മേജർ അനാശാസ്യത്തിന്​ പിടിയിലായ സംഭവം; കുറ്റവാളിയെങ്കിൽ ശിക്ഷിക്കുമെന്ന് സേനാ മേധാവി

ശ്രീ​ന​ഗ​ര്‍: ക​ശ്മീ​രി​ല്‍ ക​ല്ലേ​റ് ചെ​റു​ക്കാ​ന്‍ യു​വാ​വി​നെ മ​നു​ഷ്യ​ക​വ​ച​മാ​ക്കി ജീ​പ്പി​ന് മു​ന്നി​ല്‍ കെ​ട്ടി​വെ​ക്കു​ക​വ​ഴി കു​പ്ര​സി​ദ്ധി​നേ​ടി​യ മേ​ജ​ര്‍ നി​തി​ന്‍ ലീ​തു​ല്‍ ഗൊ​ഗോ​യി​യെ അ​നാ​ശാ​സ്യത്തിനെത്തിയപ്പോൾ പിടികൂടിയ സംഭവത്തിൽ പ്രതികരണവുമായി കരസേനാ മേധാവി ബിപിൻ റാവത്ത്.

കുറ്റവാളിയാണെങ്കിൽ മാതൃകാപരമായി ശിക്ഷിക്കുമെന്ന് അദ്ദേഹം വ്യക്തമാക്കി. ഇന്ത്യൻ സൈന്യത്തിലെ  ഉദ്യോഗസ്ഥൻ എന്തെങ്കിലും കുറ്റകൃത്യത്തിൽ കുറ്റക്കാരനാണെന്ന് തെളിഞ്ഞാൽ തീർച്ചയായും കർക്കശമായ നടപടിയെടുക്കും. മേജർ ഗഗോയ് എന്തെങ്കിലും തെറ്റു ചെയ്തിട്ടുണ്ടെങ്കിൽ ശിക്ഷ നൽകുമെന്ന് ഞാൻ ഉറപ്പുതരുന്നു. പഹൽഗാമിലെ കരസേന ഗുഡ്വിൽ സ്കൂളിൽ എത്തിയപ്പോൾ മാധ്യമപ്രവർത്തകരോട് സംസാരിക്കുകയായിരുന്നു ബിപിൻ റാവത്ത്. അതേസമയം ജമ്മു-കശ്മീർ പോലീസ് സംഭവത്തിൽ അന്വേഷണം ആരംഭിച്ചിട്ടുണ്ട്.

ശ്രീ​ന​ഗ​റി​ന​ടു​ത്ത ദാ​ൽ​ഗേ​റ്റി​ലെ ‘ദ ​ഗ്രാ​ൻ​റ്​ മ​മ​ത’ ഹോ​ട്ട​ലി​ലാ​ണ്​ സം​ഭ​വം. അ​നാ​ശാ​സ്യം ആ​രോ​പി​ച്ച്​ നാ​ട്ടു​കാ​ർ പി​ടി​കൂ​ടി​യ ഇ​ദ്ദേ​ഹ​ത്തെ പൊ​ലീ​െ​സ​ത്തി ക​സ്​​റ്റ​ഡി​യി​ലെ​ടു​ക്കു​ക​യാ​യി​രു​ന്നു. പെ​ൺ​കു​ട്ടി​യും മ​റ്റൊ​രാ​ളും സ​ഹി​തം ഹോ​ട്ട​ലി​ലെ​ത്തി​യ ​െഗാ​ഗോ​യ്​ ഹോ​ട്ട​ൽ ജീ​വ​ന​ക്കാ​രു​മാ​യി ബ​ഹ​ളം​വെ​ച്ച​തി​നെ തു​ട​ർ​ന്ന്​ പ്ര​ദേ​ശ​വാ​സി​ക​ൾ ഹോ​ട്ട​ലി​ൽ ത​ടി​ച്ചു​കൂ​ടു​ക​യും പൊ​ലീ​സി​നെ വി​ളി​ച്ചു​വ​രു​ത്തു​ക​യു​മാ​യി​രു​ന്നു. ആ​ളെ തി​രി​ച്ച​റി​ഞ്ഞ പൊ​ലീ​സ്​ പി​ന്നീ​ട്​ കേ​സെ​ടു​ത്ത്​ ​ഗൊ​ഗോ​യി​യെ വി​ട്ട​യ​ച്ചു. ബു​ദ്​​ഗാം ഗ്രാ​മ​ത്തി​ലെ സ​മീ​ർ അ​ഹ്​​മ​ദ്​ എ​ന്ന​യാ​ളു​ടെ കൂ​ടെ ഹോ​ട്ട​ലി​ലെ​ത്തി​യ പെ​ൺ​കു​ട്ടി​ക്ക്​ പ്രാ​യ​പൂ​ർ​ത്തി​യാ​യി​ട്ടി​ല്ലെ​ന്ന്​ നാ​ട്ടു​കാ​ർ ആ​രോ​പി​ച്ചിരുന്നു.

2017 ഏ​പ്രി​ലി​ൽ നാ​ട്ടു​കാ​രു​ടെ ക​ല്ലേ​റി​നെ പ്ര​തി​രോ​ധി​ക്കാ​ൻ ബു​ദ്​​ഗാ​മി​ലെ ഖാ​ന്‍സാ​ഹി​ബ് സ്വ​ദേ​ശി ഫാ​റൂ​ഖ് അ​ഹ്​​മ​ദ് ധ​ര്‍ എ​ന്ന യു​വാ​വി​നെ സേ​നാ​വാ​ഹ​ന​ത്തി​നു മു​ന്നി​ല്‍ ഗൊ​ഗോ​യി​യു​ടെ ഉ​ത്ത​ര​വ​നു​സ​രി​ച്ച്​ കെ​ട്ടി​യി​ട്ട​തി​​​​​​െൻറ വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ല്‍ വൈ​റ​ലാ​യി​രു​ന്നു.  സൈ​ന്യ​ത്തി​​​​​​െൻറ ന​ട​പ​ടി വ​ൻ വി​വാ​ദ​മാ​യ​തി​നെ തു​ട​ര്‍ന്ന് പൊ​ലീ​സ് കേ​സെ​ടു​ത്തെ​ങ്കി​ലും പി​ന്നീ​ട്​ ക്ലീ​ൻ​ചി​റ്റ്​ ന​ൽ​കി ഇ​ദ്ദേ​ഹ​ത്തെ സൈ​ന്യം ആ​ദ​രി​ക്കു​ക​യാ​യി​രു​ന്നു.