മഹാരാഷ്​ട്രയിൽ കോവിഡ്​ വ്യാപനം അതിരൂക്ഷം; നിയന്ത്രണങ്ങൾ മെയ്​ 15 വരെ നീട്ടി

മുംബൈ: മഹാരാഷ്​ട്രയിൽ കോവിഡ്​ വ്യാപനം അതിരൂക്ഷമായി തുടരുന്നതിനിടെ ലോക്​ഡൗൺ സമാനമായ നിയന്ത്രണങ്ങൾ മെയ്​ 15 വരെ നീട്ടി സർക്കാർ ഉത്തരവിറക്കി. മുഖ്യമന്ത്രി ഉദ്ധവ്​ താക്കറെയുടെ അധ്യക്ഷതയിൽ ചേർന്ന മന്ത്രിസഭാ യോഗത്തിൽ പ​ങ്കെടുത്ത മുഴുവൻ മന്ത്രിമാരും ലോക്​ഡൗൺ നീട്ടുന്നതിനെ അനുകൂലിച്ചു.

കോവിഡ്​ വ്യാപനത്തി​െൻറ പശ്​ചാത്തലത്തിൽ ഏപ്രിൽ നാലിനാണ്​ മഹാരാഷ്​ട്രയിൽ നിയന്ത്രണങ്ങൾ ഏർപ്പെടുത്തിയത്​. വാരാന്ത്യ ലോക്​ഡൗണും രാത്രികാലങ്ങളിൽ കർഫ്യുവുമായിരുന്നു ആദ്യം ഏർപ്പെടുത്തിയ നിയന്ത്രണങ്ങൾ. പിന്നീട്​ സ്വകാര്യ ഓഫീസുകൾ, തിയറ്ററുകൾ, സലൂൺ എന്നിവയുടെ പ്രവർത്തനം നിർത്തി. മൂന്നാംഘട്ടത്തിൽ പലചരക്ക്​, പച്ചക്കറി, പാൽ എന്നിവ വിൽക്കുന്ന കടകളോട്​ നാല്​ മണിക്കൂർ മാത്രം പ്രവർത്തിച്ചാൽ മതിയെന്നും സർക്കാർ നിർദേശിച്ചു.

അതേസമയം, മഹാരാഷ്​ട്രയിൽ കോവിഡ്​ വ്യാപനം ശമനമില്ലാതെ തുടരുകയാണ്​ 63,309 പേർക്കാണ്​ കഴിഞ്ഞ ദിവസം കോവിഡ്​ ബാധിച്ചത്​. 985 പേർ രോഗം ബാധിച്ച്​ മരിക്കുകയും ചെയ്​തു. 18 മുതൽ 44 വയസ്​ പ്രായമുള്ളവർക്കുള്ള കോവിഡ്​ വാക്​സിൻ വിതരണം സംസ്ഥാനത്ത്​ ആരംഭിക്കുന്നത്​ വൈകുമെന്ന സൂചനയും മഹാരാഷ്​ട്ര സർക്കാർ നൽകിയിട്ടുണ്ട്​.