പാർലമെന്റ് സ്തംഭിപ്പിച്ച് ഭരണകക്ഷി; ജ​ഡ്ജി​യു​ടെ വീ​ട്ടി​ലെ പ​ണ​ക്കൂ​മ്പാ​രം ച​ർ​ച്ച ചെ​യ്യു​ന്ന​​ത് ഒ​ഴി​വാ​ക്കാ​ൻ ശ്ര​ദ്ധ​തെ​റ്റി​ക്കു​ക​യാ​ണെ​ന്ന് ഖാ​ർ​ഗെ

ന്യൂ​ഡ​ൽ​ഹി: മു​സ്‍ലിം​ക​ൾ​ക്ക് സം​വ​ര​ണം ന​ൽ​കാ​ൻ കോ​ൺ​ഗ്ര​സ് ഭ​ര​ണ​ഘ​ട​ന മാ​റ്റാ​ൻ പോ​കു​ക​യാ​ണെ​ന്ന് പ​റ​ഞ്ഞ് മ​ന്ത്രി​മാ​രു​ടെ നേ​തൃ​ത്വ​ത്തി​ൽ ബി.​ജെ.​പി എം.​പി​മാ​ർ പാ​ർ​ല​മെ​ന്റി​ന്റെ ഇ​രു​സ​ഭ​ക​ളും സ്തം​ഭി​പ്പി​ച്ചു. മു​സ്‍ലിം സം​വ​ര​ണ​ത്തി​നാ​യി ഭ​ര​ണ​ഘ​ട​ന മാ​റ്റു​മെ​ന്ന് ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ പ​റ​ഞ്ഞു​വെ​ന്ന് ആ​രോ​പി​ച്ചാ​ണ് മ​ന്ത്രി​മാ​രാ​യ ജെ.​പി. ന​ഡ്ഡ, കി​ര​ൺ റി​ജി​ജു എ​ന്നി​വ​രു​ടെ നേ​തൃ​ത്വ​ത്തി​ൽ ബി.​ജെ.​പി എം.​പി​മാ​ർ ലോ​ക്സ​ഭ​യും രാ​ജ്യ​സ​ഭ​യും ബ​ഹ​ളം​വെ​ച്ച് സ്തം​ഭി​പ്പി​ച്ച​ത്. ക​ർ​ണാ​ട​ക​യി​ൽ പി​ന്നാ​ക്ക വി​ഭാ​ഗ​ത്തി​നു​ള്ള സം​വ​ര​ണ​ത്തി​ൽ മു​സ്‍ലിം​ക​ളെ ഉ​ൾ​പ്പെ​ടു​ത്തു​ന്ന​ത് എ​തി​ർ​ക്കു​ന്ന ബി.​ജെ.​പി ഗു​ജ​റാ​ത്തി​ൽ ന​രേ​ന്ദ്ര മോ​ദി മു​ഖ്യ​മ​ന്ത്രി​യാ​യ​പ്പോ​ൾ മു​സ്‍ലിം​ക​ളെ പി​ന്നാ​ക്ക വി​ഭാ​ഗ​ത്തി​ൽ ഉ​ൾ​പ്പെ​ടു​ത്തി​യ​തി​ന് മ​റു​പ​ടി പ​റ​യ​ണ​മെ​ന്ന് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ ആ​വ​ശ്യ​പ്പെ​ട്ടു.

