മഹാരാഷ്​ട്രയിൽ ജൂൺ ഒന്നുവരെ കർശന നിയന്ത്രണം തുടരും

മുംബൈ: മഹാരാഷ്​ട്രയിൽ കോവിഡ്​ വ്യാപനം ​രൂക്ഷമായി തുടരുന്ന സാഹചര്യത്തിൽ അടുത്തമാസം വരെ നിയന്ത്രണം നീളും. ജൂൺ ഒന്ന്​ രാവിലെ ഒന്നുവരെ ലോക്​ഡൗണിന്​ സമാനമായ നിയന്ത്രണങ്ങൾ തുടരുമെന്ന്​ സർക്കാർ അറിയിച്ചു.

മഹാരാഷ്​ട്രയിൽ പ്രവേശിക്കണമെങ്കിൽ ആർ.ടി.പി.സി.ആർ പരിശോധന ​ഫലം നെഗറ്റീവായതിന്‍റെ സർട്ടിഫിക്കറ്റ്​ കൈയിൽ കരുതണം. അവശ്യ സർവിസുകൾക്ക്​ നിയന്ത്രണം ഉണ്ടാകില്ല. അവശ്യ സാധനങ്ങൾ ഹോം ഡെലിവറിയായി എത്തിക്കാൻ പരമാവധി ശ്രമിക്കണമെന്നും ചീഫ്​ സെക്രട്ടറിയുടെ ഉത്തരവിൽ പറയുന്നു.

രാജ്യത്ത്​ ഏറ്റവും കൂടുതൽ രോഗികളു​ള്ള സംസ്​ഥാനങ്ങളിലൊന്നാണ്​ മഹാരാഷ്​ട്ര. പ്രതിദിനം ലക്ഷത്തിനടുത്ത്​ കോവിഡ്​ കേസുകൾ റിപ്പോർട്ട്​ ചെയ്​തിരുന്നു. തുടർന്ന്​ സംസ്​ഥാനത്ത്​ കർശന നിയന്ത്രണം ഏർപ്പെടുത്തുകയായിരുന്നു.

കഴിഞ്ഞദിവസം 46,781 പേർക്കാണ്​ പുതുതായി രോഗം സ്​ഥിരീകരിച്ചത്​. 816 മരണവും സ്​ഥിരീകരിച്ചു. 17.36 ശതമാനമാണ്​ പോസിറ്റിവിറ്റി നിരക്ക്​. 1.49 ശതമാനമാണ്​ മരണനിരക്കെന്നും ആരോഗ്യ വകുപ്പ്​ അറിയിച്ചു.