ത്ര​യ​യ​പ്പ് ന​ൽ​കു​മെ​ന്ന് കോ​ൺ​ഗ്ര​സ് നേ​താ​വ് ക​മ​ൽ​നാ​ഥ്. ചൗ​ഹാ​ൻ മി​ക​ച്ച ന​ട​നാ​യ​തി​നാ​ൽ ജോ​ലി​യി​ല്ലാ​താ​വി​ല്ലെ​ന്നും അ​ദ്ദേ​ഹം പ​രി​ഹ​സി​ച്ചു.

രെ​ഹ്‍ലി നി​യ​മ​സ​ഭ മ​ണ്ഡ​ല​ത്തി​ൽ റാ​ലി​യി​ൽ സം​സാ​രി​ക്കു​ക​യാ​യി​രു​ന്നു ക​മ​ൽ​നാ​ഥ്. പൊ​ലീ​സും പ​ണ​വും ഉ​പ​യോ​ഗി​ച്ച് ഭ​ര​ണം ന​ട​ത്തു​ന്ന ബി.​ജെ.​പി സ​ർ​ക്കാ​റി​ന് ഇ​നി നാ​ലു ദി​വ​സം മാ​ത്ര​മാ​ണു​ള്ള​ത്. ന​വം​ബ​ർ 17ന് ​ന​ട​ക്കു​ന്ന തെ​ര​ഞ്ഞെ​ടു​പ്പ് സം​സ്ഥാ​ന​ത്തി​ന്റെ ഭാ​വി നി​ർ​ണ​യി​ക്കു​ന്ന​താ​ണ്. 18 വ​ർ​ഷ​ത്തെ ബി.​ജെ.​പി ഭ​ര​ണം മ​ധ്യ​പ്ര​ദേ​ശി​നെ ന​ശി​പ്പി​ച്ചെ​ന്നും അ​ദ്ദേ​ഹം ആ​രോ​പി​ച്ചു.

മേ​ഖ​ല​യി​ലെ ഏ​ത് സ്ഥാ​നാ​ർ​ഥി​യു​ടെ പ്ര​ചാ​ര​ണ ക​മ്മി​റ്റി ഓ​ഫി​സി​ൽ ചെ​ന്നാ​ലും ജ​യ​പ​രാ​ജ​യം തീ​രു​മാ​നി​ക്കു​ന്ന​ത് ജാ​തി​യാ​യി​രി​ക്കു​മെ​ന്ന കാ​ര്യ​ത്തി​ൽ ഏ​വ​ർ​ക്കും ഒ​രേ അ​ഭി​പ്രാ​യ​മാ​ണ്. ജാ​തി ക​ഴി​ഞ്ഞാ​ൽ പി​ന്നെ സ്ഥാ​നാ​ർ​ഥി​യെ നോ​ക്കും. അ​തും ക​ഴി​ഞ്ഞേ ​പാ​ർ​ട്ടി നോ​ക്കി​യു​ള്ള വോ​ട്ടു​ള്ളൂ.

ജാ​തി നോ​ക്കി പ​ര​മാ​വ​ധി സ്ഥാ​നാ​ർ​ഥി​ക​ളെ നി​ർ​ത്തി​യ ബി.​എ​സ്.​പി കോ​ൺ​ഗ്ര​സി​ന്റെ​യും ബി.​ജെ.​പി​യു​ടെ​യും മി​ക​ച്ച സ്ഥാ​നാ​ർ​ഥി​ക​ളു​ടെ ഉ​റ​ക്കം കെ​ടു​​ത്തു​ന്ന കാ​ഴ്ച​യാ​ണ് മേ​ഖ​ല​യി​ലെ പ​ല സീ​റ്റു​ക​ളി​ലും.

തോ​മ​ർ സ​മു​ദാ​യ​ത്തി​ന് 80,000ലേ​റെ വോ​ട്ടു​ള്ള വി.​​ഐ.​പി മ​ണ്ഡ​ല​മാ​യ ദിം​നി​യി​ൽ അ​തേ സ​മു​ദാ​യ​ത്തി​ൽ​നി​ന്നു​ള്ള കോ​ൺ​ഗ്ര​സി​ന്റെ ജ​ന​കീ​യ​നാ​യ സി​റ്റി​ങ് എം.​എ​ൽ.​എ ര​വീ​ന്ദ്ര ബ​ഡോ​സ​ക്ക് കേ​ന്ദ്ര മ​ന്ത്രി ന​രേ​ന്ദ്ര സി​ങ് തോ​മ​റി​നോ​ടു​ള്ള ജ​ന​രോ​ഷ​ത്തി​നി​ട​യി​ലും ജ​യി​ക്കാ​നാ​കു​മോ എ​ന്ന സം​ശ​യ​മു​ണ്ടാ​ക്കി​യ​ത് ബി.​​എ​സ്.​പി​യു​ടെ ബ്രാ​ഹ്മ​ണ സ്ഥാ​നാ​ർ​ഥി​യാ​ണ്.

ആ​പ് സ്ഥാ​നാ​ർ​ഥി​യും തോ​മ​ർ സ​മു​ദാ​യ​ക്കാ​ര​നാ​ണ്. മ​ണ്ഡ​ല​ത്തി​ലെ ഭൂ​രി​ഭാ​ഗം തോ​മ​ർ വോ​ട്ടു​ക​ൾ മൂ​ന്ന് സ്ഥാ​നാ​ർ​ഥി​ക​ൾ​ക്കി​ട​യി​ൽ വീ​തി​ക്ക​പ്പെ​ടു​മ്പോ​ൾ 35,000 ജാ​ട്ട​വ് വോ​ട്ടു​ക​ളും 25,000 ബ്രാ​ഹ്മ​ണ വോ​ട്ടു​ക​ളും ത​ങ്ങ​ൾ​ക്ക് കി​ട്ടു​മെ​ന്നാ​ണ് ബി.​എ​സ്.​പി ക​ണ​ക്കു​കൂ​ട്ട​ൽ.

സ്ഥാ​നാ​ർ​ഥി ബ്രാ​ഹ്മ​ണ​നാ​ണെ​ന്നും ദ​ലി​തു​ക​ളി​ലെ ജാ​ട്ട​വു​ക​ൾ ബി.​എ​സ്.​പി​യു​ടെ വോ​ട്ടു​ബാ​ങ്കാ​ണെ​ന്നു​മാ​ണ് ഇ​തി​ന​വ​ർ​ക്കു​ള്ള ന്യാ​യം. ദിം​നി​യി​ൽ ഈ​യി​ടെ ന​ട​ന്ന കൊ​ല​പാ​ത​ങ്ങ​ളും അ​ക്ര​മ​സം​ഭ​വ​ങ്ങ​ളും തോ​മ​ർ സ​മു​ദാ​യ​ത്തോ​ടു​ള്ള ഗു​ജ്ജ​റു​ക​ളു​ടെ വി​രോ​ധ​മേ​റ്റി​യ​തും ത​ങ്ങ​ൾ​ക്ക് അ​നു​കൂ​ല​മാ​കു​മെ​ന്ന് ബി.​എ​സ്.​പി ക​രു​തു​ന്നു.