അർണബിനെതിരായ ആത്മഹത്യപ്രേരണ കേസ്​ സി.ഐ.ഡിക്ക്​ വിട്ട്​ മഹാരാഷ്​ട്ര സർക്കാർ

മുംബൈ: കേസുകൾക്ക്​ പിറകെ കേസുകളുമായി റിപബ്ലിക്​ ടി.വി എഡിറ്റർ ഇൻ ചീഫ്​ അർണബ്​ ഗോസാമിയുടെ കഷ്​ടകാലം തുടങ്ങിയെന്നാണ്​ സൂചന. ആത്മഹത്യാ പ്രേരണകുറ്റത്തിൽ അർണബിനെ പ്രതിചേർത്ത കേസിൽ ക്രിമിനൽ ഇൻവെസ്​റ്റിഗേഷൻ ഡിപാർട്​മ​​െൻറ്​ (സി.ഐ.ഡി) അന്വേഷണത്തിന്​ മഹാരാഷ്​ട്ര സർക്കാർ ഉത്തരവിട്ടു​​. റിപബ്ലിക്​ ടി.വിയിൽ നിന്നും കുടിശ്ശിക ലഭിക്കാത്തതിനെത്തുടർന്ന്​ തൻെറ പിതാവും മുത്തശ്ശിയും ആത്മഹത്യ ചെയ്​ത സംഭവത്തിൽ പൊലീസ്​ അന്വേഷണം തൃപ്​തികരമല്ലെന്ന്​ കാണിച്ച്​ ഇൻറീരിയർ ഡിസൈനർ അൻവയ്​ നായ്​കിൻെറ മകൾ അദന്യ നായ്​ക്​ നൽകിയ പരാതിയുടെ അടിസ്​ഥാനത്തിലാണ്​ പുനരന്വേഷണത്തിന്​ ഉത്തരവിട്ടത്​.

മഹാരാഷ്​ട്ര ആഭ്യന്തര മന്ത്രി അനിൽ ദേശ്​മുഖ്​ ട്വിറ്ററിലൂടെയാണ്​ പുനരന്വേഷണത്തിന്​ ഉത്തരവിട്ട കാര്യം അറിയിച്ചത്​​. അർണബ്​ ഗോസാമിയും രണ്ട്​ കൂട്ടാളികളുമാണ്​  തൻെറ ഭർത്താവിൻെറയും ഭർതൃമാതാവിൻെറയും മരണത്തിന്​ ഉത്തരവാദികളെന്നും ഇരുവർക്കും നീതിവേണമെന്നും നായ്​കിൻെറ ഭാര്യ അക്ഷത  നായ്​ക്​ അടുത്തിടെ വിഡിയോ സന്ദേശത്തിലൂടെ ആവശ്യപ്പെട്ടിരുന്നു. പ്രധാനമന്ത്രി നരേന്ദ്ര മോദിയും മഹാരാഷ്​ട്ര സർക്കാറും തങ്ങൾക്ക്​ നീതി ലഭ്യമാക്കാൻ ഇടപെടണമെന്നും അവർ ആവശ്യം ഉന്നയിച്ചിരുന്നു. 5.40 കോടി രൂപയിലധികം​ രൂപ​ അർണബും സംഘവും കോൺകോർഡ്​ ഡിസൈനേഴ്​സ്​ പ്രൈവറ്റ്​ ലിമിറ്റഡിന് ​നൽകാനുള്ളതായാണ്​ ആത്മഹത്യാ കുറിപ്പിൽ ആ​േരാപിക്ക​ുന്നത്​.

Adnya Naik had complained to me that #AlibaugPolice had not investigated non-payment of dues from #ArnabGoswami's @republic which drove her entrepreneur father & grandmom to suicide in May 2018. I've ordered a CID re-investigation of the case.#MaharashtraGovernmentCares

— ANIL DESHMUKH (@AnilDeshmukhNCP) May 26, 2020

അൻവയ്​ എഴുതിയെന്ന്​ കരുതപ്പെടുന്ന ആത്മഹത്യ കുറിപ്പിൽ പേര്​ പരാമർശിക്കപ്പെട്ടതോടെയാണ്​ അർണബ്​ കുറ്റാരോപിതനായത്​. അക്ഷതയുടെ പരാതിയുടെ അടിസ്​ഥാനത്തിൽ അർണബിനെക്കൂടാതെ ഐ കാസ്​റ്റ്​ എക്​സിൻെറ ഫിറോസ്​ ഷെയ്​ഖിനും സ്​മാർട്ട്​ വർക്​സിൻെറ നിദേശ്​ സർദക്കുമെതിരെ അലിബാഗ്​ പൊലീസ്​ എഫ്​.ഐ.ആർ ചുമത്തി. മൂവരും കുടിശിക തീർപ്പാക്കാത്തതിനെത്തുടർന്ന്​ ബിസിനസിൽ നഷ്​ടം നേരിട്ടതിൽ മനംനൊന്താണ്​ ആത്മഹത്യയെന്നായിരുന്നു പരാതി. എന്നാൽ റിപബിക്​ ടി.വി ആരോപണം നിഷേധിച്ചു. എഫ്​.ഐ.ആർ ഫയൽ ചെയ്​ത സമയത്ത്​ മഹാരാഷ്​ട്രയിൽ ബി.ജെ.പി ഭരണമായിരുന്നതിനാൽ കാര്യമായ അന്വേഷണം നടന്നില്ല. ഇപ്പോൾ ഭരണം മാറിയതിനാൽ കേസിൽ തങ്ങൾക്ക്​ നീതി ലഭിക്കുമെന്നാണ് കുടുംബത്തിൻെറ​ പ്രതീക്ഷ. 

Akshata Naik had said that her husband committed suicide bcos Arnab Goswami owed them a lot of money

BJP Fadnavis Govt had not investigated the case properly

Today, Maharashtra Govt ordered a CID investigation of the case

Finally, there will be JUSTICEpic.twitter.com/q2kGSxeXuk

— Srivatsa (@srivatsayb) May 26, 2020

ടി.വി ചർച്ചയിൽ മതവിദ്വേഷം പരത്തിയെന്ന കേസിൽ അടുത്തിടെയാണ്​ സുപ്രീം കോടതി അർണബിൻെറ അറസ്​റ്റ്​ ഒരാഴ്​ചത്തേക്ക്​ നീട്ടിയത്​. എന്നാൽ കേസ്​ സി.ബി.ഐക്ക്​ വിടാനുള്ള അദ്ദേഹത്തിൻെറ ആവശ്യം കോടതി തള്ളി.