മഹാരാഷ്​ട്രയിൽ പ്രതിദിന കോവിഡ്​ രോഗികളുടെ എണ്ണത്തിൽ വൻ വർധന

മുംബൈ: നാല്​ മാസത്തിനിടയിൽ കോവിഡ്​ രോഗികളുടെ ഏണ്ണത്തിൽ മഹാരാഷ്​ട്രയിൽ വൻ വർധന. 9,855 പേർക്കാണ്​ കഴിഞ്ഞ 24 മണിക്കൂറിനിടെ മഹാരാഷ്​ട്രയിൽ രോഗം ബാധിച്ചത്​. ഇതോടെ സംസ്ഥാനത്തെ കോവിഡ്​ രോഗികളുടെ എണ്ണം 2,179,185 ആയി ഉയർന്നു.

ഒക്​ടോബർ 17ന്​ ശേഷം ഇതാദ്യമായാണ്​ രോഗികളുടെ എണ്ണം ഇത്രയും ഉയരുന്നത്​. മുംബൈയിൽ മാത്രം 1,121 പേർക്ക്​ രോഗം ബാധിച്ചു.

മുംബൈയിലെ രോഗികളുടെ എണ്ണം 52,280 ആയി ഉയർന്നു. ചൊവ്വാഴ്ചക്ക്​ ശേഷം 42 മരണം കൂടി സ്ഥിരീകരിച്ചു. ഇതുവരെ 11,487 പേരാണ്​ മുംബൈയിൽ കോവിഡ്​ മൂലം മരിച്ചത്​.