മോ​ദി​യുടെ കസേര ഇളകിത്തുടങ്ങിയെന്ന് ഖാർ​ഗെ

ന്യൂ​ഡ​ൽ​ഹി: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കെ​തി​രെ രൂ​ക്ഷ വി​മ​ർ​ശ​ന​വു​മാ​യി കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ ‘എ​ക്സ്’ കു​റി​പ്പ്. വോ​ട്ടെ​ടു​പ്പി​ന്റെ മൂ​ന്ന് ഘ​ട്ട​ങ്ങ​ൾ ക​ഴി​ഞ്ഞ​​പ്പോ​ൾ മോ​ദി​യു​ടെ ക​സേ​ര ഇ​ള​കി​ത്തു​ട​ങ്ങി​യെ​ന്നാ​ണ് മ​ന​സ്സി​ലാ​കു​ന്ന​തെ​ന്നും അ​തു​കൊ​ണ്ടാ​ണ് ​അ​ദ്ദേ​ഹം സ്വ​ന്തം ‘കൂ​ട്ടു​കാ​ർ’​ക്കെ​തി​രെ​പ്പോ​ലും തി​രി​യു​ന്ന​തെ​ന്നും സ​മൂ​ഹ​മാ​ധ്യ​മ​മാ​യ ‘എ​ക്സി’​ൽ ഹി​ന്ദി​യി​ലെ​ഴു​തി​യ കു​റി​പ്പി​ൽ വി​മ​ർ​ശി​ച്ചു.

തെ​ല​ങ്കാ​ന​യി​ൽ ന​ട​ത്തി​യ തെ​ര​ഞ്ഞെ​ടു​പ്പ് റാ​ലി​യി​ൽ രാ​ഹു​ൽ ഗാ​ന്ധി​യെ വി​മ​ർ​ശി​ക്ക​വെ, എ​ന്തു​കൊ​ണ്ട് ‘ഷെ​ഹ്സാ​ദ’ (രാ​ഹു​ലി​നെ അ​ദ്ദേ​ഹം സം​ബോ​ധ​ന ചെ​യ്ത​ത്) ഇ​പ്പോ​ൾ ‘അ​ദാ​നി-​അം​ബാ​നി’ വി​ഷ​യം ഉ​യ​ർ​ത്താ​ത്ത​തെ​ന്നും അ​വ​രു​മാ​യി എ​ന്തെ​ങ്കി​ലും ധാ​ര​ണ​യു​ണ്ടാ​യോ എ​ന്നും ചോ​ദി​ച്ചി​രു​ന്നു. പ്ര​ചാ​ര​ണ​ത്തി​ൽ സ്വ​ന്തം കൂ​ട്ടു​കാ​ർ​ക്കെ​തി​രെ​പോ​ലും മോ​ദി തി​രി​യ​ണ​മെ​ങ്കി​ൽ തെ​ര​ഞ്ഞെ​ടു​പ്പ് ട്രെ​ൻ​ഡ് എ​ങ്ങോ​ട്ടാ​ണെ​ന്ന് വ്യ​ക്ത​മാ​ണെ​ന്നും ഖാ​ർ​ഗെ പ​റ​ഞ്ഞു. ‘കാ​ലം മാ​റി. സു​ഹൃ​ത്തു​ക്ക​ൾ എ​ല്ലാ​യ്പോ​ഴും സു​ഹൃ​ത്തു​ക്ക​ളാ​യി​ക്കൊ​ള്ള​ണ്ണ​മെ​ന്നി​ല്ല. ഇ​പ്പോ​ൾ സ്വ​ന്തം കൂ​ട്ടു​കാ​രെ അ​ദ്ദേ​ഹം ആ​ക്ര​മി​ക്ക​ണ​മെ​ങ്കി​ൽ അ​തി​ന​ർ​ഥം ആ ​ക​സേ​ര ഇ​ള​കി​ത്തു​ട​ങ്ങി​യെ​ന്നു​ത​ന്നെ​യാ​ണ്’- ഖാ​ർ​ഗെ കു​റി​ച്ചു.

തെ​ല​ങ്കാ​ന പ്ര​സം​ഗ​ത്തി​നെ​തി​രെ ​ ജ​യ്റാം ര​മേ​ശും രം​ഗ​ത്തെ​ത്തി. മോ​ദി​ക്ക് ഇ​പ്പോ​ൾ അ​ദ്ദേ​ഹ​ത്തി​ന്റെ നി​ഴ​ലി​നെ​പ്പോ​ലും ഭ​യ​മാ​ണെ​ന്ന് അ​ദ്ദേ​ഹം എ​ക്സി​ൽ കു​റി​ച്ചു. സ്വ​ന്തം നി​ഴ​ലി​ന്റെ പ​ശ്ചാ​ത്ത​ല​ത്തി​ലു​ള്ള മോ​ദി ചി​ത്ര​ത്തോ​ടൊ​പ്പ​മാ​യി​രു​ന്നു പോ​സ്റ്റ്. 8200 കോടി ഇലക്ടറൽ ബോണ്ട് വാങ്ങിയ ഒരു പാർട്ടിയുടെ നേതാവ് അതേ ആരോപണം മറ്റുള്ളവർക്കുനേരെ ഉന്നയിക്കുന്നത് പരിഹാസ്യമാണെന്നും അദ്ദേഹം പറഞ്ഞു.

വിദ്വേഷ പ്രസംഗം: മോദിക്കെതിരെ കോൺഗ്രസ് ഹൈകോടതിയിൽ

ചെ​ന്നൈ: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ വി​ദ്വേ​ഷ പ്ര​സം​ഗ​ങ്ങ​ളി​ൽ വി​ശ​ദീ​ക​ര​ണം തേ​ടി നോ​ട്ടീ​സ് ന​ൽ​കാ​ൻ തെ​ര​ഞ്ഞെ​ടു​പ്പ് ക​മീ​ഷ​നോ​ട് നി​ർ​ദേ​ശി​ക്ക​ണ​മെ​ന്നാ​വ​ശ്യ​പ്പെ​ട്ട് ത​മി​ഴ്‌​നാ​ട് കോ​ൺ​ഗ്ര​സ് ക​മ്മി​റ്റി മ​ദ്രാ​സ് ഹൈ​കോ​ട​തി​യെ സ​മീ​പി​ച്ചു. പി.​സി.​സി അ​ധ്യ​ക്ഷ​ൻ കെ. ​ശെ​ൽ​വ​പെ​രു​ന്ത​കൈ എം.​എ​ൽ.​എ​യാ​ണ് ഹ​ര​ജി ന​ൽ​കി​യ​ത്.