മലബാർ നാവിക അഭ്യാസം രണ്ടുഘട്ടങ്ങളിലായി നവംബറിൽ

ന്യൂഡൽഹി: മലബാർ നാവിക അഭ്യാസം രണ്ടുഘട്ടങ്ങളിലായി നവംബറിൽ നടക്കും. ഇന്ത്യ, യു.എസ്​, ജപ്പാൻ, ആസ്​ട്രേലിയ എന്നീ രാജ്യങ്ങൾ സംയുക്തമായി നടത്തുന്ന അഭ്യാസ പ്രകടനത്തിൽ നാവിക സേനയുടെ പുത്തൻ സാ​േങ്കതികവിദ്യകളും യുദ്ധോപകരണങ്ങളും അണിനിരക്കും. ആദ്യഘട്ടം നവംബർ മൂന്നുമുതൽ ആറുവരെ വിശാഖപട്ടണത്ത്​ ബംഗാൾ ഉൾ​ക്കടലിൽ നടക്കും. മലബാർ നാവിക അഭ്യാസത്തി​െൻറ 24ാംപതിപ്പാണ്​ രണ്ടുഘട്ടങ്ങളിലായി നടക്കുകയെന്നും നാവിക ​സേന അറിയിച്ചു.

കോവിഡ്​ 19​െൻറ സാഹചര്യത്തിൽ സമ്പർക്കം ഒഴിവാക്കി കടലിൽ മാത്രമാകും അഭ്യാസപ്രകടനം. നാലുരാജ്യങ്ങളും ഇതാദ്യമായാണ്​ സംയുക്തമായി അണിനിരക്കുന്നത്​. ഇന്തോ പസഫിക്​ മേഖലയിൽ വർധിച്ചുവരുന്ന ചൈനീസ്​ സാന്നിധ്യത്തിന്​ പിന്ന​ാലെയാണ്​ സംയുക്ത അഭ്യാസ പ്രകടനം. ഒന്നാംഘട്ടത്തിൽ ഇന്ത്യൻ നാവിക സേനയുടെ അഭ്യാസപ്രകടങ്ങൾ ഇൗസ്​റ്റേൺ ഫ്ലീറ്റ്​ കമാൻഡിങ്​ ഫ്ലാഗ്​ ഒാഫിസർ റിയർ അഡ്​മിറൽ സഞ്​ജയ്​ വാത്​സായൻ നയിക്കും. ഇന്ത്യൻ നാവിക സേനയുടെ കരുത്തുറ്റതും നൂതനവുമായ ​സാ​േങ്കതിക വിദ്യകളും യുദ്ധ ഉപകരണങ്ങളും കപ്പലുകളും ഹെലികോപ്​ടറുകളും അണിനിരക്കും.

നവംബർ പകുതിയോടെയാകും മലബാർ അഭ്യാസത്തി​െൻറ രണ്ടാംഘട്ടം. അറേബ്യൻ സിറ്റിയിലാകും പ്രകടനം. ചൈനയുടെ ദക്ഷിണഭാഗത്ത്​ കടലിൽ 1.3 ദശലക്ഷം ചതുരശ്ര കിലോമീറ്റർ ചൈനയുടേതാണെന്ന്​ അവകാശപ്പെട്ടിരുന്നു. ചൈന സമുദ്രത്തിൽ നിർമിത ദ്വീപുകളിൽ മിലിട്ടറി കേന്ദ്രങ്ങൾ നിർമിക്കുന്നുണ്ടെന്ന്​ മലേഷ്യ, ഫിലിപ്പീൻസ്​, തായ്​വാൻ, വിയറ്റ്​നാം തുടങ്ങിയവയും വ്യക്തമാക്കിയിരുന്നു.