മഹാരാഷ്ട്രയിൽ വകുപ്പ്​ വിഭജനം തീരുന്നില്ല; ചർച്ച ഡൽഹിയിൽ

മും​ബൈ: വ​കു​പ്പു വി​ഭ​ജ​ന​ത്തി​ൽ ഉ​ട​ക്കി മ​ഹാ​രാ​ഷ്ട്ര​യി​ൽ മ​ന്ത്രി​സ​ഭ വി​ക​സ​നം വൈ​കു​ന്നു. നി​ല​വി​ൽ മു​ഖ്യ​മ​ന്ത്രി​യും ഉ​പ മു​ഖ്യ​മ​ന്ത്രി​മാ​രും മാ​ത്ര​മാ​ണു​ള്ള​ത്. മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്​​നാ​വി​സും (ബി.​ജെ.​പി) ഉ​പ​മു​ഖ്യ​മ​ന്ത്രി അ​ജി​ത്​ പ​വാ​റും (എ​ൻ.​സി.​പി) ബി.​ജെ.​പി കേ​ന്ദ്ര നേ​തൃ​ത്വ​ത്തെ കാ​ണാ​ൻ ഡ​ൽ​ഹി​യി​ലാ​ണ്. അ​തേ​സ​മ​യം, മ​റ്റൊ​രു ഉ​പ​മു​ഖ്യ​മ​ന്ത്രി ഏ​ക്​​നാ​ഥ്​ ഷി​ൻ​ഡെ (ശി​വ​സേ​ന) ഡ​ൽ​ഹ​യി​ലെ ച​ർ​ച്ച​യി​ൽ പ​ങ്കെ​ടു​ക്കു​മോ എ​ന്ന​തി​ൽ വ്യ​ക്ത​ത​യി​ല്ല.

ചൊ​വ്വാ​ഴ്ച അ​ർ​ധ​രാ​ത്രി​യി​ലും വ​കു​പ്പ്​ വി​ഭ​ജ​ന ച​ർ​ച്ച ന​ട​ന്നെ​ങ്കി​ലും എ​ങ്ങും എ​ത്തി​യി​ല്ല. ആ​ഭ്യ​ന്ത​ര വ​കു​പ്പി​നാ​യി ഏ​ക്​​നാ​ഥ്​ ഷി​ൻ​ഡെ ക​ടും​പി​ടി​ത്തം തു​ട​രു​ന്ന​താ​ണ്​ ത​ട​സ്സം. ആ​ഭ്യ​ന്ത​രം വി​ട്ടു​കൊ​ടു​ക്കി​ല്ലെ​ന്ന്​ ബി.​ജെ.​പി പ​ര​സ്യ​മാ​യി പ്ര​ഖ്യാ​പി​ച്ചി​ട്ടു​ണ്ട്. റ​വ​ന്യൂ വ​കു​പ്പും ന​ൽ​കി​ല്ല. ന​ഗ​ര​സ​ഭ വി​ക​സ​ന​വും പൊ​തു​മ​രാ​മ​ത്തും ഷി​ൻ​ഡെ​ക്ക്​ ന​ൽ​കാ​ൻ ത​യാ​റാ​ണ്. ധ​ന​കാ​ര്യം അ​ജി​ത്തി​നു​ത​ന്നെ ന​ൽ​കു​മെ​ന്നാ​ണ്​ സൂ​ച​ന.

ഷി​ൻ​ഡെ​ക്കും അ​ജി​ത്തി​നും​ അ​വ​രു​ടെ എം.​എ​ൽ.​എ​മാ​രി​ൽ​നി​ന്നും സ​മ്മ​ർ​ദ​മേ​റു​ന്നു. പി​ള​ർ​പ്പി​ൽ ഒ​പ്പം നി​ന്നി​ട്ടും ക​ഴി​ഞ്ഞ ത​വ​ണ മ​ന്ത്രി​പ​ദം കി​ട്ടാ​ത്ത​വ​ർ മ​ന്ത്രി​യാ​കാ​ൻ ശ​ക്ത​മാ​യി സ​മ്മ​ർ​ദം ചെ​ലു​ത്തു​ന്നു. ഷി​ൻ​ഡെ​ക്ക്​ 12ഉം ​അ​ജി​ത്തി​ന്​ 10ഉം ​മ​ന്ത്രി​പ​ദ​മാ​ണ്​ കി​ട്ടു​ക. ബി.​ജെ.​പി​ക്ക്​ മു​ഖ്യ​ന​ട​ക്കം 22 മ​ന്ത്രി​മാ​രു​ണ്ടാ​കും. ഡ​ൽ​ഹി ച​ർ​ച്ച​യോ​ടെ പ​രി​ഹാ​ര​മാ​കു​മെ​ന്നും ശ​നി​യാ​ഴ്ച​യോ​ടെ മ​ന്ത്രി​സ​ഭ വി​ക​സ​നം ഉ​ണ്ടാ​കു​മെ​ന്നും ബി.​ജെ.​പി നേ​താ​ക്ക​ൾ പ​റ​യു​ന്നു.