ഡ​ൽ​ഹി ഹൈ​കോ​ട​തി ജ​ഡ്ജി​യു​ടെ വീ​ട്ടി​ൽ​നി​ന്ന് പ​ണ​ക്കൂ​മ്പാ​രം കി​ട്ടി​യ​ത് പാ​ർ​ല​മെ​ന്റി​ൽ ച​ർ​ച്ച ചെ​യ്യു​ന്ന​​ത് ഒ​ഴി​വാ​ക്കാ​ൻ വ്യാ​ജ ആ​രോ​പ​ണ​മു​ന്ന​യി​ച്ച് ശ്ര​ദ്ധ​തെ​റ്റി​ക്കു​ക​യാ​ണ് ന​ഡ്ഡ​യും റി​ജി​ജു​വു​മെ​ന്നും ഖാ​ർ​ഗെ കു​റ്റ​പ്പെ​ടു​ത്തി. വ്യാ​ജ ആ​രോ​പ​ണ​മു​ന്ന​യി​ച്ച് പാ​ർ​ല​മെ​ന്റി​നെ തെ​റ്റി​ദ്ധ​രി​പ്പി​ച്ച​തി​ന് ഇ​രു​വ​ർ​ക്കു​മെ​തി​രെ കോ​ൺ​ഗ്ര​സ് അ​വ​കാ​ശ ലം​ഘ​ന​ത്തി​ന് നോ​ട്ടീ​സ് ന​ൽ​കു​ക​യും ചെ​യ്തു.

ബി.​ജെ.​പി എം.​പി​മാ​രു​ടെ ​ബ​ഹ​ള​ത്തി​ൽ രാ​ജ്യ​സ​ഭ ആ​ദ്യം 12 മ​ണി​വ​രെ നി​ർ​ത്തി​വെ​ച്ചു. വീ​ണ്ടും സ​ഭ ചേ​ർ​ന്ന​പ്പോ​ൾ രാ​ജ്യ​സ​ഭ​യി​ൽ ബി.​ജെ.​പി ദേ​ശീ​യ അ​ധ്യ​ക്ഷ​ൻ​കൂ​ടി​യാ​യ മ​ന്ത്രി ന​ഡ്ഡ​യാ​ണ് മു​സ്‍ലിം സം​വ​ര​ണ​ത്തി​നാ​യി കോ​ൺ​ഗ്ര​സ് ഭ​ര​ണ​ഘ​ട​ന മാ​റ്റു​ക​യാ​ണെ​ന്ന് ആ​രോ​പി​ച്ച​ത്. ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ നി​യ​മ​സ​ഭ​യി​ൽ പ​റ​ഞ്ഞ​താ​ണി​തെ​ന്നും ന​ഡ്ഡ അ​വ​കാ​ശ​​പ്പെ​ട്ട​തോ​ടെ ബി.​ജെ.​പി എം.​പി​മാ​ർ സ​ഭ ഒ​രി​ക്ക​ൽ​കൂ​ടി സ്തം​ഭി​പ്പി​ച്ചു. തു​ട​ർ​ന്ന് സ​ഭ ര​ണ്ട് മ​ണി​വ​രെ നി​ർ​ത്തി​വെ​ച്ച് വീ​ണ്ടും തു​ട​ങ്ങി​യ​പ്പോ​ൾ ന​ഡ്ഡ ആ​രോ​പ​ണം ആ​വ​ർ​ത്തി​ച്ചു.

എ​ന്നാ​ൽ, ശി​വ​കു​മാ​ർ പ​റ​യാ​ത്ത കാ​ര്യ​മാ​ണ് ന​ഡ്ഡ ആ​രോ​പി​ക്കു​ന്ന​തെ​ന്ന് പ​റ​ഞ്ഞ രാ​ജ്യ​സ​ഭാ പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ ആ​ർ.​എ​സ്.​എ​സും ബി.​ജെ.​പി​യു​മാ​ണ് ഭ​ര​ണ​ഘ​ട​ന മാ​റ്റാ​ൻ നോ​ക്കു​ന്ന​തെ​ന്നും അ​ത് ന​ട​ക്കി​ല്ലെ​ന്നും പ​റ​ഞ്ഞു. വ്യാ​ജ ആ​രോ​പ​ണ​മു​ന്ന​യി​ച്ച ന​ഡ്ഡ മാ​പ്പു​പ​റ​യ​ണ​മെ​ന്ന് ആ​വ​ശ്യ​പ്പെ​ട്ട് കോ​ൺ​ഗ്ര​സ് എം.​പി​മാ​ർ എ​ഴു​ന്നേ​റ്റ​തോ​ടെ ഭ​ര​ണ- പ്ര​തി​പ​ക്ഷ എം.​പി​മാ​ർ ത​മ്മി​ൽ മു​ദ്രാ​വാ​ക്യം വി​ളി​ക​ളാ​യി.

