ഭൊവാനിപൂർ വിട്ട്​ മമത നന്ദിഗ്രാമിൽ മത്സരിക്കും; തൃണമൂൽ പട്ടികയിൽ 50 വനിതകൾ, 42 മുസ്​ലിംകൾ

കൊൽക്കത്ത: ഭരണം പിടിക്കാൻ ബി.ജെ.പി അരയും തലയും മുറുക്കി രംഗത്തുള്ള പശ്​ചിമ ബംഗാളിൽ ഭരണത്തുടർച്ചക്ക്​ സ്​ഥാനാർഥികളെ ​പ്രഖ്യാപിച്ച്​ മുഖ്യമന്ത്രി മമത ബാനർജി. 291 സ്​ഥാനാർഥികളുടെ പട്ടികക്ക്​ അന്തിമ അംഗീകാരം നൽകാൻ മുഖ്യമന്ത്രിയുടെ വസതിയിൽ ചേർന്ന പാർട്ടി യോഗത്തിനു ശേഷമാണ്​ സ്വന്തം സീറ്റായ ഭൊവാനിപൂർ വിട്ട്​ ഇത്തവണ നന്ദിഗ്രാമിൽ മത്സരിക്കുമെന്ന്​ മമത അറിയിച്ചത്​. തൃണമൂൽ വിട്ട്​ ബി.ജെ.പിയിലേക്ക്​ പോയ സുവേന്ദു അധികാരിയുടെ കോട്ടയായി അറിയപ്പെടുന്ന നന്ദിഗ്രാം എന്തുവില കൊടുത്തും പിടിക്കാനാണ്​ സ്വന്തമായി ആ മണ്ഡലത്തിൽ വോട്ടുതേടി മമത തന്നെ ഇറങ്ങുന്നത്​.

മമതയുടെ സീറ്റായ ഭൊവാനിപൂരിൽ​ തൃണമൂൽ പ്രതിനിധിയായി സുവൻദേബ്​ ച​ട്ടോബാധ്യായ ആകും ഇത്തവണ ജനവിധി തേടുക. 291 സീറ്റുകളിലും സ്​ഥാനാർഥികളെ പ്രഖ്യാപിച്ച മമത പ്രായം 80 പിന്നിട്ട ആരും ഇത്തവണ തൃണമൂൽ ബാനറിൽ മത്സരിക്കില്ലെന്ന്​ വ്യക്​തമാക്കി. ഇതിന്‍റെ ഭാഗമായി 20ലേറെ നിലവിലെ എം.എൽ.എമാരെ പാർട്ടി മാറ്റിനിർത്തിയിട്ടുണ്ട്​.

50 വനിതകളെയും 42 മുസ്​ലിംകളെയും 79 പട്ടിക ജാതിക്കാരെയും 17 പട്ടിക വർഗക്കാരെയുമാണ്​ തൃണമൂൽ അണിനിരത്തിയിരിക്കുന്നത്​.

നടിമാരായ സായന്തിക ബാനർജി, കൗശാനി മുഖർജി, ​ലവ്​ലി മെയ്​ത്ര, സായോനി ഘോഷ്​, നടൻ ചിരൻജിത്ത്​ ചക്രവർത്തി, സംവിധായകൻ രാജ്​ ചക്രവർത്തി, പ്രഫ. ഓംപ്രകാശ്​ മിശ്ര, ക്രിക്കറ്റ്​ താരം മനോജ്​ തിവാരി തുടങ്ങിയവർ തൃണമൂൽ ബാനറിൽ മത്സരിക്കുന്നവരിൽ പെടും.

അതേ സമയം, നന്ദിഗ്രാമിൽ മമതക്കെതിരെ ബി.ജെ.പി ടിക്കറ്റിൽ മത്സരിക്കാൻ സുവേന്ദു അധികാരി നേരത്തെ സന്നദ്ധത അറിയിച്ചിരുന്നു. മുൻ മന്ത്രിയും സുവേന്ദുവിന്​ ബി.ജെ.പിയിൽ കൂട്ടാളിയുമായ റജീബ്​ ബാനർജിയാണ്​ ഇക്കാര്യം വ്യക്​തമാക്കിയത്​. രണ്ടാഴ്ച മുമ്പ്​ മമതയെ​ നന്ദിഗ്രാമിൽ മത്സരിക്കാൻ ബി.ജെ.പി നേതൃത്വവും വെല്ലുവിളിച്ചു. വെല്ലുവിളി ഏറ്റെടുത്ത മമത ഭൊവാനിപൂർ വിടുമോ എന്നായിരുന്നു രാഷ്​ട്രീയ ലോകത്തെ ആശങ്ക.

