യു. പിയിൽ തീവ്രവാദ വിരുദ്ധ സ്‌ക്വാഡിൽ തൊഴിൽതട്ടിപ്പ്; യുവാവ് അറസ്റ്റിൽ

ലഖ്നോ: തീവ്രവാദ വിരുദ്ധ സ്‌ക്വാഡിൽ (എ.ടി.എസ്) ജോലി വാങ്ങി നൽകാമെന്ന് പറഞ്ഞ് തൊഴിലന്വേഷകരിൽ നിന്നും പണം കൈപ്പറ്റിയയാൾ അറസ്റ്റിൽ. ഉത്തർപ്രദേശിലാണ് സംഭവം. പ്രതീക് മിശ്ര എന്നയാളാണ് പിടിയിലായത്.

ഐ.പി.എസ്/ഐ.എ.എസ് ഉദ്യോഗസ്ഥനായി നടിച്ചാണ് ഇയാൾ തട്ടിപ്പ് നടത്തിയത്. 250ലധികം പേരാണ് തട്ടിപ്പിനിരയായത്. വ്യാജ ഐ.പി.എസ് ഐ.ഡി കാർഡും നിയമന കത്തുകളും റിക്രൂട്ട്‌മെന്റുമായി ബന്ധപ്പെട്ട രേഖകളും ഇയാളിൽനിന്നും കണ്ടെടുത്തു.