മാലേഗാവ് സ്ഫോടനക്കേസില്‍ ഇന്ന് കുറ്റം ചുമത്തിയേക്കും

മും​ബൈ: 2008ലെ ​മാ​ലേ​ഗാ​വ് സ്ഫോ​ട​ന​ക്കേ​സി​ല്‍ പ്ര​തി​ക​ൾ​ക്കെ​തി​രെ പ്ര​ത്യേ​ക എ​ൻ.​ഐ.​എ കോ​ട​തി ബു​ധ​നാ​ഴ്ച കു​റ്റം ചു​മ​ത്തി​യേ​ക്കും. തെ​ളി​വു​ക​ള്‍ ഇ​ല്ലാ​ത്ത​തി​നാ​ല്‍ സാ​ധ്വി പ്ര​ജ്​​ഞ സി​ങ് ഠാ​കു​ര്‍ ഉ​ൾ​പ്പെ​ടെ ആ​റു പേ​രെ ഒ​ഴി​വാ​ക്ക​ണ​മെ​ന്ന എ​ൻ.​ഐ.​എ​യു​ടെ വാ​ദം കോ​ട​തി അം​ഗീ​ക​രി​ക്കു​മോ എ​ന്നും ബു​ധ​നാ​ഴ്ച അ​റി​യാം. ആ​ദ്യം മ​ഹാ​രാ​ഷ്​​ട്ര എ.​ടി.​എ​സും പി​ന്നീ​ട് എ​ൻ.​ഐ.​എ​യും അ​ന്വേ​ഷി​ച്ച കേ​സാ​ണി​ത്. 

സാ​ധ്വി പ്ര​ജ്​​ഞ സി​ങ് ഠാ​കു​ര്‍, സ​ന്യാ​സി ദ​യാ​ന​ന്ദ് പാ​ണ്ഡെ, ല​ഫ്. കേ​ണ​ല്‍ ശ്രീ​കാ​ന്ത് പു​രോ​ഹി​ത്, റി​ട്ട. മേ​ജ​ര്‍ ര​മേ​ശ് ഉ​പാ​ധ്യാ​യ്​ എ​ന്നി​വ​ര​ട​ക്കം 11 പേ​ര്‍ക്കെ​തി​രെ മ​കോ​ക, യു.​എ.​പി.​എ, ഐ.​പി.​സി നി​യ​മ​ങ്ങ​ളി​ലെ വി​വി​ധ വ​കു​പ്പു​ക​ള്‍ ചു​മ​ത്തി​യാ​ണ് എ.​ടി.​എ​സ് കു​റ്റ​പ​ത്രം സ​മ​ര്‍പ്പി​ച്ച​ത്. എ​ന്നാ​ൽ, പി​ന്നീ​ട് കേ​സ് ഏ​റ്റെ​ടു​ത്ത എ​ൻ.​ഐ.​എ പ്ര​ജ്​​ഞ സി​ങ് അ​ട​ക്കം ആ​റു പേ​ര്‍ക്കെ​തി​രെ എ.​ടി.​എ​സ് ക​ണ്ടെ​ത്തി​യ തെ​ളി​വു​ക​ൾ പ​ര്യാ​പ്​​ത​മ​ല്ലെ​ന്ന്​ പ​റ​ഞ്ഞ്​ രോ​ഹി​ത് അ​ട​ക്കം ശേ​ഷി​ച്ച പ്ര​തി​ക​ൾ​ക്കെ​തി​രെ​യാ​ണ് കു​റ്റ​പ​ത്രം ന​ല്‍കി​യ​ത്. പ്ര​ജ്​​ഞ അ​ട​ക്ക​മു​ള്ള​വ​ർ ജാ​മ്യ​ത്തി​ലാ​ണെ​ങ്കി​ലും കോ​ട​തി ഇ​വ​ര്‍ക്ക്  ക്ലീ​ന്‍ചി​റ്റ്​ ന​ല്‍കി​യി​ട്ടി​ല്ല.