തരൂരിനെ നിരാശപ്പെടുത്തി മഹാരാഷ്ട്ര കോൺഗ്രസ്​; സ്വീകരിക്കാൻ പ്ര​മു​ഖ​രി​ല്ല

മും​ബൈ: കോ​ൺ​ഗ്ര​സ് പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ വോ​ട്ടു​തേ​ടി മും​ബൈ​യി​ലെ​ത്തി​യ ശ​ശി ത​രൂ​രി​നെ സ്വീ​ക​രി​ക്കാ​ൻ പ്ര​മു​ഖ നേ​താ​ക്ക​ൾ എ​ത്തി​യി​ല്ല. ദി​വ​സ​ങ്ങ​ൾ​ക്ക്​ മു​മ്പ്​ എ​തി​ർ സ്ഥാ​നാ​ർ​ഥി മ​ല്ലി​കാ​ർ​ജു​ൻ ഖാ​ർ​ഗെ എ​ത്തി​യ​പ്പോ​ൾ മു​ൻ മു​ഖ്യ​മ​ന്ത്രി​മാ​ര​ട​ക്ക​മു​ള്ള​വ​രാ​ണ് സ്വീ​ക​രി​ക്കാ​നെ​ത്തി​യ​ത്.

മു​തി​ർ​ന്ന നേ​താ​വും മു​ൻ കേ​ന്ദ്ര ആ​ഭ്യ​ന്ത​ര മ​ന്ത്രി​യു​മാ​യ സു​ശീ​ൽ​കു​മാ​ർ ഷി​ൻ​ഡെ​യെ അ​ദ്ദേ​ഹ​ത്തി​ന്റെ വ​സ​തി​യി​ൽ ചെ​ന്നു​ ക​ണ്ട ശേ​ഷ​മാ​ണ്​ ത​രൂ​ർ ദാ​ദ​റി​ലെ പാ​ർ​ട്ടി ആ​സ്ഥാ​ന​ത്തെ​ത്തി​യ​ത്. മു​ൻ എം.​പി പ്രി​യാ​ദ​ത്തും രാ​ജ്യ​സ​ഭാ എം.​പി. ബാ​ല​ച​ന്ദ്ര മു​ങ്കേ​ക്ക​റും മാ​ത്ര​മാ​ണ്​ ത​രൂ​രി​നെ കാ​ണാ​നെ​ത്തി​യ പ്ര​മു​ഖ​ർ. പാ​ർ​ട്ടി ആ​സ്ഥാ​ന​ത്തെ ര​ണ്ടാം നി​ല​യി​ലൊ​രു​ക്കി​യ വേ​ദി​യി​ൽ ക​യ​റാ​തെ സ​ദ​സ്സി​ലു​ള്ള ഏ​താ​നും പേ​രോ​ട്​​ സം​സാ​രി​ച്ച ശേ​ഷ​മാ​യി​രു​ന്നു മ​ട​ക്കം. ത​രൂ​ർ ക​ണ്ട​വ​രി​ൽ വോ​ട്ട​വ​കാ​ശ​മു​ള്ള​വ​ർ വി​ര​ളം.

എ​ല്ലാ​യി​ട​ത്തും ഇ​തേ അ​നു​ഭ​വ​മാ​യി​രി​ക്കും കാ​ത്തി​രി​ക്കു​ന്ന​തെ​ന്നും ത​ന്നെ പി​ന്തു​ണ​ച്ചാ​ൽ പാ​ർ​ട്ടി​യി​ൽ ത​ങ്ങ​ളു​ടെ ഭാ​വി എ​ന്താ​കു​മെ​ന്ന്​ പ​ല​രും ഭ​യ​ക്കു​ന്ന​താ​യും ത​രൂ​ർ സൂ​ചി​പ്പി​ച്ചു. ഇ​തി​നി​ട​യി​ൽ, വോ​ട്ട​ർ പ​ട്ടി​ക​യി​ൽ 3000ത്തി​ലേ​റെ പേ​രു​ടെ മേ​ൽ​വി​ലാ​സ​മു​ൾ​പ്പെ​ടെ വി​വ​ര​ങ്ങ​ൾ പൂ​ർ​ണ​മ​ല്ലാ​ത്ത​ത്​ വോ​ട്ടു​തേ​ട​ലി​നെ പ്ര​തി​കൂ​ല​മാ​യി ബാ​ധി​ക്കു​ന്ന​താ​യി ത​രൂ​ർ ​േക​ന്ദ്ര തെ​ര​ഞ്ഞെ​ടു​പ്പ്​ സ​മി​തി​ക്ക്​ പ​രാ​തി ന​ൽ​കി.