കോവിഡ്​ ബാധിച്ച്​ ഭർത്താവ്​ മരിച്ചതിന്​ പിന്നാലെ യുവതി തൂങ്ങിമരിച്ചു

ഇന്ദോർ: മധ്യപ്രദേശിൽ കോവിഡ്​ ബാധിച്ച്​ ഭർത്താവ്​ മരിച്ചതിന്​ പിന്നാലെ ഭാര്യ ജീവനൊടുക്കി. ഇന്ദോർ നഗരത്തിൽ ബിജൻപുർ പ്രദേശത്ത്​ ബുധനാഴ്ചയാണ്​ സംഭവം.

35കാരനായ പവൻ പവാറാണ്​ കോവിഡ്​ ബാധിച്ച്​ മരിച്ചത്. മരണവാർത്ത അറിഞ്ഞതോടെ 33കാരിയായ നേഹ പവാർ വീട്ടിലെ കിടപ്പുമുറിയിൽ തൂങ്ങിമരിക്കുകയായിരുന്നു.

നഗരത്തിലെ പ്രധാന കോളജിലെ അധ്യാപകനായിരുന്നു പവൻ. ആശുപത്രിയിൽ നിന്ന്​ മടങ്ങിയെത്തിയ പവൻ ബുധനാഴ്ച രാവിലെ അണുബാധയെ തുടർന്ന്​ മരിക്കുകയായിരുന്നു. യുവതിയുടെ മരണത്തിൽ അന്വേഷണം നടത്തുമെന്ന്​ പൊലീസ്​ അറിയിച്ചു.

കോവിഡ്​ ബാധിതരുടെ എണ്ണം കൂടിയ സാഹചര്യത്തിൽ മധ്യപ്രദേശിൽ മേയ്​ ഏഴുവരെ കർഫ്യൂ പ്രഖ്യാപിച്ചിരിക്കുകയാണ്​. ഭോപാൽ, ഇന്ദോർ തുടങ്ങിയ നഗരങ്ങളിൽ നേരത്തേതന്നെ കർഫ്യൂ ഏർപ്പെടുത്തിയിരുന്നു.