![Chhagan Bhujbal Chhagan Bhujbal](https://www.madhyamam.com/h-upload/2021/02/22/893868-maharashtra-minister-chhagan-bhujbal-tests-positive-for-coronavirus.webp)
മഹാരാഷ്ട്രയിൽ ഒരു മന്ത്രിക്ക് കൂടി കോവിഡ്; രോഗബാധിതരുടെ എണ്ണം ഉയരുന്നു
text_fieldsമുംബൈ: മഹാരാഷ്ട്രയിൽ ഒരു മന്ത്രിക്ക് കൂടി കോവിഡ്. മന്ത്രിയും എൻ.സി.പി നേതാവുമായി ഛാഗൻ ബുജ്പാലിനാണ് കോവിഡ് സ്ഥിരീകരിച്ചത്. രോഗവിവരം ട്വിറ്ററിലുടെ അദ്ദേഹംതന്നെ പങ്കുവെക്കുകയായിരുന്നു.
കഴിഞ്ഞദിവസങ്ങളിൽ താനുമായി സമ്പർക്കം പുലർത്തിയവർ നിരീക്ഷണത്തിൽ പോകണമെന്നും അദ്ദേഹം നിർദേശിച്ചു. തന്റെ ആരോഗ്യനില തൃപ്തികരമാണെന്നും എല്ലാവരും ജാഗ്രത പുലർത്തണമെന്നും അദ്ദേഹം പറഞ്ഞു.
മഹാരാഷ്ട്രയിൽ നിരവധി മന്ത്രിമാർക്ക് കോവിഡ് സ്ഥിരീകരിച്ചിരുന്നു. കോവിഡ് രോഗബാധിതരുടെ എണ്ണവും സംസ്ഥാനത്ത് കുതിച്ചുയർന്നിരുന്നു. തിങ്കളാഴ്ച മുതൽ രാഷ്ട്രീയ, സാമൂഹിക ഒത്തുചേരലുകൾ ഇതോടെ നിരോധിച്ചു.
7000ത്തോളം പേർക്കാണ് ഞായറാഴ്ച മഹാരാഷ്ട്രയിൽ കോവിഡ് സ്ഥിരീകരിച്ചത്. രണ്ടാഴ്ചക്കിടെ കോവിഡ് ബാധിതരുടെ എണ്ണം കുതിർച്ചുയർന്നാൽ ലോക്ഡൗൺ ഏർപ്പെടുത്തുമെന്ന് മുഖ്യമന്ത്രി ഉദ്ദവ് താക്കറെ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.