കാർഷിക നിയമങ്ങളിൽ പ്രതിഷേധിച്ച്​ ബി.ജെ.പി വിട്ട മാൽവീന്ദർ കാങ്​ എ.എ.പിയിൽ ചേർന്നു

ന്യൂഡൽഹി: കേന്ദ്രസർക്കാറി​െൻറ കാർഷിക നിയമങ്ങളിൽ പ്രതിഷേധിച്ച്​ ബി.ജെ.പിയിൽനിന്ന്​ രാജിവെച്ച മാൽവീന്ദർ സിങ്​ കാങ്​ ആം ആദ്​മി പാർട്ടിയിൽ ചേർന്നു. ബി.ജെ.പിയി​ൽനിന്ന്​ രാജിവെച്ച്​ ഒമ്പതു മാസത്തിന്​ ശേഷമാണ്​ എ.എ.പിയിലേക്കുള്ള പ്രവേശനം.

പഞ്ചാബ്​ ബി.ജെ.പി ജനറൽ സെക്രട്ടറിയും കോർ കമ്മിറ്റി അംഗവുമായിരുന്നു അദ്ദേഹം. എ.എ.പി നേതാക്കളായ ജർനെയിൽ സിങ്​, പ്രതിപക്ഷ നേതാവ്​ ഹർപൽ സിങ്​ ചീമ എന്നിവർ മാൽവീന്ദറിനെ പാർട്ടിയിലേക്ക്​ സ്വീകരിച്ചു. പ്രധാനമന്ത്രി നരേന്ദ്രമോദിയുടെയും പഞ്ചാബ്​ മുഖ്യമന്ത്രി അമരീന്ദർ സിങ്ങി​െൻറയും ജനവിരുദ്ധ നയങ്ങളെ തുടർന്നാണ്​ സമൂഹത്തിലെ വിവിധ വിഭാഗങ്ങളിൽനിന്നുള്ള ആളുകൾ -രാഷ്​ട്രീയക്കാർ, കായിക താരങ്ങൾ, അഭിഭാഷകർ, മാധ്യമപ്രവർത്തകർ, ആക്​ടിവിസ്​റ്റുകൾ തുടങ്ങിയവർ എ.എ.പിയിൽ ചേരുന്നതെന്ന്​ പാർട്ടി മെംബർഷിപ്പ്​ സ്വീകരിച്ചശേഷം അദ്ദേഹം പറഞ്ഞു.

രാജ്യത്തെ കർഷകർ ഏറെക്കാലമായി പ്രക്ഷോഭം തുടരുകയാണ്​. അധികാരത്തിൽ മദോന്മത്തരായ ബി.ജെ.പി നേതാക്കൾ ഇനിയെങ്കിലും അവരെ ഗൗനിക്കേണ്ടതുണ്ടെന്നും മാൽവീന്ദർ പറഞ്ഞു.

എ.എ.പി കൺവീനറും ഡൽഹി മുഖ്യമന്ത്രിയുമായ ​അരവിന്ദ്​ കെജ്​രിവാൾ രാജ്യത്ത്​ മാറ്റത്തി​െൻറ രാഷ്​ട്രീയം ആരംഭിച്ചുവെന്നും ഇത്തരം രാഷ്​ട്രീയം യുവജനങ്ങളുടെ ആവശ്യങ്ങൾ നിറവേറ്റാൻ പ്രാപ്​തരാണെന്നും അദ്ദേഹം കൂട്ടിച്ചേർത്തു.

2020 ഒക്​ടോബറിലായിരുന്നു മാൽവീന്ദറി​െൻറ ബി.ജെ.പിയിൽനിന്നുള്ള രാജി. ബി.ജെ.പിയുടെ ദേശീയ നേതാക്കളോട്​ കർഷകരുടെ പ്രശ്​നങ്ങൾ താൻ സംസാരിച്ചിരുന്നു. എന്നാൽ അവർ അത്​ ചെവികൊണ്ടില്ല. പഞ്ചാബിലെ ബി.ജെ.പി പഞ്ചാബികൾക്ക്​ വേണ്ടിയുള്ളതല്ല. അവർക്ക്​ സംസ്​ഥാനത്തെക്കുറിച്ച്​ ചിന്തയില്ല. എല്ലായ്​പ്പോഴും​ മോദി മാത്രം ശരിയാണെന്ന്​ പറയുന്നവരാണെന്ന്​ കുറ്റപ്പെടുത്തിയായിരുന്നു മാൽവീന്ദറി​െൻറ രാജി.