ദേഹത്ത് ട്രെയിന്‍ കയറിയിറങ്ങി; ആര്‍.പി.എഫ് ജവാന് ദാരുണാന്ത്യം

മുംബൈ: മഹാരാഷ്ട്രയില്‍ ആര്‍.പി.എഫ് ജവാന് ട്രെയിനിനിടയില്‍ പെട്ട് ദാരുണാന്ത്യം. മഹാരാഷ്ട്രയിലെ കസറ റെയില്‍വേ സ്‌റ്റേഷനിലായിരുന്നു സംഭവം. ഹെഡ് കോണ്‍സ്റ്റബിളായ ദിലീപ് സോന്‍വാനെയാണ് കൊല്ലപ്പെട്ടത്.

ഞായറാഴ്ച 6.49ന് എത്തിയ എല്‍.ടി.ടി-കാന്‍പൂര്‍ എക്‌സ്പ്രസിലെ യാത്രക്കാരെ സഹായിക്കുന്നതിനിടെയായിരുന്നു സംഭവം. യാത്രക്കാരനെ ട്രെയിനില്‍ കയറാന്‍ സഹായിച്ച് പുറത്തിറങ്ങുന്നതിന് മുമ്പേ ട്രെയിന്‍ നീങ്ങിത്തുടങ്ങിയിരുന്നു. ട്രെയിനില്‍ നിന്നും ഇറങ്ങാന്‍ ശ്രമിക്കുന്നതിനിടെ നിലതെറ്റി പ്ലാറ്റ്‌ഫോമിനും ട്രെയിനിനും ഇടയില്‍പെടുകയായിരുന്നു. ദിലീപ് സംഭവസ്ഥലത്തുവെച്ച് തന്നെ കൊല്ലപ്പെട്ടു. സംഭവത്തില്‍ പൊലീസ് കേസെടുത്തിട്ടുണ്ട്.