മല്യ കേസ്: ആർതർ ജയിൽ സെല്ലിന്‍റെ ദൃശ്യങ്ങൾ യു.കെ കോടതിയിൽ ഹാജരാക്കി

മുംബൈ: ആർതർ ജയിലിലെ സെല്ലുകൾ വൃത്തിഹീനമെന്ന മദ്യ വ്യവസായി വിജയ് മല്യയുടെ ആരോപണത്തിന് മറുപടിയുമായി സി.ബി.ഐ. മല്യയെ പാർപ്പിക്കാനായി തയാറാക്കിയ ആർതർ റോഡ് ജയിലിലെ 12ാം നമ്പർ സെല്ലിന്‍റെ ദൃശ്യങ്ങൾ ലണ്ടൻ വെസ്റ്റ്മിൻസ്റ്റർ മജിസ്ട്രേറ്റ് കോടതിയിൽ സി.ബി.ഐ സമർപ്പിച്ചു. ആർതർ ജയിൽ മനുഷ്യർക്ക് വാസയോഗ്യമല്ലെന്ന മല്യയുടെ വാദം പൊളിക്കാനാണ് 10 മിനിറ്റ് ദൈർഘ്യമുള്ള വിഡിയോ സി.ബി.ഐ അന്വേഷണ സംഘം ഹാജരാക്കിയത്. 

സെല്ലിൽ സ്വഭാവിക വെളിച്ചം ലഭിക്കില്ലെന്നും ശുചിമുറി വൃത്തിഹീനമാണെന്നും വെസ്റ്റ്മിൻസ്റ്റർ കോടതിയിലാണ് മല്യ പരാതിപ്പെട്ടത്. അതിനാൽ തന്നെ ഇന്ത്യക്ക് കൈമാറരുതെന്ന വാദവും മല്യ ഉന്നയിച്ചു. ഈ സാഹചര്യത്തിലാണ് ജഡ്ജി എമ്മ അർബത്നോട്ട് മല്യയുടെ പരാതിയിൽ ഇന്ത്യൻ അധികൃതരോട് വിശദീകരണം തേടിയത്. നേരത്തെ, വാദം കേൾക്കവെ സെല്ലിന്‍റെ ചിത്രങ്ങൾ കോടതി മുമ്പാകെ ഹാജരാക്കിയിരുന്നു. എന്നാൽ, സ്വഭാവിക വെളിച്ചം മുറിയിൽ ഇല്ലെന്ന് ചൂണ്ടിക്കാട്ടി മല്യയുടെ അഭിഭാഷകൻ ചിത്രം നിരസിച്ചു. മല്യക്കെതിരായ കേസ് സെപ്റ്റംബർ 12ന് വീണ്ടും വാദം കേൾക്കും. 

9000 കോ​ടി രൂ​പ​യു​ടെ വാ​യ്​​പ ത​ട്ടി​പ്പും ക​ള്ള​പ്പ​ണം വെ​ളു​പ്പി​ക്ക​ലും അ​ട​ക്ക​മു​ള്ള ക​ു​റ്റ​ങ്ങ​ൾ​ക്ക്​ വി​ചാ​ര​ണ നേ​രി​ടാ​തെ 2016 മാ​ർ​ച്ചി​ലാ​ണ്​ മ​ല്യ ല​ണ്ട​നി​ലേ​ക്ക്​ ക​ട​ന്ന​ത്. ഇ​തേ​തു​ട​ർ​ന്ന്​ വാ​യ്​​പ ന​ൽ​കി​യ ബാ​ങ്കു​ക​ളു​ടെ ക​ൺ​സോ​ർ​ട്യം നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​ വ​രു​ക​യും ബ്രി​ട്ട​നി​ലെ ഹൈ​കോ​ട​തി​യെ സ​മീ​പി​ക്കു​ക​യു​മാ​യി​രു​ന്നു. ലോ​ക​മാ​കെ​യു​ള്ള ത​​​​ന്‍റെ ആ​സ്തി​ക​ൾ മ​ര​വി​പ്പി​ച്ച ഇ​ന്ത്യ​ൻ കോ​ട​തി ഉ​ത്ത​ര​വി​നെ​തി​രെ വി​ജ​യ് മ​ല്യ ന​ൽ​കി​യ ഹ​ര​ജി ല​ണ്ട​നി​ലെ ഹൈ​കോ​ട​തി നേ​ര​ത്തെ ത​ള്ളി​യി​രു​ന്നു. 

മല്യയെ ബ്രിട്ടൻ കൈമാറുകയാണെങ്കിൽ ആർതർ ജയിലിലെ 12ാം നമ്പർ സെല്ലിൽ താമസിപ്പിക്കാനാണ് ഇന്ത്യൻ അധികൃതർ തീരുമാനിച്ചിട്ടുള്ളത്.