ലോ​ക്സ​ഭ​യി​ൽ രാ​വി​ലെ 11 മ​ണി​ക്ക് ബി.​ജെ.​പി എം.​പി​മാ​ർ മു​ദ്രാ​വാ​ക്യം വി​ളി​ക​ളു​മാ​യി എ​ഴു​ന്നേ​റ്റ​യു​ട​ൻ​ത​ന്നെ സ്പീ​ക്ക​ർ ഓം ​ബി​ർ​ള 12 മ​ണി​വ​രെ സ​ഭ നി​ർ​ത്തി​വെ​ച്ചു. തു​ട​ർ​ന്ന് 12 മ​ണി​ക്ക് സ്പീ​ക്ക​ർ​ക്ക് പ​ക​രം ചെ​യ​റി​ലെ​ത്തി​യ ബി.​ജെ.​പി നേ​താ​വ് ജ​ഗ​ദാം​ബി​കാ പാ​ൽ ന്യൂ​ന​പ​ക്ഷ മ​ന്ത്രി കി​ര​ൺ റി​ജി​ജു​വി​നെ സം​സാ​രി​ക്കാ​ൻ വി​ളി​ച്ചു. ഭ​ര​ണ​ഘ​ട​ന സം​ര​ക്ഷി​ക്കു​മെ​ന്ന് പ​റ​ഞ്ഞ് രാ​ഹു​ൽ ഗാ​ന്ധി അ​തും കൈ​യി​ലേ​ന്തി ന​ട​ക്കു​മ്പോ​ൾ മു​സ്‍ലിം​ക​ൾ​ക്ക് സം​വ​ര​ണം ന​ൽ​കാ​ൻ അം​ബേ​ദ്ക​ർ ന​ൽ​കി​യ ഭ​ര​ണ​ഘ​ട​ന മാ​റ്റാ​നാ​ണ് കോ​ൺ​ഗ്ര​സ് നീ​ക്ക​മെ​ന്ന് റി​ജി​ജു ആ​രോ​പി​ച്ചു.

1947ൽ ​മു​സ്‍ലിം ലീ​ഗ് മു​സ്‍ലിം സം​വ​ര​ണ ആ​വ​ശ്യ​മു​ന്ന​യി​ച്ച​പ്പോ​ൾ സ​ർ​ദാ​ർ പ​ട്ടേ​ൽ അ​ട​ക്ക​മു​ള്ള​വ​ർ ഭ​ര​ണ​ഘ​ട​നാ അ​സം​ബ്ലി​യി​ൽ ഇ​തി​നെ എ​തി​ർ​ത്ത​താ​ണ്. മ​താ​ടി​സ്ഥാ​ന​ത്തി​ൽ സം​വ​ര​ണം ന​ൽ​കി​ല്ലെ​ന്ന് വ്യ​ക്ത​മാ​ക്കി​യ​താ​ണെ​ന്നും അ​തി​നാ​ണ് ഇ​​പ്പോ​ൾ കോ​ൺ​ഗ്ര​സ് ഭ​ര​ണ​ഘ​ട​ന മാ​റ്റു​ന്ന​തെ​ന്നും റി​ജി​ജു ആ​രോ​പി​ച്ചു. തു​ട​ർ​ന്ന് റി​ജി​ജു​വി​ന്റെ ആ​രോ​പ​ണ​ത്തി​ന് മ​റു​പ​ടി പ​റ​യാ​ൻ ​കോ​ൺ​ഗ്ര​സ് നേ​താ​ക്ക​ളെ അ​നു​വ​ദി​ക്കാ​തെ സ​ഭ ര​ണ്ട് മ​ണി​വ​രെ നി​ർ​ത്തി​വെ​ക്കു​ക​യും ചെ​യ്തു.

