മ​ഹാ​രാ​ഷ്ട്ര: ഉ​ദ്ധ​വും പ​വാ​റും ഇ​നി എ​ന്തു​ചെ​യ്യും

മും​ബൈ: നി​യ​മ​സ​ഭ തെ​ര​ഞ്ഞെ​ടു​പ്പി​ലെ അ​പ്ര​തീ​ക്ഷി​ത തോ​ൽ​വി​യി​ൽ ഞെ​ട്ട​ൽ​മാ​റാ​തെ എ​ൻ.​സി.​പി-​എ​സ്.​പി അ​ധ്യ​ക്ഷ​ൻ ശ​ര​ദ്​ പ​വാ​റും ശി​വ​സേ​ന-​യു.​ബി.​ടി അ​ധ്യ​ക്ഷ​ൻ ഉ​ദ്ധ​വ്​ താ​ക്ക​റെ​യും. തെ​ര​ഞ്ഞെ​ടു​പ്പു ഫ​ലം അ​വി​ശ്വ​സ​നീ​യ​മെ​ന്ന്​ ഉ​ദ്ധ​വ്​ പ​റ​ഞ്ഞെ​ങ്കി​ലും​ പ​വാ​ർ ഇ​തു​വ​രെ പ്ര​തി​ക​രി​ച്ചി​ട്ടി​ല്ല.

90 സീ​റ്റി​ൽ മ​ത്സ​രി​ച്ച ശി​വ​സേ​ന-​യു.​ബി.​ടി​ക്ക്​ 20 സീ​റ്റും 86ൽ ​മ​ത്സ​രി​ച്ച എ​ൻ.​സി.​പി-​എ​സ്.​പി​ക്ക്​ 10 സീ​റ്റു​മേ​ ല​ഭി​ച്ചു​ള്ളൂ. മ​ത്സ​രി​ച്ച 53ൽ 41 ​സീ​റ്റു​നേ​ടി അ​ജി​ത്​ പ​വാ​റി​ന്റെ എ​ൻ.​സി.​പി​യും 80ൽ 57 ​സീ​റ്റു​നേ​ടി​ ഷി​ൻ​ഡെ​യു​ടെ ശി​വ​സേ​ന​യും ക​രു​ത്ത​രാ​യി. ഇ​തോ​ടെ ഉ​ദ്ധ​വി​ന്റെ​യും പ​വാ​റി​ന്റെ​യും രാ​ഷ്ട്രീ​യ​ഭാ​വി തു​ലാ​സി​ലാ​യി. മാ​ത്ര​മ​ല്ല; പ​വാ​റി​ന്റെ രാ​ജ്യ​സ​ഭ പ്ര​വേ​ശ​ന​വ​ഴി​യും മു​ട​ങ്ങി. അ​ദ്ദേ​ഹ​ത്തി​ന്റെ രാ​ജ്യ​സ​ഭ കാ​ലാ​വ​ധി 2026 ഏ​പ്രി​ലി​ൽ അ​വ​സാ​നി​ക്കും. വീ​ണ്ടും ജ​യി​പ്പി​ക്കാ​നു​ള്ള അം​ഗ​ബ​ലം പാ​ർ​ട്ടി​ക്ക് നി​യ​മ​സ​ഭ​യി​ൽ ഇ​ല്ല. എ​ങ്കി​ലും പ​വാ​റി​നെ ത​ള്ളി​ക്ക​ള​യു​ക എ​ളു​പ്പ​മ​ല്ല. വോ​ട്ട്​ ശ​ത​മാ​ന​ത്തി​ൽ അ​ജി​തി​നേ​ക്കാ​ൾ (9.01) പ​വാ​ർ (11.28) പ​ക്ഷ​മാ​ണ്​ മു​ന്നി​ൽ. പ്രാ​യോ​ഗി​ക രാ​ഷ്ട്രീ​യ​ത്തി​ന്റെ ചാ​ണ​ക്യ​നാ​ണ്​ പ​വാ​ർ. 2019ൽ ​ശി​വ​സേ​ന​യെ ഒ​പ്പം കൂ​ട്ടി കോ​ൺ​ഗ്ര​സു​മാ​യി ചേ​ർ​ന്ന്​ പ​വാ​ർ മ​ഹാ​വി​കാ​സ്​ അ​ഘാ​ഡി (എം.​വി.​എ) ഉ​ണ്ടാ​ക്കി അ​ധി​കാ​ര​ത്തി​ലെ​ത്തി​​യെ​ങ്കി​ലും ശി​വ​സേ​ന​യേ​യും എ​ൻ.​സി.​പി​യേ​യും പി​ള​ർ​ത്തി എം.​വി.​എ സ​ർ​ക്കാ​റി​നെ അ​ട്ടി​മ​റി​ച്ച്​ ബി.​ജെ.​പി ഭ​ര​ണം തി​രി​ച്ചു​പി​ടി​ച്ചു.

