തുറന്ന മദ്യശാലകൾ അടക്കണമെന്ന് മദ്രാസ് ഹൈക്കോടതി
text_fieldsചെന്നൈ: ലോക്ഡൗൺ പിൻവലിക്കുന്നത് വെര മദ്യശാലകൾ അടച്ചിടണമെന്ന് മദ്രാസ് ഹൈകോടതി. എന്നാൽ, ഒാൺലൈനായുള്ള വിൽപനയും ഹോം ഡെലിവെറിയും കോടതി അനുവദിച്ചിട്ടുണ്ട്.
വ്യാഴാഴ്ചയാണ് തമിഴ്നാട്ടിൽ മദ്യശാലകൾ തുറന്നത്. എല്ലായിടത്തും മദ്യശാലകൾക്ക് മുമ്പിൽ വലിയ ആൾക്കൂട്ടമായിരുന്നു. മദ്യശാലകൾ തുറന്നപ്പോൾ സാമൂഹിക അകലം പാലിക്കുന്നതിലുണ്ടായ വലിയ വീഴ്ചകൾ കോവിഡ് പ്രതിരോധത്തിന് തിരിച്ചടിയാകുമെന്ന് കാണിച്ച് കമൽ ഹാസൻെറ മക്കൾ നീതി മയ്യം അടക്കമുള്ളവർ നൽകിയ ഹരജിയിലാണ് കോടതി ഇടക്കാല ഉത്തരവ് നൽകിയത്.
വ്യാഴാഴ്ച മദ്യശാലകൾ തുറക്കുന്നതിനെതിരെ കോടതിയിൽ നിരവധി ഹരജികൾ വന്നിരുന്നു. രാവിലെ 10 മുതൽ വൈകീട്ട് 5 വരെ മദ്യശാലകൾ തുറക്കാനുള്ള സംസ്ഥാന സർക്കാറിൻെറ ഉത്തരവ് ചോദ്യം ചെയ്തായിരുന്നു ഹരജികൾ. എന്നാൽ സർക്കാർ ഉത്തരവ് റദ്ദാക്കാൻ കോടതി തയാറായിരുന്നില്ല. സാമൂഹിക അകലം പാലിക്കുന്നതടക്കമുള്ള കർശന ഉപാധികൾ മുന്നോട്ട് വെച്ച കോടതി മദ്യശാലകൾ തുറക്കാൻ അനുവാദം നൽകുകയായിരുന്നു.
വ്യാഴാഴ്ച മദ്യശാലകൾ തുറന്നപ്പോൾ സാമൂഹിക അകലം നിലനിർത്തുന്നതിലുണ്ടായ കടുത്ത വീഴ്ചകൾ ചൂണ്ടികാട്ടി ഹരജിക്കാർ വീണ്ടും കോടതിയെ സമീപിക്കുകയായിരുന്നു. ഇതേ തുടർന്നാണ് മദ്യശാലകൾ അടക്കാൻ വെള്ളിയാഴ്ച കോടതി ഉത്തരവിട്ടത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.