മഹാരാഷ്​ട്രയിൽ വിദ്യാഭ്യാസ സ്ഥാപനങ്ങളിൽ മുസ്​ലിം സംവരണം അഞ്ച്​ ശതമാനം വർധിപ്പിക്കും -മന്ത്രി

മുംബൈ: മഹാരാഷ്​ട്രയിലെ മഹാ വികാസ്​ അഘാഗി സർക്കാർ വിദ്യാഭ്യാസ സ്ഥാപനങ്ങളിൽ മുസ്​ലിംകൾക്ക്​​ അഞ്ചു ശതമാനം സംവ രണം നൽക​ുന്ന ബിൽ കൊണ്ടുവരുമെന്ന്​ ന്യൂനപക്ഷ മന്ത്രി നവാബ്​ മാലിക്​. നിലവിലുള്ള സംവരണത്തോടൊപ്പം അഞ്ച്​ ശതമാനം കൂടി വർധിപ്പിക്കുകയാണ്​ ചെയ്യുക. സർക്കാർ ജോലികളിൽ ന്യൂനപക്ഷങ്ങൾക്ക്​ സംവരണം ഏർപ്പെടുത്തുന്നത്​ സംബന്ധിച്ച്​ നിയമോപദേശം തേടിയെന്നും നവാബ്​ മാലിക്​ നിയമസഭയിൽ പറഞ്ഞു.

മുൻ ബി.ജെ.പി സർക്കാർ കോടതി വിധിയുണ്ടായിട്ടും സംവരണം അനുവദിച്ചിരുന്നില്ല. ഈ സർക്കാർ നിയമസഭാ സമ്മേളനം കഴിയുന്നതിന്​ മുമ്പ്​ മുസ്​ലിം സംവരണവുമായി ബന്ധപ്പെട്ട്​ തീരുമാനമെടുക്കുമെന്നും എൻ.സി.പി നേതാവുകൂടിയായ നവാബ്​ മാലിക്​ വ്യക്തമാക്കി.