നാലാംഘട്ട ലോക്​ഡൗൺ ഇളവുകളുമായി വിവിധ സംസ്​ഥാനങ്ങൾ

ലഖ്​നോ/ചെന്നെ/മുംബൈ/ഡൽഹി:നാലാംഘട്ട ലോക്​ഡൗണിൽ ഇളവുകളുമായി വിവിധ സംസ്​ഥാനങ്ങൾ. ഡൽഹിയിലുള്ളവർക്ക്​ അയൽപ്രദേശങ്ങളായ നോയ്​ഡ, ഗാസിയാബാദ്​ എന്നിവിടങ്ങളിലേക്ക്​ യാത്ര ചെയ്യാൻ ഉത്തർപ്രദേശ്​ സർക്കാർ അനുമതി നൽകി. എന്നാൽ ലഖ്​നോയിലെ കോവിഡ്​ ഹോട്​സ്​പോട്ടിൽ കഴിയുന്നവർക്ക്​ ഇൗ പ്രദേശങ്ങളിലേക്ക്​ പ്രവേശനമില്ല.

ഇന്ത്യയിലെ ഏറ്റവും കൂടുതൽ ജനസാന്ദ്രതയേറിയ ഉത്തർപ്രദേശിൽ 4200 കോവിഡ്​ കേസുകളാണ്​ റിപ്പോർട്ട്​ ചെയ്​തത്​. ബസുകളും സ്വകാര്യവാഹനങ്ങളുമൊഴികെ സംസ്​ഥാനത്ത്​ യാത്ര അനുവദിക്കില്ല. റസ്​റ്റാറൻറുകളിൽ നിന്ന്​ ഹോം ഡെലിവറി സേവനം മാത്രം. അതേസമയം ബേക്കറി കടകൾ തുറന്നുപ്രവർത്തിക്കും. രോഗബാധയില്ലാത്ത മേഖലകളിൽ വ്യവസായങ്ങൾ പുനരാരംഭിക്കാം. ഒന്നിടവിട്ട ദിനങ്ങളി മാളുകൾ ഒഴികെയുള്ള സ്​ഥാപനങ്ങൾ പ്രവർത്തിപ്പിക്കാം. പച്ചക്കറിക്കടകൾ രാവിലെ ആറുമുതൽ ഒമ്പതുമണി വരെ മാ​ത്രം. 

തമിഴ്​നാട്ടിലെ ഗ്രാമീണമേഖലകളിൽ സലൂണുകൾ പ്രവർത്തിപ്പിക്കാൻ സർക്കാർ അനുമതി നൽകി. കർശന സാമൂഹിക അകലം പാലിച്ചായിരിക്കും പ്രവേശനം. ബാർബർമാർ മാസ്​ക്​ ധരിക്കലും കൈകൾ ഇടക്കിടെ അണുവിമുക്​തമാക്കലും നിർബന്ധമാണെന്നും സർക്കാർ പുറത്തിറക്കിയ ഉത്തരവിൽ പറയുന്നു. ബ്യൂട്ടിപാർലറുകൾ തുറക്കാൻ സർക്കാർ അനുമതി കാത്തിരിക്കയാണ്​ മറ്റുചിലർ. തമിഴ്​നാട്ടിൽ 11,200 പേർക്കാണ്​ കോവിഡ്​ സ്​ഥിരീകരിച്ചത്​. 

കോവിഡ്​ ഭീതിമായി വ്യാപിക്കുന്ന സാഹചര്യത്തിൽ നാലാംഘട്ട ലോക്​ഡൗൺ കർശനമാക്കാനാണ്​ മഹാരാഷ്​ട്ര സർക്കാരി​​െൻറ തീരുമാനം. അതെസമയം ഗ്രീൻ സോണുകളിൽ ചില ഇളവുകൾ നൽകും. ഗ്രീൻസോണുകളിലെ അരലക്ഷം വ്യവസായ കേന്ദ്രങ്ങൾ പ്രവർത്തിപ്പിക്കാൻ അനുമതി നൽകിയതായി മുഖ്യമന്ത്രി ഉദ്ദവ്​ താക്കറെ അറിയിച്ചു.

ലോക്​ഡൗൺ കർശനമാക്കിയാൽ മാത്രമേ കോവിഡ്​ വ്യാപനം തടയാൻ കഴിയൂ എന്നാണ്​ സർക്കാർ കരുതുന്നത്​. നിലവിൽ സംസ്​ഥാനത്ത്​ 35000ത്തിലേറെ പേർ രോഗബാധിതരാണ്​. 

ഡൽഹിയിൽ പൊതുഗതാഗതങ്ങൾക്കും ഷോപ്പിങ്​ കോംപ്ലക്​സുകളും മറ്റ്​ കടകളും തുറക്കാൻ അനുമതിയുണ്ട്​. വാക്​സിൻ കണ്ടുപിടിക്കുന്നതു വരെ വിപണി അടച്ചി​േടണ്ടതില്ലെന്നും ജനങ്ങൾ കോവിഡിനെ മനസിലാക്കി വേണം ജീവിക്കണമെന്നുമാണ്​ കെജ്​രീവാൾ സർക്കാരി​​െൻറ പക്ഷം