മമത സർക്കാറിന്​ ഹിന്ദുവിരുദ്ധ മനോഭാവം; വിമർശനവുമായി ബി.ജെ.പി അധ്യക്ഷൻ

ന്യൂഡൽഹി: പശ്ചിമ ബംഗാളിലെ തൃണമൂൽ കോൺഗ്രസ്​ സർക്കാറിനെതിരെ രൂക്ഷ വിമർശനവുമായി ബി.ജെ.പി അധ്യക്ഷൻ ജെ.പി നദ്ദ. മമത ബാനർജി സർക്കാരിന് ഹിന്ദു വിരുദ്ധ മനോഭാവമാണെന്നും അത്​ സ്ഥാനത്ത് രാഷ്ട്രീയ അക്രമങ്ങൾ വർധിപ്പിക്കുന്നുവെന്നും നദ്ദ ആരോപിച്ചു.പശ്ചിമ ബംഗാളിലെ പുതിയ പാർട്ടി കമ്മറ്റിയെ അഭിസംബോധ​ന ചെയ്​തുകൊണ്ടുള്ള വെർച്വൽ മീറ്റിങ്ങിനിടെയാണ്​ നദ്ദയുടെ വിമർശനം.

അടുത്ത വർഷം നടക്കാനിരിക്കുന്ന തെരഞ്ഞെടുപ്പ്​​ മുന്നിൽ കണ്ട്​ മമത സർക്കാർ ന്യൂനപക്ഷ പ്രീതിപ്പെടുത്തൽ നയങ്ങളാണ്​ പിന്തുടരുന്നത്​. ആഗസ്​റ്റ്​ അഞ്ചിന്​ രാജ്യം മുഴുവൻ അയോധ്യയിലെ രാമക്ഷേത്രത്തിൻെറ ഭൂമി പൂജയിൽ പങ്കാളികളായിരിക്കു​േമ്പാൾ അത്​ ജനങ്ങൾ കാണാതിരിക്കാൻ മമത അന്ന്​ പശ്ചിമ ബംഗാളിൽ ലോക്ക്ഡൗൺ ഏർപ്പെടുത്തി. എന്നാൽ ബക്രീദ്​ ദിനത്തിൽ ലോക്ക്ഡൗൺ പിൻവലിച്ചു. ഹിന്ദു വിരുദ്ധ മനോഭാവവും പ്രീണിപ്പിക്കൽ രാഷ്ട്രീയവുമാണ് സംസ്ഥാന സർക്കാർ പിന്തുടരുന്ന നയമെന്നതാണ്​ ഇത്​ വ്യക്തമാക്കുന്നതെന്നും നദ്ദ ആരോപിച്ചു.

അടുത്ത വർഷത്തെ നിയമസഭാ തെരഞ്ഞെടുപ്പിനുള്ള രൂപ രേഖ ബി.ജെ.പി തയാറാക്കി കഴിഞ്ഞു. 2011ൽ ബി.ജെ.പിക്ക്​ 4 സീറ്റുകളുള്ള ബംഗാളിൽ വോട്ട് വിഹതം രണ്ടു ശതമാനമായിരുന്നു. 2014 ൽ 2 സീറ്റുകളാണ്​ ലഭിച്ചതെങ്കിലും വോട്ട് വിഹിതം 18 ശതമാനമായി ഉയർന്നു. 2019ൽ അത്​ 40 ശതമാനമായി. അതേ വേഗതയിൽ തന്നെ പ്രവർത്തിച്ചുകൊണ്ട്​ വരുന്ന തെരഞ്ഞെടുപ്പുകളിൽ തൃണമൂൽ കോൺഗ്രസിനെ​ പരാജയപ്പെടുത്തുമെന്നും നദ്ദ പറഞ്ഞു.

വിശ്വഭാരതി യൂണിവേഴ്‌സിറ്റി കാമ്പസിൽ അടുത്തിടെ നടന്ന അക്രമ സംഭവം പരാമർശിച്ച നദ്ദ മമത സർക്കാർ ശാന്തി നികേതനിലെ വിശ്വഭാരതി സർവകലാശാലയിലു​ള്ള തൃണമൂൽ മാഫിയ രവീന്ദ്രനാഥ ടാഗോറി​​െൻറ പാരമ്പര്യം പോലും നശിപ്പിച്ചുവെന്നും അദ്ദേഹം പറഞ്ഞു.

സംസ്ഥാനത്ത് അടുത്തിടെയുണ്ടായ രാഷ്ട്രീയ കൊലപാതകങ്ങളും നദ്ദ ഉയർത്തി. ജനാധിപത്യത്തി​െൻറ ചാമ്പ്യൻമാർ എന്ന പറയപ്പെടുന്നവർ നൂറിലധികം ബി.ജെ.പി പ്രവർത്തകരുടെ മരണത്തിൽ മൗനം പാലിച്ചു. സംസ്ഥാനത്ത്​ നൂറുകണക്കിന് ബി.ജെ.പി പ്രവർത്തകർ കൊല്ലപ്പെടുകയും രണ്ടായിരത്തോളം പാർട്ടി പ്രവർത്തകർ വ്യാജമായി പ്രതിചേർക്കപ്പെടുകയും ജയിൽ അടക്കപ്പെടുകയും ചെയ്​തു.

പ്രധാനമന്ത്രി നരേന്ദ്രമോദി ദരിദ്രർക്കായി നടപ്പാക്കിയ അഞ്ചു ലക്ഷം രൂപയുടെ മെഡിക്കൽ ക​വറേജ്​ പദ്ധതി ആയുഷ്മാൻ ഭാരത് ബംഗാളിൽ അർഹരായ 4.57 കോടി ആളുകൾക്ക് ലഭിച്ചിട്ടില്ല. സംസ്ഥാനത്തെ കർഷകരെ കേന്ദ്രസർക്കാറി​െൻറ പദ്ധതികളിൽ നിന്നും അകറ്റി. അവർക്ക്​ പ്രധാനമന്ത്രി കിസാൻ ക്രെഡിറ്റ് കാർഡ്​ അനുവദിച്ചില്ല. കേന്ദ്രത്തിൽ നിന്നും പണം കൈപറ്റി പല പദ്ധതികളും മമത ബാനർജി പേരുമാറ്റി നടപ്പാക്കുകയാണുണ്ടായതെന്ന​ും ജെ.പി നദ്ദ തുറന്നടിച്ചു.