തെപ്പക്കാട് ക്യാമ്പിൽ ആനയുടെ ആക്രമണത്തിൽ പാപ്പാൻ മരിച്ചു

ഗൂഡല്ലൂർ: മുതുമല കടുവ സങ്കേതത്തിലെ തെപ്പക്കാട് ക്യാമ്പിൽ ആനയുടെ ആക്രമണത്തിൽ പാപ്പാൻ മരിച്ചു. സി.എം ബാലൻ (54) എന്നയാളാണ് മരിച്ചത്. 16 വയസ്സുള്ള മസിനി പന്ന പെൺ ആനയാണ് ക്യാമ്പ് ഏരിയയിൽ വെച്ച് പാപ്പാനെ ആക്രമിച്ചത്.

ഉടൻ മറ്റു ആനകളുടെ പാപ്പാന്മാർ ഗൂഡല്ലൂർ സർക്കാർ ആശുപത്രിയിൽ എത്തിച്ചെങ്കിലും തലക്ക് ഗുരുതര പരിക്കേറ്റ ബാലൻ രാവിലെ ഒമ്പതരയോടെ മരിക്കുകയായിരുന്നു. ഇവിടെ ആനകളുടെ ആക്രമണത്തിൽ കൊല്ലപ്പെടുന്ന രണ്ടാമത്തെ പാപ്പാനാണ് ബാലൻ.