മധ്യപ്രദേശിൽ ബി.ജെ.പിക്ക് തുണയായത് രണ്ട് മേഖലകളിലെ വിജയം

ഭോ​പാ​ൽ: ഏ​റെ നി​ർ​ണാ​യ​ക​മാ​യ മാ​ൽ​വ- നി​മ​ർ, ഗ്വാ​ളി​യോ​ർ-​ച​മ്പ​ൽ മേ​ഖ​ല​ക​ളി​ലെ മി​ക​ച്ച പ്ര​ക​ട​ന​മാ​ണ് മ​ധ്യ​പ്ര​ദേ​ശി​ൽ ഭ​ര​ണം പി​ടി​ക്കാ​ൻ ബി.​ജെ.​പി​ക്ക് തു​ണ​യാ​യ​തെ​ന്ന് വി​ല​യി​രു​ത്ത​ൽ. 2018 തെ​ര​ഞ്ഞെ​ടു​പ്പി​ൽ കോ​​ൺ​ഗ്ര​സി​നെ പി​ന്തു​ണ​ച്ച മേ​ഖ​ല​ക​ളാ​ണി​ത്.

മാ​ൽ​വ-​നി​മ​ർ മേ​ഖ​ല​യി​ലെ 66 മ​ണ്ഡ​ല​ങ്ങ​ളി​ൽ 48 എ​ണ്ണ​ത്തി​ൽ വി​ജ​യി​ക്കാ​ൻ ബി.​ജെ.​പി​ക്കാ​യി. കോ​​​ൺ​ഗ്ര​സ് 17 സീ​റ്റി​ലൊ​തു​ങ്ങി. ഒ​രു സീ​റ്റ് പു​തു​താ​യി രം​ഗ​ത്തെ​ത്തി​യ ഭാ​ര​ത് ആ​ദി​വാ​സി പാ​ർ​ട്ടി​ക്ക് ല​ഭി​ച്ചു.

ക​ഴി​ഞ്ഞ ത​വ​ണ കോ​ൺ​ഗ്ര​സി​ന് ഈ ​മേ​ഖ​ല​യി​ൽ 35 സീ​റ്റും ബി.​ജെ.​പി​ക്ക് 28 സീ​റ്റു​മാ​ണ് ല​ഭി​ച്ചി​രു​ന്ന​ത്. മു​ൻ​ കോ​ൺ​ഗ്ര​സ് നേ​താ​വും ഇ​പ്പോ​ൾ കേ​ന്ദ്ര​മ​ന്ത്രി​യു​മാ​യ ജ്യോ​തി​രാ​ദി​ത്യ സി​ന്ധ്യ​ക്ക് ഏ​റെ സ്വാ​ധീ​ന​മു​ള്ള ഗ്വാ​ളി​യോ​ർ- ച​മ്പ​ൽ മേ​ഖ​ല​യി​ൽ പ​കു​തി​യി​ല​ധി​കം സീ​റ്റു​ക​ൾ നേ​ടാ​ൻ ബി.​ജെ.​പി​ക്കാ​യി. ആ​കെ 34 സീ​റ്റി​ൽ ബി.​ജെ.​പി​ക്ക് 18 എം.​എ​ൽ.​എ​മാ​രെ ല​ഭി​ച്ച​പ്പോ​ൾ കോ​ൺ​ഗ്ര​സ് പ​ത്തി​ലൊ​തു​ങ്ങി.

സി​ന്ധ്യ കോ​ൺ​ഗ്ര​സി​നൊ​പ്പ​മാ​യി​രു​ന്ന​പ്പോ​ൾ 26 സീ​റ്റ് ല​ഭി​ച്ചി​രു​ന്നു. കോ​ൺ​​ഗ്ര​സ് വി​ട്ട് ബി.​ജെ.​പി​യി​ലെ​ത്തി​യ ആ​റ് എം.​എ​ൽ.​എ​മാ​ർ പ​രാ​ജ​യ​പ്പെ​ട്ട​പ്പോ​ൾ ഏ​ഴു​പേ​ർ വി​ജ​യി​ച്ചു.