മലേഗാവ്​ സ്​ഫോടനം: യു.എ.പി.എ ഒഴിവാക്കണമെന്ന ആവശ്യത്തിൽ എൻ.​െഎ.എക്ക്​ നോട്ടീസ്​

ന്യൂഡൽഹി: മലേഗാവ്​ സ്​ഫോടനക്കേസിൽ സുപ്രീംകോടതി എൻ.​​െഎ.എക്കും മഹാരാഷ്​ട്ര സർക്കാറിനും നോട്ടീസ്​ അയച്ചു. യു.എ.പി.എ കേസുകളിൽ നിന്ന്​ ഒഴിവാക്കണമെന്ന്​ ആവശ്യപ്പെട്ട്​ കേണൽ ശ്രീകാന്ത്​ പുരോഹിത്​ നൽകിയ അപ്പീലിൽ വാദം കേട്ട ശേഷമാണ്​ സുപ്രീംകോടതി ​നോട്ടീസ്​ അയച്ചത്​. 

പ്രത്യേക എൻ.​െഎ.എ കോടതി ഹരജി തള്ളിയതിനെ തുടർന്നാണ്​ പുരോഹിത്​ സുപ്രീംകോടതിയിൽ അപ്പീൽ നൽകിയത്​. പുരോഹിതിനും മറ്റുള്ളവർക്കുമെതിരെ മകോക (മഹാരാഷ്​ട്ര കൺട്രോൾ ഒാഫ്​ ഒാർഗനൈസ്​ഡ്​ ക്രൈം ആക്​ട്​ ) ചുമത്തിയതിൽ നിന്ന്​ പ്രത്യേക കോടതി മോചിപ്പിച്ചിരുന്നെങ്കിലും യു.എ.പി.എ (അൺലോഫുൾ ആക്​ടിവിറ്റീസ്​ പ്രിവൻഷൻ ആക്​ട്​) ഒഴിവാക്കിയിരുന്നില്ല. അതിനെതിരെയാണ്​ അപ്പീൽ നൽകിയത്​.

2008ലെ മാലേഗാവ്​ സ്​ഫോടനക്കേസ്​ പ്രതികളായ പുരോഹിത്​, സ്വാധി പ്രജ്​ഞ താക്കൂർ, രമേഷ്​ ഉപാധ്യായ, അജയ്​ രഹികർ എന്നിവരെ കഴിഞ്ഞ ഡിസംബറിലാണ്​ ​മകോകയിൽ നിന്ന്​ പ്രത്യേക കോടതി ഒഴിവാക്കിയത്​. 

യു.എ.പി.എയുടെ 13, 17, 20 വകുപ്പ​ുകളും ഒഴിവാക്കിയിരുന്നു. ഇവർക്കെതിരെ യു.എ.പി.എയുടെ 18ാം വകുപ്പ്​ പ്രകാരം ഗൂഢാലോചന കുറ്റമാണ്​ ചുമത്തിയിരുന്നത്​.