മാർച്ച്​ 27നാണ്​ ബംഗാളിൽ തെരഞ്ഞെടുപ്പ്​ ആരംഭിക്കുക. എട്ടു ഘട്ടങ്ങളിലായി നടക്കുന്ന തെരഞ്ഞെടുപ്പ്​ ഫലങ്ങൾ മേയ്​ രണ്ടിന്​ അറിയും.

സംയുക്​ത മോർച്ച സീറ്റ്​ വിഭജനം പൂർത്തിയായി

കൊ​ൽ​ക്ക​ത്ത: വ​ർ​ഷ​ങ്ങ​ളാ​യി അ​ധി​കാ​ര​ത്തി​ൽ​നി​ന്ന്​ ഏ​റെ അ​ക​ലെ​യാ​യ ഇ​ട​തു​പാ​ർ​ട്ടി​ക​ളും കോ​ൺ​ഗ്ര​സും നി​ല​നി​ൽ​പ്പി​നാ​യി രൂ​പ​വ​ത്​​ക​രി​ച്ച സം​യു​ക്​​ത മോ​ർ​ച്ച​യു​ടെ സീ​റ്റ്​ വി​ഭ​ജ​നം പൂ​ർ​ത്തി​യാ​യി. ഇ​ട​തു പാ​ർ​ട്ടി​ക​ൾ 165 സീ​റ്റി​ലും കോ​ൺ​ഗ്ര​സ്​ 92 ലും ​ഫു​ർ​ഫു​റ ശ​രീ​ഫ്​ പ്ര​സ്​​ഥാ​ന​ത്തി​‍െൻറ മു​ൻ​കൈ​യി​ൽ പു​തു​താ​യി രൂ​പ​വ​ത്​​ക​രി​ച്ച ഇ​ന്ത്യ​ൻ സെ​ക്കു​ല​ർ ഫ്ര​ണ്ട്​ (ഐ.​എ​സ്.​എ​ഫ്) 37ലും ​മ​ത്സ​രി​ക്കാ​നാ​ണ്​ ധാ​ര​ണ.

സീ​റ്റ്​ വീ​തം​വെ​ക്കു​ന്ന​തി​ലെ ത​ർ​ക്കം മൂ​ലം രൂ​പ​വ​ത്​​ക​ര​ണ​ഘ​ട്ട​ത്തി​ൽ​ത​ന്നെ സ​ഖ്യം ത​ക​രു​മെ​ന്ന ഘ​ട്ട​ത്തി​ൽ ഇ​ട​തു മു​ന്ന​ണി ചെ​യ​ർ​മാ​ൻ ബി​മ​ൻ ബോ​സ്​ മു​ൻ​കൈ​യെ​ടു​ത്താ​ണ്​ ഏ​വ​ർ​ക്കും തൃ​പ്​​തി​ക​ര​മാ​യ രീ​തി​യി​ൽ വി​ഭ​ജ​നം സാ​ധ്യ​മാ​ക്കി​യ​ത്.

പി.​സി.​സി അ​ധ്യ​ക്ഷ​ൻ അ​ധി​ർ ചൗ​ധ​രി​യു​മാ​യി ച​ർ​ച്ച​ന​ട​ത്തി​യ ബി​മ​ൻ ബോ​സ്​ ആ​ദ്യ ര​ണ്ട്​ ഘ​ട്ട​ങ്ങ​ളി​ൽ തെ​ര​ഞ്ഞെ​ടു​പ്പ്​ ന​ട​ക്കു​ന്ന സീ​റ്റു​ക​ളി​ലെ സ്​​ഥാ​നാ​ർ​ഥി പ​ട്ടി​ക ഉ​ട​ൻ പു​റ​ത്തി​റ​ക്കു​മെ​ന്നും അ​റി​യി​ച്ചു. ഇ​ട​തു​ സ്​​ഥാ​നാ​ർ​ഥി​ക​ൾ​ക്ക്​ സം​സ്​​ഥാ​ന​ത്തു​ട​നീ​ളം പി​ന്തു​ണ ന​ൽ​കു​െ​മ​ന്ന്​ റാ​ലി​യി​ൽ പ്ര​സം​ഗി​ച്ച ഐ.​എ​സ്.​എ​ഫ്​ സ്​​ഥാ​പ​ക​ൻ അ​ബ്ബാ​സ്​ സി​ദ്ദീ​ഖി തു​ല്യ​മാ​യ പ​ങ്കു​വെ​പ്പി​ല്ലാ​തെ ആ​രു​മാ​യും സ​ഹ​ക​രി​ക്കി​ല്ല എ​ന്നാ​ണ്​ വ്യ​ക്​​ത​മാ​ക്കി​യ​ത്.