വ്യാജ വാക്​സിനേഷൻ ക്യാമ്പ്​; തട്ടിപ്പ്​ നടത്തിയവർ തീവ്രവാദികളേക്കാൾ അപകടകാരികളെന്ന്​ മമത

കൊൽക്കത്ത: പശ്ചിമ ബംഗാളിലെ വ്യാജ വാക്​സിനേഷൻ ക്യാമ്പ്​ തട്ടിപ്പിൽ രൂക്ഷ പ്രതികരണവുമായി ബംഗാൾ മുഖ്യമന്ത്രി മമത ബാനർജി. വ്യാജ വാക്​സിനേഷൻ ക്യാമ്പ്​ സംഘടിപ്പിച്ച ദേബഞ്​ജൻ ദേബിനെപ്പോലുള്ളവർ തീവ്രവാദികളെക്കാൾ അപകടകാരികളാണെന്നായിരുന്നു മുഖ്യമന്ത്രിയുടെ പ്രതികരണം.

അതേസമയം, സി.ബി.ഐ അന്വേഷണം വേണമെന്ന ബി.ജെ.പിയുടെ ആവശ്യത്തെ മമത തള്ളി. ബി.ജെ.പി ആദ്യം രാമജന്മഭൂമി തീർഥ ട്രസ്​റ്റി​െൻറ അയോധ്യ ഭൂമി വാങ്ങലുമായി ബന്ധപ്പെട്ട സാമ്പത്തിക തട്ടിപ്പ്​ അന്വേഷിക്കാനായിരുന്നു മമതയുടെ മറുപടി.

കൊൽക്കത്ത നഗരത്തിൽ നൂറുകണക്കിന്​ പേർക്കാണ്​ വ്യാജ വാക്​സിനേഷൻ ക്യാമ്പിലൂടെ കുത്തിവെ​പ്പ്​ നടത്തിയത്​. സംഭവത്തിൽ കൊൽക്കത്ത സ്വദേശിയായ ദേബഞ്​ജൻ ദേബ്​ എന്നയാളെ പൊലീസ്​ പിടികൂടുകയും ചെയ്​തിരുന്നു. 28 വയസായ ഇയാൾ ഐ.എ.എസ്​ ഒാഫിസറായി നടിച്ച്​ വ്യാജ വാക്​സിനേഷൻ ക്യാമ്പ്​ നടത്തുകയായിരുന്നു.

'ഇൗ വഞ്ചകർ തീവ്രവാദികളേക്കാൾ അപകടകാരികളാണ്​. ദേബഞ്​ജൻ ദേബിനെ സഹായിച്ചവർ ശക്തമായ നടപടികൾ നേരിടേണ്ടിവരും. ഇത്തരം വഞ്ചകരിൽനിന്ന്​ വിട്ടുനിൽക്കാൻ ആളുകളോട്​ അഭ്യർഥിക്കുന്നു. പൊലീസിനും കോർപറേഷനും ഇതി​െൻറ ഉത്തരവാദിത്തത്തിൽനിന്ന്​ ഒഴിഞ്ഞുമാറാൻ കഴിയില്ല. പൊലീ​സിനോട്​ ജാഗ്രത പാലിക്കാൻ നിർദേശം നൽകി. ഇത്തരത്തിലുള്ള തട്ടിപ്പ്​ തടയാൻ അവർ പ്രത്യേക സന്ദർശനങ്ങൾ നടത്തണം' -മാധ്യമപ്രവർത്തകരോട്​ മമത ബാനർജി പറഞ്ഞു.

ചുവന്ന ബീക്കൺ വാഹനങ്ങൾ ഉപയോഗിച്ച്​ തീവ്രവാദികൾ പാർലമെൻറ്​ കെട്ടിടത്തിലേക്ക്​ കടന്ന​ത്​ എങ്ങനെയാണെന്ന്​ മറന്നിട്ടില്ല. അവരാരും മനുഷ്യരല്ല -മമത കൂട്ടിച്ചേർത്തു.

ദേബി​െൻറ അറസ്​റ്റിന്​ ശേഷം അയാൾ തൃണമൂൽ നേതാക്കൾക്കൊപ്പം നിൽക്കുന്ന ചിത്രം വൻതോതിൽ പ്രചരിച്ചിരുന്നു. ഇൗ ചിത്രങ്ങൾ ഒന്നും തെളിയിക്കുന്നില്ലെന്നായിരുന്നു മമതയുടെ പ്രതികരണം.

'ഇൗ ചിത്രങ്ങൾ യാതൊന്നും തെളിയിക്കുന്നില്ല. നിരവധിപേർ ഞങ്ങളുടെ അടു​ത്തെത്തുകയും ചിത്രമെടുക്കുകയും ചെയ്യുന്നു. നിരവധി തവണ, ആളുകൾ വിമാനത്താവളങ്ങളിൽവെച്ചുപോലും ഫോ​േട്ടാ എടുക്കാനായി അഭ്യർഥിച്ചിരുന്നു. പക്ഷേ എല്ലായ്​പ്പോഴും ഞാൻ നിരസിക്കുകയും ചെയ്യും. എന്നാൽ, സമ്മതമില്ലാതെ നിരവധിപേർ സെൽഫികൾ എടുക്കുന്നു' -മമത പറഞ്ഞു.

വാക്​സിനേഷൻ രേഖകൾ കെട്ടിച്ചമച്ചതിൽ സർക്കാറി​െൻറ പങ്കും അവർ നിഷേധിച്ചു. തട്ടിപ്പുകാർ ചിലപ്പോൾ പ്രധാനമന്ത്രിയുടെയും മുഖ്യമന്ത്രിയുടെയും ഒപ്പുകളുണ്ടാക്കുമെന്നായിരുന്നു പ്രതികരണം.

അതേസമയം, പശ്ചിമബംഗാൾ ഗവർണക്കെതി​രെ രൂക്ഷപ്രതികരണവുമായി മമത ബാനർജി കഴിഞ്ഞദിവസം രംഗത്തെത്തിയിരുന്നു. ഗവർണർ ജഗദീപ്​ ധങ്കറിനെ അഴിമതിക്കാരനെന്ന്​ വിശേഷിപ്പിച്ച മമത, ഹവാല ഇടപാട്​ കേസിൽ ഗവർണറുടെ പേരുണ്ടായിരുന്നുവെന്നും ആരോപിച്ചു. 1996ലെ ജെയിൻ ഹവാല കേസി​െൻറ കുറ്റപത്രത്തിൽ ധങ്കറി​െൻറ പേരുണ്ടായിരുന്നുവെന്നും ഗവർണറെ മാറ്റണമെന്ന്​ ആവശ്യപ്പെട്ട്​ മൂന്ന്​ തവണ കത്തയച്ചതായും മമത വാർത്താസമ്മേളനത്തിൽ പറഞ്ഞു. ഗവർണറും സർക്കാരും തമ്മിലുള്ള പോര്​ രൂക്ഷമാകുന്നതിനിടെയാണ്​ മമതയുടെ പ്രതികരണം.