പാ​ർ​ട്ടി പേ​രും തെ​ര​ഞ്ഞെ​ടു​പ്പ്​ ചി​ഹ്ന​​ന​വും 41 എം.​എ​ൽ.​എ​മാ​രെ​യും ന​ഷ്ട​പ്പെ​ട്ടി​ട്ടും പ​വാ​ർ ത​ള​ർ​ന്നി​രു​ന്നി​ല്ല. പു​തു​ത​ല​മു​റ നേ​താ​ക്ക​ളു​ടെ കൈ​പി​ടി​ച്ച്​ 84 കാ​ര​ൻ പാ​ർ​ട്ടി​യെ വീ​ണ്ടും കെ​ട്ടി​പ്പ​ടു​ത്തു. ലോ​ക്​​സ​ഭ തെ​ര​ഞ്ഞെ​ടു​പ്പി​ൽ മ​ത്സ​രി​ച്ച 10 ൽ ​എ​ട്ടി​ലും പാ​ർ​ട്ടി​യെ ജ​യി​പ്പി​ച്ചു. 48 ലോ​ക്​​സ​ഭ സീ​റ്റി​ൽ എം.​വി.​എ 31ഉം ​പി​ടി​ച്ചു. പാ​ർ​ട്ടി പി​ള​ർ​ത്തി​യ ജ്യേ​ഷ്ഠ​പു​ത്ര​ൻ അ​ജി​ത്​ പ​വാ​റി​ന്റെ പാ​ർ​ട്ടി​യെ ഒ​ന്നി​ലൊ​തു​ക്കി.

എ​ന്നാ​ൽ, നി​യ​മ​സ​ഭ തെ​ര​ഞ്ഞെ​ടു​പ്പി​ൽ പ​വാ​റി​ന്റെ അ​ട​വു​ക​ളൊ​ന്നും കു​റി​ക്കു​കൊ​ണ്ടി​ല്ല. അ​ജി​ത്​ പ​ക്ഷ​വു​മാ​യി ഏ​റ്റു​മു​ട്ടി​യ 36ൽ 29 ​സീ​റ്റി​ലും തോ​റ്റു. മ​ഹാ​യു​തി​യു​ടെ ല​ഡ്​​കി ബെ​ഹ​ൻ പ​ദ്ധ​തി ത​രം​ഗ​ത്തി​ൽ പ​വാ​റും വീ​ണു. ഉ​ദ്ധ​വ്​ താ​ക്ക​റെ നേ​രി​ടു​ന്ന വെ​ല്ലു​വി​ളി​യും നി​സ്സാ​ര​മ​ല്ല. രാ​ജ്യ​ത്തെ മി​ക​ച്ച മു​ഖ്യ​മ​ന്ത്രി​മാ​രി​ൽ ഒ​രാ​ളാ​യി ഉ​ദ്ധ​വ്​ തി​ള​ങ്ങി​നി​ൽ​ക്കെ​യാ​ണ്​ പാ​ർ​ട്ടി പി​ള​ർ​ത്തി ഷി​ൻ​ഡെ മ​റു​ക​ണ്ടം ചാ​ടി​യ​ത്. പാ​ർ​ട്ടി പേ​രും ചി​ഹ്ന​വും സ്വ​ന്ത​മാ​ക്കു​ക​യും ചെ​യ്തു. ശ​ക്തി​കേ​ന്ദ്ര​മാ​യ മും​ബൈ​യി​ൽ മാ​ഹിം, വ​ർ​ളി, ബാ​ന്ദ്ര ഈ​സ്റ്റ്​ അ​ട​ക്കം 10 സീ​റ്റി​ൽ ജ​യി​ക്കാ​നാ​യെ​ങ്കി​ലും കൊ​ങ്ക​ണി​ൽ ഒ​രു സീ​റ്റ്​ മാ​ത്ര​മാ​ണ്​ ഉ​ദ്ധ​വി​ന്​ കി​ട്ടി​യ​ത്. ഏ​ക്​​നാ​ഥ്​ ഷി​ൻ​ഡെ പ​ക്ഷ​ത്തോ​ട്​ ഏ​റ്റു​മു​ട്ടി​യ 50ൽ 14 ​ഇ​ട​ത്തേ ഉ​ദ്ധ​വ്​ പ​ക്ഷ​ത്തി​ന്​ ജ​യി​ക്കാ​നാ​യു​ള്ളൂ. 36 സീ​റ്റ് ഷി​ൻ​ഡെ പി​ടി​ച്ചു. ബാ​ൽ താ​ക്ക​റെ​യു​ടെ രാ​ഷ്ട്രീ​യ പി​ൻ​ഗാ​മി​യാ​യി ജ​നം ത​ന്നെ അം​ഗീ​ക​രി​ച്ചെ​ന്നാ​ണ്​ ഷി​ൻ​ഡെ പ​റ​ഞ്ഞ​ത്. ശേ​ഷി​ച്ച നേ​താ​ക്ക​ളും അ​ണി​ക​ളും ചോ​രാ​തെ കാ​ക്കു​ക എ​ന്ന​താ​ണ്​ ഉ​ദ്ധ​വി​ന് മു​ന്നി​ലെ വ​ലി​യ വെ​ല്ലു​വി​ളി.