അംബേദ്​കർക്കും അബുൽകലാം ആസാദിനും ആദരമർപ്പിച്ച്​ ഖാർഗെ

ന്യൂഡൽഹി: കോൺഗ്രസ്​ പ്രസിഡന്‍റായി സ്ഥാനമേറ്റതിനു പിന്നാലെ ഭരണഘടന ശിൽപി ബി.ആർ. അംബേദ്​കർ, പ്രഥമ വിദ്യാഭ്യാസ മന്ത്രി അബുൽകലാം ആസാദ്​ എന്നിവരുടെ സ്മാരകങ്ങൾ സന്ദർശിച്ച്​ ആദരമർപ്പിച്ച്​ മല്ലികാർജുൻ ഖാർഗെ.

'മതത്തിൽ ഭക്​തി നിർവാണത്തിലേക്കുള്ള പാതയാകാം. എന്നാൽ രാഷ്ട്രീയത്തിൽ ഭക്​തിയും ആരാധനയും നാശത്തിലേക്കും സ്വേഛാധിപത്യത്തിലേക്കുമുള്ള വഴിയാണ്​ -സന്ദർശനത്തിന്​ ശേഷം ഖാർഗെ ട്വിറ്ററിൽ പറഞ്ഞു.

സ്ഥാനമേൽക്കുന്നതിനു മുമ്പ്​ മഹാത്​മഗാന്ധി, ​ജവഹർലാൽ നെഹൃ, ലാൽബഹാദൂർ ശാസ്ത്രി, ഇന്ദിരഗാന്ധി, രാജീവ്​ ഗാന്ധി, ജഗ്​ജീവൻ റാം എന്നിവർക്ക്​ ഖാർഗെ ആദരമർപ്പിച്ചിരുന്നു.