മഹാരാഷ്​ട്രയിൽ ലോക്​ഡൗൺ ജൂലൈ 31 വരെ നീട്ടി

മുംബൈ: മഹാരാഷ്​ട്രയിൽ​ കോവിഡ്​ ബാധിതരുടെ എണ്ണം കുത്തനെ ഉയരുന്ന സാഹചര്യത്തിൽ ലോക്​ഡൗൺ ജൂലൈ 31 വരെ നീട്ടി. കോവിഡ്​ ബാധിതരുടെ എണ്ണത്തിൽ കഴിഞ്ഞ ദിവസങ്ങളിൽ വൻ വർധന രേ​ഖപ്പെട​ുത്തിയിരുന്നു.

കണ്ടെയ്​ൻമെൻറ്​ സോണുകളിൽ അവശ്യസർവിസുകൾക്ക്​ മാത്രമേ അനുമതിയുണ്ടാകൂ. ആശുപത്രി സന്ദർശനത്തിനും അവശ്യ സാധനങ്ങൾ വാങ്ങാനും മാത്രമേ പുറത്തിറങ്ങാൻ അനുവദിക്കൂ.

രാജ്യത്ത്​ ഏറ്റവും കൂടുതൽ രോഗബാധിതരുള്ള സംസ്​ഥാനം മഹാരാഷ്​ട്രയാണ്​. 1,64,626 പേർക്കാണ്​ മഹാരാഷ്​ട്രയിൽ ഇതുവരെ കോവിഡ്​ ബാധിച്ചത്​. 7429 മരണവും റിപ്പോർട്ട്​ ചെയ്​തു.