മഹാരാഷ്​ട്രയിൽ എൻ 95 മാസ്​ക്​ വിൽപനക്ക്​ നിയന്ത്രണം

മുംബൈ: ഡോക്​ടറുടെ കുറിപ്പില്ലാതെ എൻ 95 മാസ്​ക്​ വിൽക്കുന്നതിന്​ മഹാരാഷ്​ട്ര ഫുഡ്​ ആൻഡ്​ ഡ്രഗ്​ അഡ്​മിനിസ്​ട്രേഷൻെറ വിലക്ക്​. ഇന്ത്യയിൽ 31 ​പേർക്ക്​ കോവിഡ്​ 19 റിപ്പോർട്ട്​ ചെയ്​തതിനെ തുടർന്ന്​ മാസ്​കിന്​ ആവശ്യക്കാർ ഏറെയായിരുന്നു. ഇതേ തുടർന്ന്​ മാസ്​കിന്​ ക്ഷാമം അനുഭവപ്പെടുകയും വില കൂട്ടിവിൽക്കുകയും ചെയ്യുന്നുണ്ടായിരുന്നു. ഇതിനെതിരെ സർക്കാരിന്​ പരാതി ലഭിച്ചതിനെ തുടർന്നാണ്​ നടപടി

രോഗികളല്ലാത്തവരും രോഗം ബാധിച്ച പ്രദേശങ്ങളിൽ നിന്നു എത്തുന്നവരല്ലാത്തവരും മാസ്​ക്​ ധരിച്ച്​ നടക്കുന്നത്​ ആളുകളെ പരിഭ്രാന്തരാക്കുമെന്നും വൻതോതിൽ മാസ്​ക്​ വാങ്ങി സൂക്ഷിക്ക​ുമെന്ന​ും ചൂണ്ടിക്കാട്ടിയാണ്​ എൻ 95 മാസ്​ക്​​ വിൽക്കുന്നതിന്​ നിയന്ത്രണം​ ഏർപ്പെടുത്തിയത്​. കഴിഞ്ഞ ദിവസം കരിഞ്ചന്തയിൽ മാസ്​ക്​ വിറ്റതിന്​ മൂന്നു മെഡിക്കൽ സ്​റ്റോറുകൾ ആഗ്ര ജില്ല ​മജിസ്​ട്രേറ്റ്​ പൂട്ടിച്ചിരുന്നു.

നോയിഡയിൽ രണ്ടു സ്​കൂളുകൾ അടച്ചിടുകയും സ്​കൂളിലെ ഒരു വിദ്യാർഥിയുടെ പിതാവിന്​ രോഗം സ്​ഥിരീകരിക്കും ചെയ്​തതോടെ ഇവിടെ വൻതോതിൽ ആളുകൾ മാസ്​ക്​ വാങ്ങി സൂക്ഷിച്ചിരുന്നു. മാസ്​ക്​ പൂഴ്​ത്തിവെക്കുന്നവർക്കെതിരെ കർശന നടപടി സ്വീകരിക്കുമെന്ന്​ കേന്ദ്രസർക്കാർ മുന്നറിയിപ്പ്​ നൽകിയിട്ടുണ്ട്​.