മധ്യപ്രദേശിൽ മഴ ശക്തം: മൂന്നു മരണം; സ്​കൂളുകൾക്ക്​ അവധി

ഭോപ്പാൽ: മധ്യപ്രദേശിൽ മഴ ശക്തമായതിനെ തുടർന്ന്​ ഭോപ്പാൽ, സേഹോർ ജില്ലകളിലെ വിദ്യാലയങ്ങൾക്ക്​ അവധി പ്രഖ്യാപ ിച്ചു. സംസ്ഥാനത്തെ 32 ജില്ലകളിൽ അതിശക്തമായ മഴയാണ്​ അനുഭവപ്പെടുന്നത്​.
ഭോപ്പാലിലെ ഫാൻഡ മേഖലയിൽ ഓവുചാലിൽ വീണ്​ രണ്ടു വയസുകാരി മരിച്ചു. സിയോണിയിൽ വൈഗംഗ നദിയിൽ മൂന്ന്​പേർ ഒഴുക്കിൽപെട്ടു. ഒരാളെ പരിക്കുകളോടെ രക്ഷപ്പെടുത്തി. മറ്റുള്ളവർക്കായി തെരച്ചിൽ തുടരുകയാണ്​.

ജലപരിധി ഉയർന്നതിനെ തുടർന്ന്​ കാളിയസോട്ട്​ ഡാമി​​െൻറ 13 ഷട്ടറുകളിൽ അ​ഞ്ചെണ്ണം ഉയർത്തി.
ശനിയാഴ്​ച മുതൽ മധ്യപ്രദേശിൽ കനത്ത മഴ തുടരുകയാണ്​. ഭോപ്പാൽ നഗരത്തിലെ താഴ്​ന്ന പ്രദേശങ്ങൾ വെള്ളത്തിനടിയിലാണ്.