മഹാരാഷ്​ട്ര തദ്ദേശ തെരഞ്ഞെടുപ്പ്​: ഒ.ബി.സി സംവരണ സീറ്റുകളിൽ സ്​റ്റേ

ന്യൂഡൽഹി: മഹാരാഷ്​ട്രയിൽ ഒ.ബി.സി സംവരണം ഏർപ്പെടുത്തിയ 27 ശതമാനം സീറ്റുകളിലേക്കുള്ള തദ്ദേശ തെരഞ്ഞെടുപ്പ്​ സുപ്രീംകോടതി സ്​റ്റേ ചെയ്​തു. ബാക്കി സീറ്റുകളിൽ തെരഞ്ഞെടുപ്പ്​ നടപടിയുമായി മുന്നോട്ടു പോകാമെന്നും രണ്ടംഗ സുപ്രീംകോടതി ബെഞ്ച്​ തിങ്കളാഴ്ച വ്യക്തമാക്കി.

സംസ്ഥാനത്തെ തദ്ദേശ തെരഞ്ഞെടുപ്പിൽ ഒ.ബി.സി വിഭാഗങ്ങൾക്ക്​ 27 ശതമാനം സംവരണം ഏർപ്പെടുത്തിക്കൊണ്ടുള്ള ഓർഡിനൻസ്​ ചോദ്യംചെയ്​തുള്ള ഹരജി പരിഗണിച്ചാണ്​ ഉത്തരവ്​. വിഷയത്തിൽ മറ്റൊരുത്തരവ്​ വരുന്നതുവരെയാണ്​ സ്​റ്റേ.