പരിക്കേറ്റവരെ തോളിലേറ്റി​ പൊലീസുകാരൻ; കൈയടിച്ച്​ സോഷ്യൽ മീഡിയ

ജബൽപുർ: പരിക്കേറ്റ സ്​ത്രീയെ തോളിലേറ്റി ആശുപത്രിയിലെത്തിക്കുന്ന പൊലീസുകാര​െൻറ വിഡിയോ ഏറ്റെടുത്ത്​ സോഷ്യൽ മീഡിയ. മധ്യപ്രദേശിലെ ജബൽപൂരിൽ ചൊവ്വാഴ്​ചയാണ്​ സംഭവം.

35 തൊഴിലാളികളുമായിപോയ ട്രക്ക്​ മറിയുകയായിരുന്നു. നിരവധി തൊഴിലാളികൾക്ക്​ പരിക്കേൽക്കുകയും ചെയ്​തു. സംഭവ സ്​ഥലത്തെത്തിയ പൊലീസ്​ സംഘം പരിക്കേറ്റവരെ ആശുപത്രിയിലെത്തിച്ചു. എന്നാൽ ആശുപത്രിയിൽ ​​സ്​​ട്രച്ചർ സൗകര്യമില്ലെന്ന്​ മനസിലാക്കിയ പൊലീസുകാർ പരിക്കേറ്റവരെ തോളിലേറ്റുകയായിരുന്നു.

വാഹനത്തിൽനിന്ന്​ രോഗികളെ തോളിലേറ്റി ആശുപത്രിയുടെ അകത്തേക്ക്​ കൊണ്ടുപോകുന്ന പൊലീസുകാരുടെ വിഡിയോ സമൂഹമാധ്യമങ്ങളിൽ വൻതോതിൽ പ്രചരിക്കുകയായിരുന്നു. അസിസ്​റ്റൻറ്​ സബ്​ ഇൻസ്​പെക്​ടർ സന്തോഷ്​ സെൻ, കോൺസ്​റ്റബ്​ൾമാരായ അശോക്​, രാജേഷ്​, അങ്കിത്​ എന്നിവരാണ്​ പ്രദേശവാസികളുടെ സഹായത്തോടെ രക്ഷാപ്രവർത്തനം ഏറ്റെടുത്തത്​.

ദേഹമാസകലം മുറിവുകളുള്ള സ്​ത്രീയെ 57കാരനായ സന്തോഷ്​ സെൻ തോളിലേറ്റി പോകുന്നത്​ വിഡിയോയിൽ കാണാം. കൂടാതെ മറ്റൊരു പൊലീസുകാരൻ സ്​ത്രീയെയും ​സന്തോഷ്​ സെന്നിനെയും സഹായിക്കുന്നതും വിഡിയോയിലുണ്ട്​. വിഡിയോ വൈറലായതോടെ മധ്യപ്രദേശ്​ മുഖ്യമന്ത്രി ശിവരാജ്​ സിങ്​ ചൗഹാൻ പൊലീസുകാർക്ക്​ അഭിനന്ദനവുമായി എത്തി.