മാലേഗാവ്​ സ്​ഫോടനം: ​പ്രഗ്യ സിങ്​ താക്കൂർ കോടതിയി​ൽ ഹാജരാവില്ല; എയിംസിൽ പ്രവേശിപ്പിച്ചു

ഭോപ്പാൽ: മാലേഗാവ്​ സ്​ഫോടനകേസിൽ ബി.ജെ.പി എം.പി പ്രഗ്യ സിങ്​ താക്കൂർ കോടതിയിൽ ഹാജരാവില്ല. ആരോഗ്യപരിശോധനക്കായി ​എയിംസിൽ പ്രവേശിപ്പിച്ചിരിക്കുന്നതിൽ പ്രഗ്യ ഹാജരാവില്ലെന്നാണ്​ വാർത്തകൾ​.

കോടതിയിൽ ഹാജരാവാൻ പ്രഗ്യ എത്തുന്നതിന്​ മുന്നോടിയായി അവർക്കായി മുറി ഉൾപ്പടെ ബുക്ക്​ ചെയ്​തിരുന്നുവെന്ന്​ അഭിഭാഷകൻ ജെ.പി മിശ്ര പറഞ്ഞു. 18ാം തീയതി മും​ബൈയിലെത്തി 19ാം തീയതി കോടതിയിൽ ഹാജരാവാനായിരുന്നു ഉദ്ദേശം. എന്നാൽ, അതിനിടെ എയിംസിൽ പതിവ്​ പരിശോധനകൾ നടത്തണമെന്ന്​ ഡോക്​ടർമാർ അറിയിക്കുകയായിരുന്നുവെന്ന്​ ജെ.പി മിശ്ര വ്യക്​തമാക്കി.

കോടതിയിൽ നേരിട്ട്​ ഹാജരാവാൻ പ്രഗ്യ സിങ്​ താക്കൂർ ഉൾപ്പടെയുള്ള ബി.ജെ.പി നേതാക്കൾക്ക്​ എൻ.ഐ.എ കോടതി സമൻസയച്ചിരുന്നു. ഡിസംബറിൽ ഹാജരാവാൻ ആവശ്യപ്പെട്ട്​ ഇവർക്ക്​ സമൻസ്​ നൽകിയെങ്കിലും പ്രഗ്യ ഉൾപ്പടെ നാല്​ പേർ കോടതിയിലെത്തിയിരുന്നില്ല. തുടർന്നാണ്​ 19ന്​ ഹാജരാവാൻ ആവശ്യപ്പെട്ട്​ വീണ്ടും സമൻസ്​ നൽകിയത്​.