നഡ്ഡക്കും റിജിജുവിനുമെതിരെ അവകാശലംഘന നോട്ടീസ്

ന്യൂ​ഡ​ൽ​ഹി: ക​ർ​ണാ​ട​ക സം​വ​ര​ണ വി​ഷ​യ​വു​മാ​യി ബ​ന്ധ​പ്പെ​ട്ട് തി​ങ്ക​ളാ​ഴ്ച രാ​ജ്യ​സ​ഭ​യി​ലു​ണ്ടാ​യ ബ​ഹ​ള​ത്തി​ന് പി​ന്നാ​ലെ സ​ഭാ​നേ​താ​വും ആ​രോ​ഗ്യ മ​​ന്ത്രി​യു​മാ​യ ജെ.​പി. ന​ഡ്ഡ​ക്കും പാ​ർ​ല​മെ​ന്റ​റി കാ​ര്യ​മ​ന്ത്രി കി​ര​ൺ റി​ജി​ജു​വി​നു​മെ​തി​രെ അ​വ​കാ​ശ ലം​ഘ​ന നോ​ട്ടീ​സ് ന​ൽ​കി കോ​ൺ​ഗ്ര​സ്. ന​ഡ്ഡ​യും കി​ര​ൺ റി​ജി​ജു​വും സ​ഭ​​യെ ബോ​ധ​പൂ​ർ​വം തെ​റ്റി​ദ്ധ​രി​പ്പി​ച്ചു​വെ​ന്ന് ചൂ​ണ്ടി​ക്കാ​ട്ടി ച​ട്ടം 188 പ്ര​കാ​രം കോ​ൺ​ഗ്ര​സ് രാ​ജ്യ​സ​ഭ ചീ​ഫ് വി​പ്പ് ജ​യ​റാം ര​മേ​ശാ​ണ് രാ​ജ്യ​സ​ഭ ചെ​യ​ർ​മാ​ന് അ​വ​കാ​ശ ലം​ഘ​ന നോ​ട്ടീ​സ് ന​ൽ​കി​യ​ത്.

ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​റി​നെ​തി​രെ തെ​റ്റി​ദ്ധ​രി​പ്പി​ക്കു​ന്ന പ​രാ​മ​ർ​ശ​മാ​ണ് സ​ഭ​യി​ൽ പാ​ർ​ല​മെ​ന്റ​റി കാ​ര്യ​മ​ന്ത്രി കി​ര​ൺ റി​ജി​ജു ന​ട​ത്തി​യ​ത്. മു​സ്‍ലിം​ക​ൾ​ക്കും ന്യൂ​ന​പ​ക്ഷ​ങ്ങ​ൾ​ക്കും സം​വ​ര​ണം ന​ൽ​കു​ന്ന​തി​ലൂ​ടെ പ​ട്ടി​ക​ജാ​തി, പ​ട്ടി​ക​വ​ർ​ഗ, പി​ന്നാ​ക്ക വി​ഭാ​ഗ​ങ്ങ​ൾ എ​ന്നി​വ​രു​ടെ അ​വ​കാ​ശ​ങ്ങ​ൾ കോ​ൺ​ഗ്ര​സ് ക​വ​ർ​ന്നെ​ടു​ക്കു​ക​യാ​ണെ​ന്ന് ജെ.​പി. ന​ഡ്ഡ സ​ഭ​യി​ൽ ന​ട​ത്തി​യ പ​രാ​മ​ർ​ശ​ങ്ങ​ൾ പൂ​ർ​ണ​മാ​യും തെ​റ്റാ​ണെ​ന്നും അ​വ​കാ​ശ​ലം​ഘ​ന ന​ട​പ​ടി സീ​ക​രി​ക്ക​ണ​മെ​ന്നും നോ​ട്ടീ​സി​ൽ ആ​വ​ശ്യ​പ്പെ​ട്ടു.